Tutelonomi 8:8 - Chahta Holisso Holitopa 1886

⁸ Yakni onush aiasha, micha bali, micha pa̱kʋpi, micha fik iti, micha pomkilanit aiasha; yakni alif bila micha foebila aiasha;

Tutelonomi 8:8 Iomraidhean Croise

Genesis 49:11

Im issuba haksobish falaia himita ya̱ pa̱kʋpi yo̱, micha im issuba haksobish falaia ushi ya̱ pa̱kʋpi achukma i̱ shahli yo̱ a takchechi hoke; i̱ nafohka ya̱ oka pa̱ki ya̱ ai achefa, micha i̱ nafohka ya̱ pa̱ki issish o̱ ai achefa hoke:

2 Samuel 4:6

Atuk o̱ onush a̱ isht ia chi̱ chohmi hosh aboha yash iklʋna ya̱ ant chukowa tok; atuk osh naksi foni ishit tahlapi nuta ya̱ issot okla tok: micha Lechab, micha itibapishi Baanah itatuklo kʋt tihlaya tok.

1 Mi̱ko 5:11

Mihma Solomon ʋt Hilam a̱ in chuka achʋfa ʋt ʋpa chi̱ ka onush ʋlhpisa tahlepa sipokni pokoli tuklo, micha bila kashofa ʋlhpisa pokoli tuklo ho̱ ima tok: yakohmit Solomon ʋt Hilam a̱ afʋmmikma ihi̱ma tok.

2 Mi̱ko 18:32

Atuk o̱ ant hʋch ishit iʋt yakni hʋchi̱ yakni akinli chohmi, tanchi, micha okapa̱ki aiasha yakni, micha pʋska, micha pa̱kʋpi ahollokchi aiasha yakni, micha alif bila, micha foi bila aiasha yakni yo̱ hʋch isht ona li̱ hʋchi okcha̱ya cha, ik hʋch illo kashke: micha Hesekiah ʋt, Chihowa yʋt pi hlakofficha chi̱ hoke, achit hʋchi nukfohki bʋnna ka hʋch ik i̱ haponaklo kashke.

Atʋloa 147:14

Yʋmmʋt yakni chim ai ʋlhi ya̱ itti̱ nanaiya ikbi yoke; onush nia i̱ shahli yak o̱ ishit chi fehubli hoke.

Atʋloa 81:16

“Onush nia i̱ shahli ak o̱ ipetah chatuk a̱ chohmit, foi bila tʋli chito ya̱ ai ishit kohchi ka̱ chiyuhmi hosh ishit chi fehubli la he tuk oke,” achishke.

Numbas 13:23

Atuk osh Eshkol bokushi ya̱ ona mʋt, yʋmma pa̱ki lokoli achʋfa takali ho̱ naksish achʋfa ho̱ chanlit akʋchi cha tuklo hosh tʋbi takalichit sholi tok; micha pomeklanit, micha fik aiena ka̱ ai isht ʋla tok.

Chan 6:13

Yohmi na yʋmmak ash ot bali palʋska tahlapi ka okla ai ʋpa ma im atampa tuk boshulli a̱sha ka, aiowʋt itahobi mʋt, kishi auah tuklo ka okla alotoli tok.

Chan 6:9

Ʋlla himita yʋt bali palʋska tahlapi, micha nʋni chipunta tuklo aiena ho̱ ishi kʋt ilʋppa a̱shʋshke; yohmi mak osh laua fehna hoka, na katihma heto, im achi tok.

Tutelonomi 32:13

Osapa nan awaya ka̱ ai ʋpa chi̱ kak o̱, yakni achahaka ya̱ om binilichi tok; micha tʋli chito foe‐bila yo̱, micha tasonak tʋli chito bila yo̱ a shu̱kʋchi tok.

Tutelonomi 32:14

Wak i̱ pishukchi nia, micha chukfi i̱ pishukchi, chukfushi nia aiena, micha Bashan aiʋlhpoa chukfi nakni, micha issi‐kosoma yosh haiyihchi nia aiena, micha onush aiena ho̱ ish impʋchi tok: mihma pa̱ki okchi a̱hli issish chohmi ka̱ ish ishko tok.

Tutelonomi 6:3

Yʋmohmi hoka Islael ma, ish haiyaklashke, micha ithaiyanʋt, ish yʋmihchashke; yʋmohmi hosh chi̱ki ʋhleha ha̱ in Chitokaka Chihowah yʋt achit, im issa tok mak o̱, yakni pishukchi micha foebila ayanahanli ya̱ aiasha apaknʋt isht i̱ shahli fehnʋt hʋsh ma̱ha̱yashke.

Tutelonomi 8:7

Chin Chitokaka Chihowah yʋt yakni achukma, yakni bok‐ushi aiasha, kʋli puta, micha oka hofobi puta aiena kʋt okfa, micha nʋnih puta ka̱ ato̱homba;

Tutelonomi 8:9

Yakni yʋmma pʋska ish aiʋpa kʋt chim atikkonofa nana kia ik chim iksho ka he keyu yoke; yakni yʋmma tʋli ʋt tʋli yoke; mikma i̱ nʋnih puta ka̱ asonak lakna ish a kulla hinla ho̱ isht chisht ona hi oke.