Tutelonomi 8:6 - Chahta Holisso Holitopa 1886

⁶ Yʋmohmi hoka chin Chitokaka Chihowah im anumpa ʋlhpisa puta ish ieshi cha, i̱ hina puta ka̱ ano̱ho̱wa cha, ish i̱ nukwiashke.

Tutelonomi 8:6 Iomraidhean Croise

Atʋloa 128:1

Chihowa i̱ nukshopa hosh i̱ hina ya̱ a no̱ho̱wa aiyukali kʋt na̱ yokpa yoke.

Eksotʋs 18:20

Micha nana akaniohma he nanʋlhpisa, micha hina ataya he micha natoksʋli ya̱ yʋmihcha he aiena kak o̱ ish im abʋchashke.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 8:5

Micha hatak osh ushi ya̱ na hotopa onochi cha tuk a̱ chohmi hosh chin Chitokaka Chihowah yʋt na hotopa chi onochi tok a̱, chi chu̱kʋsh isht anukfillit ish pi̱hi̱sashke.

Tutelonomi 8:7

Chin Chitokaka Chihowah yʋt yakni achukma, yakni bok‐ushi aiasha, kʋli puta, micha oka hofobi puta aiena kʋt okfa, micha nʋnih puta ka̱ ato̱homba;

1 Samuel 12:24

Peh Chihowa ya̱ hʋsh i̱ nukwia cha, aia̱hlit chu̱kʋsh oklu̱ha hosh hʋsh im antiashke: nana achinto fehna hʋchim atahli tuk a̱ hʋsh anukfillashke.