Tutelonomi 8:4 - Chahta Holisso Holitopa 1886

⁴ Afʋmmi pokoli ushta ilʋppa chi̱ na fohka yʋt chin taha tok keyu, micha chiyi yʋt shatali tok keyushke.

Tutelonomi 8:4 Iomraidhean Croise

Eksotʋs 16:35

Mihma Islael im ʋlla ʋhleha hʋt manna ʋpʋt itanowa na, afʋmmi pokoli ushta hosh, okla aiasha yakni yo̱ ʋla tok: manna ʋpʋt itanowʋt Kenan yakni aiʋhli ya̱ ona tok.

Numbas 14:33

Mikma hʋchim ʋlla ʋhleha hʋt afʋmmi pokoli ushta ho̱ yakni haiaka ya̱ ai itʋnowʋt hʋsh haui puta kʋt ʋt onʋtoyula na hʋchi haknip ʋt yakni haiaka ya̱ ataha chi̱ hoke.

Tutelonomi 2:7

Hʋchin Chitokaka Chihowah yʋt chibbak na hʋsh toksʋli puta ka̱ na hʋchi yukpali tuk oka: yakni haiaka chito ilʋppa hlopullit hʋsh itʋno̱ho̱wa ka̱ ithana hoke; afʋmmi pokoli ushta ilʋppak ash chin Chitokaka Chihowah yʋt chiba foyuka tuk oke: nana ik chim iksho kit iksho tuk oke, achi tok.

Tutelonomi 29:5

Mikma afʋmmi pokoli ushta ho̱ yakni haiaka ya̱ hʋchi pehlichit a̱ya li tuk oke; micha nafohka hʋsh foyuka kʋt tahʋt ishtia keyu, mikma shulush chiyi isht ish holo kʋt tahʋt isht ik aiyo tuk oke.