Tutelonomi 8:3 - Chahta Holisso Holitopa 1886

³ Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.

Tutelonomi 8:3 Iomraidhean Croise

Atʋloa 105:40

Oklah asilhhah ma̱, kufi ho̱ isht im ʋla tok, mihmʋt ʋba pʋska yo̱ okla ha̱ ishit fihobli tok.

Atʋloa 37:3

Chihowa hak o̱ ish anukchieto cha, nanah achukma kak o̱ ish yʋmihchashke; yʋmohmi hosh yakni ya̱ ish ai a̱ha̱tta cha, nan isht im a̱hli ka̱ ish ai i̱hi̱mpashke.

Mahlu 4:4

Yohmi kia yʋmmak ash osh afalaminchi mʋt, Hatak ʋt pʋska yak bano ho̱ ai okcha̱ya he keyu; amba anumpa moyuma kʋt Chihowa itih akohoncha kak a hi o̱, holisso tok oke, achi tok.

ʋBanumpa Luk Ʋt Holissochi Tok 4:4

Yohmi ma Chisʋs ʋt afalaminchi mʋt, Hatak ʋt pʋska yak bieka ho̱ ai okcha̱ya he keyu; amba Chihowa im anumpa moma kak ashke; achi kʋt holisso hoke, im achi tok.

1 Kolinhlian 10:3

Mihma il impa shilombish imma a miha chʋfa ho̱ momʋt ʋpa tok.

Tutelonomi 29:5

Mikma afʋmmi pokoli ushta ho̱ yakni haiaka ya̱ hʋchi pehlichit a̱ya li tuk oke; micha nafohka hʋsh foyuka kʋt tahʋt ishtia keyu, mikma shulush chiyi isht ish holo kʋt tahʋt isht ik aiyo tuk oke.

Tutelonomi 29:6

Pʋska hʋchik po, micha oka pa̱ki, micha nan ishko homi nana kia hʋsh ishko tuk keyushke; yʋmohmi hosh ʋno ak osh hʋchin Chitokaka Chihowah sia ka̱ hʋsh ithaiyana chi̱ hatuk oke

Tutelonomi 32:47

Nan ik ahobo hʋchi̱ nana keyu hoka; hʋchim ilhfiopak okʋt; nana ilʋppak o̱ yakni hʋsh isha chi hosh Chatan hʋsh hlopullit, yʋmma hʋsh ia kʋt nitak ishit hʋchi̱ falaia chi̱ hoke, achi tok.

Tutelonomi 9:9

Tʋli patʋssa tuklo nan itim apesa tʋli patʋssa tuklo Chihowah yʋt chitim apesa tuk fehna ka̱ ishe la chi̱ hosh, nʋnih ha̱ oiya li mʋt; yohmi cha, nʋnih ha̱ nitak pokoli ushta, micha ninak pokoli ushta ho̱ anta li tok; pʋska ya̱ ak po, micha oka ya̱ ak ishko tok.