Tutelonomi 8:2 - Chahta Holisso Holitopa 1886

² Mikmʋt chu̱kʋsh akanlosecha chi̱ hosh, micha im anumpa ha̱ ish iesha chi̱ hokmá, keyu hokmá, nana ka̱ chi chu̱kʋsh foyuka ka̱ akostinincha chi̱ hosh, imomaka chi pesʋt afʋmmi pokoli ushta ilʋppa yakni haiaka hina hlopulli moma ka̱ chin Chitokaka Chihowah yʋt chisht a̱ya tuk a̱ ish ithaiyanashke.

Tutelonomi 8:2 Iomraidhean Croise

Genesis 22:1

Atuk o̱ ilʋppa puta kʋt yʋmohmi ha ya yakohmi tok, Chitokaka yʋt Eblaham a̱ imomaka pisʋt, Eblaham ma, achi tok. Mihma, Yakeh, yak a̱sha lishke, achi tok.

Atʋloa 103:2

Chihowa ha̱ ish ayokpʋchashke, ʋmish shilombish ma, mikmʋt nanah achukma momah ʋm ʋta̱ha̱hli tuk a̱ ik chim ʋhakso kashke.

Atʋloa 106:7

Pi̱ tikba ʋhleha hʋt Echip aiyashah mʋt, nan inlah fehna ish yʋmi̱hi̱chi tuk a̱ yohmih ik ahno ki tok; isht ish i̱ hullo apakna ka̱ ik ithaiyano hosh, okhʋtah ontʋlaka, Okhʋtah Humma ya̱ ai i̱ filʋmmit chim asʋnali tok oke.

Atʋloa 136:16

Im okla ha̱ yakni hayaka pehlichit a̱ya tok a̱ yakoke hʋsh im achashke; im isht i̱ hullo yʋt abillia yoka̱.

Atʋloa 77:11

Chihowa hʋt na̱ yʋmi̱hi̱chi tok a̱ ʋno̱ho̱li la chi̱ hoke; nittak hupakih ma̱ na̱ fehna ish yʋmi̱hi̱chi tok a̱ ithaiyana la chi̱ hokʋt.

Atʋloa 81:7

“Na̱ chi̱ pʋlʋmmi hosh ish pa̱ha̱yah ma̱, chi kohchi li tok; hilohah ai ʋlomaka ya̱ et a chim ʋnumpo̱ho̱li li tok; Melibah oka ya̱ imomaka a chi pi̱hi̱sa li tok oke. [Yukopa.

Eksotʋs 15:25

Mihma Chihowah ya̱ i̱ pa̱ya tok; mihma Chihowah yʋt iti yo̱ pisachi na, yʋmmak ash oka pit okʋchi ma, oka yʋt champulli toba tok; yʋmmak o̱ nanʋlhpisa bilia, micha nan isht apesa yo̱ im ikbi tok, micha yʋmmak o̱ aiimoma ka̱ pisa tok.

Eksotʋs 16:35

Mihma Islael im ʋlla ʋhleha hʋt manna ʋpʋt itanowa na, afʋmmi pokoli ushta hosh, okla aiasha yakni yo̱ ʋla tok: manna ʋpʋt itanowʋt Kenan yakni aiʋhli ya̱ ona tok.

Eksotʋs 16:4

Yohmi ma Chihowah yʋt Moses a̱, Yakeh, ʋba ya̱ pʋska et hʋchi̱ umbʋche la chi̱ hoke; mikma okla hʋt kohchʋt nitak moma ʋlhpisa kaniohmi ho̱ aiowa bieka; yʋmohmi a̱ nanʋlhpisa ha̱ anowa hinlakmá, keyukmá, nanakmá imomaka pisa la chi̱ hoke.

Eksotʋs 20:20

Mihma Moses ʋt okla ha̱, Hʋchi nukshopa ná, hʋchi tikba ya̱ Chitokaka im anukshopa yʋt takali na, ik hʋchi yoshobo ka chi̱ ho̱ imoma ka̱ hʋchi pesʋt ʋla hoke, im achi tok.

Numbas 14:33

Mikma hʋchim ʋlla ʋhleha hʋt afʋmmi pokoli ushta ho̱ yakni haiaka ya̱ ai itʋnowʋt hʋsh haui puta kʋt ʋt onʋtoyula na hʋchi haknip ʋt yakni haiaka ya̱ ataha chi̱ hoke.

ʋBanumpa Luk Ʋt Holissochi Tok 18:14

Yohmi kʋt hatak ilʋppʋt nan im aia̱hli achukma kʋt achʋfa yash i̱ shahli hosh in chuka ona tok a̱ hʋchim anoli lishke: kʋna hosh ile fehnʋchikmʋt, aka ona he; mikma kʋna hosh ile akanlosichi hokmʋt, holitopa hi oka, achi tok.

Chan 2:25

Micha nana hosh hatak a̱ anukfoyuka ka ithaiyana hoka, kʋna kia hatak a̱ isht atokolit im anola he ʋlhpesa keyu ki tok.

Tutelonomi 1:3

Atuk o̱ yakohmi tok; afʋmmi ont ishit pokoli ushta, hʋshi ont ishit auahachʋfa, nitak ʋmmona ma, Moses ʋt Islael im ʋlla ʋhleha ha̱, Chihowah yʋt nanʋlhpisa imma ima tuk mak o̱, moma ka̱ im anumpuli tok.

Tutelonomi 1:33

Yʋmmak osh hina ya̱ hʋchi tikba a̱ya tok, micha binah hʋsh ahilecha chi̱ ka̱ hoyot hʋchim ahayuchi tok; ninak ma, hʋsh atia chi̱ ka̱ hʋchim anola chi̱ kʋt luak a tok; atuk osh nitak hoshonti ha tok.

Tutelonomi 13:3

Hopaii yʋmma, micha na holhpokuna holhpokuna yʋmma im anumpa ha̱ ish haponakla he keyu; hʋchi chu̱kʋsh a̱ mominchit, micha hʋchimi shilombish ma mominchi hosh hʋchin Chitokaka Chihowah ya̱ ishit hʋsh holitoblikma, nanakma, isht akostinincha chi̱ hosh i̱moma ka̱ hʋchi pisa hoke.

Tutelonomi 2:7

Hʋchin Chitokaka Chihowah yʋt chibbak na hʋsh toksʋli puta ka̱ na hʋchi yukpali tuk oka: yakni haiaka chito ilʋppa hlopullit hʋsh itʋno̱ho̱wa ka̱ ithana hoke; afʋmmi pokoli ushta ilʋppak ash chin Chitokaka Chihowah yʋt chiba foyuka tuk oke: nana ik chim iksho kit iksho tuk oke, achi tok.

Tutelonomi 29:5

Mikma afʋmmi pokoli ushta ho̱ yakni haiaka ya̱ hʋchi pehlichit a̱ya li tuk oke; micha nafohka hʋsh foyuka kʋt tahʋt ishtia keyu, mikma shulush chiyi isht ish holo kʋt tahʋt isht ik aiyo tuk oke.

Tutelonomi 32:7

Nitak cha̱shpo a tok a̱ ish ithaiyanashke, micha ai iti shali laua afʋmmi puta ka̱ ish anukfillashke; chi̱ki ya̱ ish i̱ ponaklashke, chi pisʋcha hinla hoke, mikmʋt chim asʋnonchi ma yʋmmak okʋt chim anola hinla hoke,

Tutelonomi 7:18

Ish i̱ nukshopa he keyu hoke; amba chin Chitokaka Chihowah yʋt Falaoh, micha Echip moma ka̱ i̱ kaniohmichi tok a̱ ish ithaiyana fehna chi̱ hoke;

Tutelonomi 8:16

Yʋmmak osh yakni haiaka ya̱ chi̱ki ʋhleha hʋt ithana tuk keyu ho̱ manna ya̱ chipeta kʋt, chi chu̱kʋsh a̱ akanlosechi, micha imoma ka̱ chi pesa cha, ont chim ishtaiopikma, chim achukmala chi̱ hosh yʋmihchi ma;

Chemis 1:3

Na hʋchi yimmi nan isht imomaka pisa yak osh nuktanlʋt achunanchi ya̱ anukfohkichi hoka hʋsh ithaiyanashke.

Chemis 4:10

Chitokaka itikba ya̱ a hʋsh il akanlosechashke; yohmikma yʋmmak okʋt halʋllit hʋchi wakela chi̱ hoke.

Chemis 4:6

Yohmi kia yʋmmak okʋto i̱ shahlichit isht i̱ kana ya̱ ima hoke; yohmi hatuk osh Chihowa hʋt ilefehnʋchi puta ka i̱ sanalikmʋt, amba chu̱kʋsh akanlosi yokʋno i̱ kanʋt apelahanchi, achi hoke.

1 Pita 1:7

Yohmi kia na hʋchi yimmi ka isht imomaka pihi̱sa kak osh holitopa kʋt, tʋli holisso lakna okpulo chatuk, yʋmmak oka luak isht imomaka pisa chatuk ak kia i̱ shahli fehna hokʋt, Chisʋs Klaist ʋt haiakakma, isht a holitopa, micha annoa chinto aiena kʋt isht a hʋchi otaiyani hokbano;

Nan Otʋni 2:23

Mikmʋt ohoyo yʋmma im ʋlla ʋhleha hatuk ma illi mak o̱ isht ahambi la chi̱ hoke; yohmikma ʋno ak osh hatak chu̱kʋsh nana ai ahni puta ka afʋnalechit ithana sia hatuk a̱ chʋch ʋhleha puta kʋt ithaiyana he mak oke: yohmikma hʋchishno hʋsh a kaniohmi puta kak o̱ isht ai ʋlhpesa aiyukali mak o̱ hʋch ima la hi oke.

Nan Apesa 2:22

Micha yʋmmak o̱ Islael ʋt Chihowa i̱ hina ya̱ holitoblit a noho̱wa he i̱ki ʋhleha hʋt holitobli tok mak o̱ chohmikmá, keyukmá, nana ka isht imomaka pisa lashke, achi tok.

Nan Apesa 3:4

Yʋmmak o̱ Islael ʋt Chihowa i̱ nan ʋlhpisa puta yʋmma i̱ki ʋhleha ha̱ Moses a̱ tohno na ibbak ak osh i̱ holissochi tok a̱ haponaklokmá, nana chi̱ ka imomaka pisa chi̱ hatok.