Tutelonomi 8:18 - Chahta Holisso Holitopa 1886

¹⁸ Amba chin Chitokaka Chihowah ya̱ ish ithaiyanashke: yʋmmak osh holitopa ish aiesha chi̱ ka̱, nan isht aia̱hli chima kʋt, nan itim apesa yʋmmak oka chi̱ki ʋhleha ha̱ anumpa kʋllo im ilonochi tok a̱ himak nitak a̱ yʋmohmi hoka ai a̱hlicha chi̱ kak atok.

Tutelonomi 8:18 Iomraidhean Croise

Genesis 32:14

Issi kosoma tek tahlepa tuklo, micha issi kosoma nakni pokoli tuklo, chukfʋlhpoa tek tahlepa tuklo, micha chukfʋlhpoa nakni pokoli tuklo,

Atʋloa 144:1

A̱ Tʋli Chito, yʋmmak osh sʋbbak a̱ ittibih im ponnʋche tuk, sʋbbakushi a̱ tʋnampih im ponnʋche tuk, a̱ hullo micha a̱ hulihta kʋllo, ʋm ahlʋkuffi chaha micha sʋ hlakuffichi, a̱ telihpa micha ai ʋtukko li, ʋm okla ha̱ a̱ nutakʋchi, Chihowa hʋt hulittopashke.

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

Tutelonomi 26:10

Atuk o̱ himak a̱ yakeh, Chihowah ma, is sʋma tok a̱ yakni yash awaya ʋmmona ka̱ isht chim ʋla lishke, ish acha hi oke; micha chin Chitokaka Chihowah itikba ya̱ ish talalashke, micha chin Chitokaka Chihowah itikba ya̱ ish aiokpʋchashke.

Tutelonomi 6:11

Micha ish alotoli tuk keyu aboha puta nana achukma moma alota, micha ish kulli tuk keyu ho̱ kʋli hofobi kula, micha ish hokchi tuk keyu ho̱, pa̱kʋpi ahollokchi, micha alif iti puta aiena hʋchima na aiʋpʋt chikaiyakmʋt;

Tutelonomi 7:12

Yʋmohmi kak o̱ yakohma hi oke, aiʋlhpiesa yʋmi̱hinchi ilʋppa puta ka̱ haklot hʋsh ieshi cha, hʋsh yʋmi̱hinchikma, chin Chitokaka Chihowah yʋt chi̱ki ʋhleha anumpa kʋllo im ilonochi tok ʋt nan itim apesa, micha isht i̱ nukha̱klo aiena ka̱ hʋchim iesha hi oke.

Tutelonomi 7:8

Amba Chihowah yʋt hʋchi̱ hullo kak a tok, micha hʋchi̱ki ʋhleha anumpa kʋllo im ilonochi tok ʋt a̱hlicha he ahni pulla kak osh, ibbak kʋllo hosh pehlichit hʋchi kohchi tok oke; micha hatak yuka hosh aboha hʋsh aiasha tuk a Echip i̱ mi̱ko Falaoh ibbak a̱ kohchit hʋchi okchalinchi tuk oke.

Tutelonomi 8:1

Anumpa ʋlhpisa puta himak nitak a̱ chim anumpo̱honli li ka̱ ithaiyanʋt ish yʋmihchashke, yʋmohmi hosh hʋchi okcha̱yashke, micha hʋsh apakna cha, Chihowah yʋt hʋchi̱ki ʋhleha ha̱ anumpa kʋllo im il onochi tok a̱ yakni yash chukowʋt hʋsh binilashke.

Nan Apesa 3:7

Micha Islael im ʋlla ʋhleha hʋt nana ik achukmo ka Chihowa itikba a yʋmohmi cha, Chihowa in Chitokaka ya̱ im a haksit Baalim, micha Ashtelah itatuklo ka aiokpʋchi tok.

Nan Apesa 7:2

Mihma Chihowa yʋt Kiteon a̱, Okla chi api̱hʋt a̱ya kʋt laua fehna hatuk o̱, Mitianait ʋhleha ha̱ ibbak fohki la he keyushke; i̱ yohmi li hokma, Islael ʋt ʋm ilauatʋt, Ʋno sʋbbak ak inli hosh sa hlakofichishke, acha hinla hoka.

1 Samuel 2:7

Chihowa ʋt ilbʋsha ikbi hoke; mikmʋt nan in laua ikbi hoke: akanlosechi hoke, mikmʋt wakayʋchi hoke.