Tutelonomi 8:17 - Chahta Holisso Holitopa 1886

¹⁷ Mihma chi chu̱kʋsh anu̱kaka, Ʋno sa kʋllo, micha sʋbbak kʋllo hosh ishit holitopa ilʋppa isht ʋma tok oke, ish achi yoba na,

Tutelonomi 8:17 Iomraidhean Croise

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

1 Kolinhlian 4:7

Kʋta hosh hʋch iti shashohlichit hʋchim apesa tok o̱? Nanta ho̱ ish i̱shi hosh yʋmma chik habeno tok o̱? yohmi ka ish habena hatuk mʋt, nanta katiohmi ho̱ chik habeno ke tuk ak inli ho̱ chohmit isht ish ilauata cho?

Tutelonomi 7:17

Chi chu̱kʋsh anu̱kaka, Oklushi puta ilʋppa laua kʋt a̱ shahli hoka: katiohmi li kak osh kanalichi la hinla cho? ish achikmʋt,

Tutelonomi 9:4

Chin Chitokaka Chihowah yʋt chi tikba ya̱ ishit kanchi ha ya̱, chi chu̱kʋsh anu̱kaka ya̱ anumpulit, Ai ʋlhpiesa li pulla kak o̱ yakni ilʋppa a binili la chi̱ ho̱, Chihowah yʋt sʋsht ʋla tuk oke; chik acho kashke; amba oklushi ilʋppa puta haksi kak o̱, Chihowah yʋt chi tikba a tihlelit kocha weli hoke.

Nan Apesa 7:2

Mihma Chihowa yʋt Kiteon a̱, Okla chi api̱hʋt a̱ya kʋt laua fehna hatuk o̱, Mitianait ʋhleha ha̱ ibbak fohki la he keyushke; i̱ yohmi li hokma, Islael ʋt ʋm ilauatʋt, Ʋno sʋbbak ak inli hosh sa hlakofichishke, acha hinla hoka.

1 Samuel 2:7

Chihowa ʋt ilbʋsha ikbi hoke; mikmʋt nan in laua ikbi hoke: akanlosechi hoke, mikmʋt wakayʋchi hoke.

1 Samuel 30:23

Yohmi ma Lewi ʋt, Itibapishi li ʋhleha ma! Chihowa yʋmmak osh pi hlakofichi cha, okla pin tanampi tuk a̱ pibbak a̱ fohki cha, nana pima tuk oka ishit hʋsh yʋmihcha he keyu pullashke.