Tutelonomi 8:16 - Chahta Holisso Holitopa 1886

¹⁶ Yʋmmak osh yakni haiaka ya̱ chi̱ki ʋhleha hʋt ithana tuk keyu ho̱ manna ya̱ chipeta kʋt, chi chu̱kʋsh a̱ akanlosechi, micha imoma ka̱ chi pesa cha, ont chim ishtaiopikma, chim achukmala chi̱ hosh yʋmihchi ma;

Tutelonomi 8:16 Iomraidhean Croise

Genesis 22:1

Atuk o̱ ilʋppa puta kʋt yʋmohmi ha ya yakohmi tok, Chitokaka yʋt Eblaham a̱ imomaka pisʋt, Eblaham ma, achi tok. Mihma, Yakeh, yak a̱sha lishke, achi tok.

Atʋloa 119:68

Chi achukma cha, achukma kak o̱ ish yʋmi̱hi̱chi hokʋt, chi̱ nan ʋlhpisa putta ka̱ is sʋm abʋchashke.

Eksotʋs 15:25

Mihma Chihowah ya̱ i̱ pa̱ya tok; mihma Chihowah yʋt iti yo̱ pisachi na, yʋmmak ash oka pit okʋchi ma, oka yʋt champulli toba tok; yʋmmak o̱ nanʋlhpisa bilia, micha nan isht apesa yo̱ im ikbi tok, micha yʋmmak o̱ aiimoma ka̱ pisa tok.

Eksotʋs 16:15

Atuk o̱ Islael im ʋlla ʋhleha hʋt pisa mʋt, ilap bi̱ka, Ilʋppʋt manna yoke, Ilʋppʋt nanta hoh cho? itim achit, nan ik ithano hatuk okʋt; mihma Moses ʋt, Pʋska ilʋppak o̱ hʋsh pa chi̱ ho̱ Chihowah yʋt hʋchima tuk oke.

Eksotʋs 16:31

Mihmʋt Islael in chuka achʋfa yʋt hohchifo ha̱ Manna, achi tok, micha tohbi kʋt kolianta nihi chohmi tok; micha ʋpʋt pisa ka̱ pʋska lumbo foebila ishit toba chohmi tok.

Eksotʋs 16:4

Yohmi ma Chihowah yʋt Moses a̱, Yakeh, ʋba ya̱ pʋska et hʋchi̱ umbʋche la chi̱ hoke; mikma okla hʋt kohchʋt nitak moma ʋlhpisa kaniohmi ho̱ aiowa bieka; yʋmohmi a̱ nanʋlhpisa ha̱ anowa hinlakmá, keyukmá, nanakmá imomaka pisa la chi̱ hoke.

Eksotʋs 20:20

Mihma Moses ʋt okla ha̱, Hʋchi nukshopa ná, hʋchi tikba ya̱ Chitokaka im anukshopa yʋt takali na, ik hʋchi yoshobo ka chi̱ ho̱ imoma ka̱ hʋchi pesʋt ʋla hoke, im achi tok.

Loman 8:28

Yohmi ka nan oklu̱ha hokʋt Chihowa i̱ hullo ʋhleha, ilap nan ai ahni tok pulla mak o̱ ʋlhtoho̱ka tok ʋhleha hokʋto, isht im ai achukma he mak o̱ it ibai toksahanli ka il ithaiyanʋshke.

2 Kolinhlian 4:17

Yakosi itintakla ho̱ na pim a palʋmmi shohʋla kia, na holitopa weki bilia nan imaiya fehna ka pim atahli hoke:

Tutelonomi 13:3

Hopaii yʋmma, micha na holhpokuna holhpokuna yʋmma im anumpa ha̱ ish haponakla he keyu; hʋchi chu̱kʋsh a̱ mominchit, micha hʋchimi shilombish ma mominchi hosh hʋchin Chitokaka Chihowah ya̱ ishit hʋsh holitoblikma, nanakma, isht akostinincha chi̱ hosh i̱moma ka̱ hʋchi pisa hoke.

Tutelonomi 8:2

Mikmʋt chu̱kʋsh akanlosecha chi̱ hosh, micha im anumpa ha̱ ish iesha chi̱ hokmá, keyu hokmá, nana ka̱ chi chu̱kʋsh foyuka ka̱ akostinincha chi̱ hosh, imomaka chi pesʋt afʋmmi pokoli ushta ilʋppa yakni haiaka hina hlopulli moma ka̱ chin Chitokaka Chihowah yʋt chisht a̱ya tuk a̱ ish ithaiyanashke.

Tutelonomi 8:3

Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.

Chemis 1:12

Hatak nana hosh nan isht imomaka pisa ya̱ pisa cha, ai a̱hlit hlopulli hokʋto na yukpʋshke; yʋmmak okʋto ai a̱hlit hlopulli ha yokʋto, ai okcha̱ya iachuka holitompa Chitokaka yʋt, kʋna hosh ilap a̱ holitoblikma, ima hi ʋt miha tok mak o̱ isha hi okʋt.

1 Pita 1:7

Yohmi kia na hʋchi yimmi ka isht imomaka pihi̱sa kak osh holitopa kʋt, tʋli holisso lakna okpulo chatuk, yʋmmak oka luak isht imomaka pisa chatuk ak kia i̱ shahli fehna hokʋt, Chisʋs Klaist ʋt haiakakma, isht a holitopa, micha annoa chinto aiena kʋt isht a hʋchi otaiyani hokbano;