Tutelonomi 8:15 - Chahta Holisso Holitopa 1886

¹⁵ Yʋmmak osh yakni haiaka chito, micha palʋmmi, micha sinti chilita, micha shu̱shi nokoa, halambia achi aiasha, micha achahto, oka ik ai ishko ya̱ pehlichit chi hlopullichi tok oke; yʋmmak osh tʋli chito tasonak chohmi ya̱ oka ya̱ a chi̱ kohchi tok oke.

Tutelonomi 8:15 Iomraidhean Croise

Atʋloa 105:41

Tʋli chito mitʋffih ma̱, oka yʋt et fuhopah mʋt, okhina yosh chukushmi ya̱ a yʋnʋlli tok oke.

Atʋloa 136:16

Im okla ha̱ yakni hayaka pehlichit a̱ya tok a̱ yakoke hʋsh im achashke; im isht i̱ hullo yʋt abillia yoka̱.

Numbas 20:11

Micha Moses ʋt ibbak a̱ ʋba pit weli cha tʋli chito ya̱ in tʋbi yash hitukla ha̱ isht isso tok; mihma oka laua fehna hosh et kohcha tok, mihma okla moma, micha i̱ nan ʋlhpoa aiena kʋt ishko tok.

Numbas 21:6

Mihma Chihowah yʋt sinti luak o̱ okla ai itin takla on tihleli na okla ha̱ kopoli tok, mihma Islael okla laua kʋt illi tok.

1 Kolinhlian 10:4

Mihmʋt nan ishko shilombish imma a miha chʋfa ho̱ momʋt ishko tok. Tʋli chito shilombish imma yʋmmak ash okla ai ishko tok a̱ yʋmmak ash ot iakaiya tok oka; yohmi ma Tʋli chito yʋmmʋt Klaist mak atok oke.

Tutelonomi 1:19

Atuk o̱ Holeb a̱ ashʋt il ia mʋt, yakni haiaka chito, micha palʋmmi, hina takla Amolait okla i̱ nʋnih ha̱ hʋsh a pisa chash pin Chitokaka Chihowah yʋt pim apesa tuk mak o̱ mominchit e hlopulli tok; mihmʋt Katesh‐banea ya̱ ela tok.

Tutelonomi 32:13

Osapa nan awaya ka̱ ai ʋpa chi̱ kak o̱, yakni achahaka ya̱ om binilichi tok; micha tʋli chito foe‐bila yo̱, micha tasonak tʋli chito bila yo̱ a shu̱kʋchi tok.