Tutelonomi 8:14 - Chahta Holisso Holitopa 1886

¹⁴ Yʋmohmikmʋt chi chu̱kʋsh ilefehnʋchi cha, chin Chitokaka Chihowah yʋmmak osh Echip yakni akohchʋt aboha yuka ai ishit chi kohchi tuk, a̱ chim a haksa hi oke.

Tutelonomi 8:14 Iomraidhean Croise

2 Mi̱ko 14:10

Etom a̱ ish imaiya tuk o̱ mʋhli, mihma chi chu̱kʋsh ʋt ʋba chisht onʋshke; isht ish ilauata cha, chin chuka ish ahantashke; nanta katiohmi ho̱ ile nukowʋchit antʋt ishit hotopʋt chishno, micha Chutah hʋsh aienʋt hʋchi akʋma hinla cho? achi tok.

2 Mi̱ko 17:38

Micha nan itim apesa hʋch itim apesa li tok a̱ ik hʋchim i hakso kashke; micha chitokaka inla puta ka hʋsh i̱ nukwia he keyu hoke.

Atʋloa 106:21

Echip a̱ na̱ huchito a yʋmi̱hi̱chit, Ham i̱ yakni ya̱ nan inlah fehna yo̱ a yʋmi̱hi̱chi tuk osh, Okhʋtah Humma ya̱ nanah pʋllʋmmi yo̱ a yʋmi̱hi̱chi hosh okchalinchi tuk Chitokaka ya̱ im ʋhaksi tok oke.

Atʋloa 78:7

Micha Chitokaka yak o̱ anukchieto cha, Chitokaka na̱ yʋmi̱hi̱chi tok a̱ ik im ʋhakso hosh, im ʋnnumpah ʋlhpisa putta ka̱ hulittoblit iesha he,

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Numbas 15:39

Mikma hʋchim poshota yosh hʋsh pihi̱sakmʋt Chihowah im anumpa moma ka̱ ithaiyanʋt hʋsh yʋmihcha chi̱ hoke; mikmʋt hʋchi chu̱kʋsh akinli, micha hʋchi nishkin akinli iakaiyʋt hauit hʋsh itʋnowa beka tuk ʋt hʋchik yʋmohmo kashke.

Tutelonomi 13:6

Chitibapishi chishki ya̱ ushi yokmá, keyukmʋt chiso yokmá, keyukmʋt chisotek okmá, keyukmʋt chi tekchi chi apotoa tuk ak okmá, keyukmʋt chi̱ kana yosh chimi shilombish ak inli chiyuhmi tuk okmá, nana hosh lumʋt chi haksichit, yʋmmak oka hʋchishno, micha hʋchi̱ki ʋhleha aiena kʋt ithana tok keyu kia, Kilia cha, naholbʋt toba inla,

Tutelonomi 17:20

Yʋmohmi hosh chu̱kʋsh ʋt ʋba takalit itibapishi ʋhleha ha̱ ik i̱ shahlo, micha anumpa hash naksika pit fullotʋt ishtimpakimma, keyukmʋt ʋlhfʋbekimma ik aiyo kashke: yʋmohmi hosh Islael ai itin takla ya̱, yʋmma micha im ʋlla ʋhleha aiena im apehliechika ieshi nitak falaiachashke. (achi tok.)

Tutelonomi 4:9

Peh ahah, hʋsh il ahni cha, hʋchimi shilombish a̱ achunanchit hʋsh ieshashke, keyukmʋt, nana puta hʋchi nishkin ʋt pi̱sa tuk ʋt hʋchim ahaksi ná, micha chi okcha̱ya nitak moma ka̱ hʋchi chu̱kʋsh a̱ akohchʋt kʋnia na: amba chiso puta, micha chiso ha̱ ushi puta ka̱ ish im abʋchashke.

Tutelonomi 5:6

Ʋno ak osh chin Chitokaka Chihowah sia hosh, Echip yakni, micha aboha a yuka chi pehlichit a kohchi li tok oke.

Tutelonomi 6:11

Micha ish alotoli tuk keyu aboha puta nana achukma moma alota, micha ish kulli tuk keyu ho̱ kʋli hofobi kula, micha ish hokchi tuk keyu ho̱, pa̱kʋpi ahollokchi, micha alif iti puta aiena hʋchima na aiʋpʋt chikaiyakmʋt;

Tutelonomi 8:11

Ahah, ish ahni cha, chin Chitokaka Chihowah ya̱ im anumpa ʋlhpisa puta, micha im ai ʋlhpiesa yʋmi̱hinchi, micha i̱ nanʋlhpisa bilia, himak nitak a̱ chim anumpo̱honli li ka̱ chik ieshot ik chim a hakso kashke.

Tutelonomi 8:13

Micha nanʋlhpoa chin hochito, micha nanʋlhpoa chin chipunta aiena kʋt chim apaknakmʋt, micha chin tʋli hʋta, micha chin tʋli holisso lakna ʋt chim apaknakmʋt, micha nana chim a̱sha tuk moma kʋt chim apaknakmʋt,

Nan Apesa 3:7

Micha Islael im ʋlla ʋhleha hʋt nana ik achukmo ka Chihowa itikba a yʋmohmi cha, Chihowa in Chitokaka ya̱ im a haksit Baalim, micha Ashtelah itatuklo ka aiokpʋchi tok.