Tutelonomi 8:11 - Chahta Holisso Holitopa 1886

¹¹ Ahah, ish ahni cha, chin Chitokaka Chihowah ya̱ im anumpa ʋlhpisa puta, micha im ai ʋlhpiesa yʋmi̱hinchi, micha i̱ nanʋlhpisa bilia, himak nitak a̱ chim anumpo̱honli li ka̱ chik ieshot ik chim a hakso kashke.

Tutelonomi 8:11 Iomraidhean Croise

Atʋloa 103:2

Chihowa ha̱ ish ayokpʋchashke, ʋmish shilombish ma, mikmʋt nanah achukma momah ʋm ʋta̱ha̱hli tuk a̱ ik chim ʋhakso kashke.

Atʋloa 106:21

Echip a̱ na̱ huchito a yʋmi̱hi̱chit, Ham i̱ yakni ya̱ nan inlah fehna yo̱ a yʋmi̱hi̱chi tuk osh, Okhʋtah Humma ya̱ nanah pʋllʋmmi yo̱ a yʋmi̱hi̱chi hosh okchalinchi tuk Chitokaka ya̱ im ʋhaksi tok oke.

Lefitikʋs 13:48

Linen osh keyukmʋt chukfi hishi yosh ʋpi tʋnna yokma, keyukmʋt ishit tʋnna yokma, nahakshup okma, keyukmʋt nahakshup osh nana toba yokma,

Numbas 15:39

Mikma hʋchim poshota yosh hʋsh pihi̱sakmʋt Chihowah im anumpa moma ka̱ ithaiyanʋt hʋsh yʋmihcha chi̱ hoke; mikmʋt hʋchi chu̱kʋsh akinli, micha hʋchi nishkin akinli iakaiyʋt hauit hʋsh itʋnowa beka tuk ʋt hʋchik yʋmohmo kashke.

Tutelonomi 11:32

Mikmʋt nan ʋlhpisa bilia moma, micha ai ʋlhpiesa yʋmihinchi himak nitak a̱ hʋchi tikba ya̱ takalichi ka̱ ithaiyanʋt hʋsh yʋmihchashke.

Tutelonomi 4:1

Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 4:5

Yakeh, yakni yʋmma hʋsh ia kʋt, hʋsh binilikmʋt, hʋsh yʋmihcha chi̱ ho̱, an Chitokaka Chihowah yʋt ʋm apesa tuk mak o̱, chohmit, nan ʋlhpisa, micha aiʋlhpiesa yʋmihchi puta ka̱ hʋchim abʋchi li tuk oke.

Tutelonomi 4:9

Peh ahah, hʋsh il ahni cha, hʋchimi shilombish a̱ achunanchit hʋsh ieshashke, keyukmʋt, nana puta hʋchi nishkin ʋt pi̱sa tuk ʋt hʋchim ahaksi ná, micha chi okcha̱ya nitak moma ka̱ hʋchi chu̱kʋsh a̱ akohchʋt kʋnia na: amba chiso puta, micha chiso ha̱ ushi puta ka̱ ish im abʋchashke.

Tutelonomi 6:11

Micha ish alotoli tuk keyu aboha puta nana achukma moma alota, micha ish kulli tuk keyu ho̱ kʋli hofobi kula, micha ish hokchi tuk keyu ho̱, pa̱kʋpi ahollokchi, micha alif iti puta aiena hʋchima na aiʋpʋt chikaiyakmʋt;

Tutelonomi 7:11

Yʋmohmi hoka anumpa ʋlhpisa puta, nan ʋlhpisa bilia, ai ʋlhpiesa yʋmihinchi, himak nitak a̱ chi̱ miha li ka̱ ish ieshi cha, ish yʋmi̱hinchashke.

Tutelonomi 8:14

Yʋmohmikmʋt chi chu̱kʋsh ilefehnʋchi cha, chin Chitokaka Chihowah yʋmmak osh Echip yakni akohchʋt aboha yuka ai ishit chi kohchi tuk, a̱ chim a haksa hi oke.

Nan Apesa 3:7

Micha Islael im ʋlla ʋhleha hʋt nana ik achukmo ka Chihowa itikba a yʋmohmi cha, Chihowa in Chitokaka ya̱ im a haksit Baalim, micha Ashtelah itatuklo ka aiokpʋchi tok.