Tutelonomi 7:9 - Chahta Holisso Holitopa 1886

⁹ Yʋmohmi hoka ish ithaiyana, Chihowah chin Chitokaka ak osh Chitokaka, micha Chitokaka aia̱hlichi ʋt holitobli cha, im anumpa ha̱ ieshikma, nan itim apesa, micha nan isht i̱ nukha̱klo ya̱ ai iti shali tahlepa sipokni hoh kia im iesha hi oke.

Tutelonomi 7:9 Iomraidhean Croise

Genesis 17:7

Micha ʋno ʋt chishno, micha chim ishtatiaka et chiakaiya aiena kʋt ai itishalit mihinti ka̱ nana itim apesa bilia mak o̱, kʋllochit chitim apesa lish, chishno, micha chim ishtatiaka et chiakaiya aiena ka̱ in Chitokaka sia ha chi̱ hoke.

Genesis 28:15

Micha yakeh, chibafoyuka lishke, micha kanima moma ish onakma, chi halʋlli la chi̱ hoke, atuk osh anonti yakni ilʋppa chisht ʋla la hi oke: anumpuli li tuk ʋt ak yʋmihcho ki̱sha kʋt chissa la he keyu hokʋt, achi tok.

Genesis 9:15

Mikma ʋno, micha hʋchishno, micha nanokcha̱ya nipi a̱sha moma aiena ka̱ nana itim apesa ʋt a pitin takla takali ka̱ ithaiyana la hi oke; mikma himakma oka yʋt oka falama toba cha, nana nipi a̱sha moma ka̱ oka tʋmola he keyu ka hi oke.

1 Mi̱ko 8:23

Micha, Islael in Chitokaka Chihowa ma! chin tishu ʋhleha hʋt chu̱kʋsh ai oklu̱hʋt chi tikba a noho̱wa hokʋno nan it im apesa, micha nan i̱ nukha̱klo aiena aia̱hlichi chia hoke, ʋba shutik, micha nutaka yakni ya̱ chitokaka chishno chohmi kʋt iksho hoke.

Atʋloa 103:18

I̱ nan ittim ʋlhpisa hulittobli ʋhlehah, i̱ nan ʋlhpisa putta ka̱ ithaiyanʋt yʋmihchi ʋhleha ha̱ onuttoiyula hoke.

Atʋloa 105:8

Nan ittim ʋpesa tok ʋt ithaiyana na billiʋshke; ʋnnumpah ʋpesa tok ʋt ithaiyana kʋt isht ai unchululi tʋhlepah sipoknih kia ona hoke.

Atʋloa 119:75

Chihowa ma, nan ish ʋpehi̱sa kʋt ai ʋlhpiesa ka̱, micha isht is sʋm ai a̱hli kak osh na̱ pʋlʋmmi is si onucchi tuk a̱ ithana lishke.

Atʋloa 146:6

Yʋmmak osh ʋba micha yakni, okhʋtah micha nana hosh yʋmma̱ aiyasha momah aiena ka̱ ikbi tok osh, aia̱hlika ieshi na billia yak oke.

Atʋloa 36:6

Chim ai ʋlhpiesa yʋt Chitokaka i̱ nʋnih huchito putta ka̱ chohmishke; nan ish ai ʋpehi̱sa yʋt okhʋtah chito ohmi hoke; hʋttak micha nan ʋlhpoa aiena ka̱ ish okchalinchi hoke, Chihowa ma.

Eksotʋs 20:6

Micha tahlepa sipokni kia sa holitobli cha, ʋm anumpa ha̱ holitoblikma i̱ nukha̱klo li hoke.

Numbas 14:18

Chihowah yʋt nuktaiyala na hopaki, micha isht i̱ nukha̱klo ʋt chinto hosh, nan ashʋchi micha yoshoba ya̱ i̱ kashoffi, micha nan ashʋchi im a̱hli ya̱ hlakoffichi keyu, micha i̱ki ʋhleha nan ashʋchi tuk a̱ im ʋlla ʋhleha ai iti shali ont atuchina, micha ont ai ushta hoh kia, nana palʋmmi ish onocha he ish miha tok mak osh, an Chihowah nan isht im aia̱hli ʋt chitashke.

Loman 8:28

Yohmi ka nan oklu̱ha hokʋt Chihowa i̱ hullo ʋhleha, ilap nan ai ahni tok pulla mak o̱ ʋlhtoho̱ka tok ʋhleha hokʋto, isht im ai achukma he mak o̱ it ibai toksahanli ka il ithaiyanʋshke.

1 Kolinhlian 1:9

Chihowa hʋt ai a̱hli yoke, yʋmmak o̱ ilap Ushi pin Chitokaka Chisʋs Klaist a̱ ai ib ai eshi isht a hʋchi ʋlhtoka hatuk oke.

1 Kolinhlian 10:3

Mihma il impa shilombish imma a miha chʋfa ho̱ momʋt ʋpa tok.

1 Kolinhlian 8:3

Amba kʋna hosh Chihowa ya̱ i̱ hullokma, mihi yosh yʋmma im a holitopa hoke.

2 Kolinhlian 1:18

Yohmi ka Chihowa hʋt ai a̱hli yatuk o̱, pim anumpa nan isht e hʋchim achi tuk a̱ yau yatuk osh anonti keyu, yatuk keyushke.

Tutelonomi 32:39

Himak a̱ pisá, ʋno, ʋno fehna kak osh mih sia hoke, yohmi ka̱ naholbʋt toba yʋt sʋba foyuka keyu hoke: ʋbe li, micha okchalinchi li hoke; hotopali li, micha hlakofiche li hoke; mikma kʋna hosh sʋbbak a̱ akohchit hlakoficha he ʋt iksho hoke.

Tutelonomi 32:4

Yʋmmak osh tʋli chito ak oke; nan isht ai ahanta yʋt ʋlhtaha hoke; nan im a kaniohmi puta kʋt aiʋlhpiesa hoke; Chitokaka ai a̱hli, micha nan ashʋchi iksho: aiʋlhpiesa, micha ʋlhpesa yoke.

Tutelonomi 4:35

Hʋchishno ʋto Chihowah ak osh Chitokaka yoke, hʋsh ithaiyana chi̱ ho̱ hʋchi̱ haiakʋchi tok; yʋmma inla kʋt iksho hoke.

Tutelonomi 4:39

Yʋmohmi hoka, himak nitak a̱ ish ithaiyanashke, micha chi chu̱kʋsh a̱ isht ish anukfillashke; Chihowah ak osh ʋba yakni, micha nutaka yakni aiena ka̱ yʋmmak osh Chitokaka yoke, inla kʋt iksho hoke.

Tutelonomi 5:10

Micha tahlepa sipokni hoh kia sa holitobli cha, ʋm anumpa ha̱ ʋm anti̱hi̱ya ya̱ i̱ nukha̱klo li hoke.

1 Hlessalonian 5:24

Nana miha kʋt ai a̱hlichi yosh hʋchi hoyo kʋt, yʋmmʋt yʋmihcha chi̱ ak inli hoke.

2 Hlessalonian 3:3

Yohmi kia Chitokaka yʋt na mihʋt ai a̱hlichi, yʋmmak osh hʋchi hlampkochi cha, nan okpulo ya̱ hʋchi a filʋmmichit hʋch iesha hi oke.

2 Timohli 2:13

Kil i̱ yimmo kia, ilap okʋto ai a̱hlit ahanta: yohmi kʋt ik ile holitoblo ka he keyu hoke.

Titus 1:2

Yohmi cha ai okcha̱yʋt bilia pisa he ai ahna hi atok, yʋmmak oka Chihowa holaba he keyu yʋt, nana puta kʋt ik tobo pilla kash inli ho̱, im ihi̱sa tok;

Heblu 10:23

Nana pim ihi̱sa tok ʋt ai a̱hli yoka, nana pi yimmi il il apihi̱sa tok ʋt shanaia iksho hosh il ai a̱hlashke:

Heblu 11:11

Na yimmi pulla kak osh anonti Sela ilap inlit isht hlampko ishi hosh chakali cha, ʋlla sholi tok, ai yʋmohmi chatuk a̱ ont iʋt kʋnia kia, yʋmmak ash ot nan im issa tok a̱ ai a̱hli yoke ahnit i̱ yimmi hatok okʋt.

Heblu 6:18

Yohmi ka nana kaniohmit ai inli himma keyu tuklo yʋmmak oka Chihowa hokʋt isht a holaba himma keyu hoka, ʋba isht il aiyukpa pim ihi̱sa tok ash il isha chi̱ hosh a hlakofi yo̱ il o̱ chaha̱fa kʋt, nan isht a nuktaiyala chinto il iesha he ak atok.

Chemis 1:12

Hatak nana hosh nan isht imomaka pisa ya̱ pisa cha, ai a̱hlit hlopulli hokʋto na yukpʋshke; yʋmmak okʋto ai a̱hlit hlopulli ha yokʋto, ai okcha̱ya iachuka holitompa Chitokaka yʋt, kʋna hosh ilap a̱ holitoblikma, ima hi ʋt miha tok mak o̱ isha hi okʋt.

1 Chan 1:9

Na pim ai ashʋchika ya̱ il il im anohonli hokma, yʋmmak okʋt ai a̱hli achukmʋt, ai ʋlhpiesa hatuk osh na pim ai ashʋchika ya̱ pi̱ kanʋllichi; micha nan ik ai ʋlhpeso ka mominchit pi̱ kashofa hinla hoke.

Nan Apesa 2:1

Yohmi ma Chihowa im enchel ʋt Kilkal pilla minti hosh Bochim a̱ ʋla mʋt, Echip a̱ hʋchi kohchichit, hʋch i̱ki ʋhleha ha̱ anumpa kʋllo il onochit im issa li tok yakni ya̱ hʋch isht ʋla li tok: micha anumpa chit im apesa li tok ʋt kobʋffi la himma keyu;

Nan Apesa 5:31

Yʋmohmi hosh chin tʋnʋp moma kʋt illashke, Chihowa ma! amba Chihowa holitobli ʋto hʋshi ʋt imi̱ hlampko il ai eshi hosh kohcha kak inli ho̱ chiyuhmashke, ahanchi tok oke. Mihma yakni ʋt afʋmmi pokoli ushta ho̱ foha tok oke.