Tutelonomi 7:8 - Chahta Holisso Holitopa 1886

⁸ Amba Chihowah yʋt hʋchi̱ hullo kak a tok, micha hʋchi̱ki ʋhleha anumpa kʋllo im ilonochi tok ʋt a̱hlicha he ahni pulla kak osh, ibbak kʋllo hosh pehlichit hʋchi kohchi tok oke; micha hatak yuka hosh aboha hʋsh aiasha tuk a Echip i̱ mi̱ko Falaoh ibbak a̱ kohchit hʋchi okchalinchi tuk oke.

Tutelonomi 7:8 Iomraidhean Croise

Genesis 19:16

Atuk o̱ sʋlaha ma, hatak ash osh ibbak a̱ halʋlli mʋt, tekchi ibbak a̱ halʋlli mʋt, ushetik tuklo ibbak a̱ halʋllit okla tok: Chihowa yʋt i̱ nukha̱klo hatuk o̱; micha tʋmaha holihta ya̱ ishit kohchit hilechit okla tok.

Genesis 19:29

Atuk o̱ yakohmi tok, Chitokaka yʋt yakni patali tʋmaha holihta puta ka̱ okpʋnit tahli mʋt, Eblaham a̱ ithaiyana tok; micha tʋmaha holihta puta Lot ʋt ai ʋtta yash okpʋnit tahli mʋt, nana okpulot taha kash im itin takla ya̱ ai ishit Lot a̱ kohchi tok.

2 Samuel 22:20

Micha kohchit achito ka sʋsht ʋla tok: si ahninchi hatuk osh, sa hlakofichi tok oke.

1 Mi̱ko 10:9

Chin Chitokaka Chihowa yʋmmak osh chi ahninchi cha, Islael ai ombinili holitompa ya̱ chi binilichi tuk ʋt holitopashke; Chihowa ʋt Islael a̱ i̱ hullo na bilia hatuk osh, nan im apesʋt ai ʋlhpiesa ish yʋmihcha chi̱ ho̱, mi̱ko chikbi tuk oke, im achi tok.

Atʋloa 105:42

Im ʋnnumpah hulittopa ya̱ i̱ tishuh Eblaham ittim apesa tok ʋt ithaiyana tok okʋt.

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

Atʋloa 44:4

Chitokaka ma, chishno ak osh a̱ mi̱ko chia hoke; Chekob ahlʋkuffi putta ka̱ ish ʋpesashke.

Eksotʋs 13:14

Atukma yakohma hi oke, Nitak himak minti ka̱ chiso hʋt chim ponaklot, Ilʋppʋt nanta hoh cho? achikma, Chihowah yʋt ibbak hlampko hosh pehlichit Echip yakni, micha aboha ayuka ha̱ pi kohchi tok oke.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 20:2

Ʋno ak osh Chin Chitokaka Chihowah sia hosh Echip yakni, micha yuka aboha ya̱ apehlichit chi kohchi li tuk oke.

Eksotʋs 32:13

Eblaham Aisak, micha Islael chin tishu ʋhleha, yʋmmak oka chishno ak inli ile hochifot anumpa kʋllo anumpulit, chim isht atiaka apaknʋchit ʋba shutik fochik a̱ chohmichi la chi̱ hoke, micha yakni isht anumpuli li tuk ilʋppa chim isht atiaka ya̱ ima likma immi bilia hi oke, ish im achi tok ʋt ish ithaiyanashke, achi tok.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Mahlu 11:26

Ʋlhpesashke, A̱ki ma! yʋmmak osh chim ʋlhpiesa hatuk oka, achi tok.

Loman 11:28

Ʋbanumpa hash imma hokʋno, hʋchishno yak atuk pulla kak o̱ yʋmmak ash ot tʋnʋp ʋhleha hoke; amba ʋlhtoka yash imma hokʋno i̱ki ʋhleha yash ak atuk pulla kak o̱ i̱ holitopa ʋhleha hoke.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 10:15

Peh Chihowah yʋt chi̱ki ʋhleha ha̱ holitobli kʋt im achukma tok; micha im ishtiaka pit iakaiya aiena ka̱ okla moma ka̱ im aiyachit atokolit ishi tok o̱, himak nitak a̱ yʋmohmi hoke.

Tutelonomi 23:6

Chi okcha̱ya nitak moma ka̱ im iti̱ nanaiya, micha nana kʋt im aia̱hli achukmʋt ma̱ha̱ya he a̱ chik i̱ ho̱ho̱yo ho̱ bilia hi oke.

Tutelonomi 33:3

A̱hli, okla ha̱ i̱ holitopa tok, imi saint ʋhleha moma kʋt chibbak foyuka hoke, micha chiyi ituma chieya tok: moma kʋt chim anumpa ha̱ ai isha hi oke.

Tutelonomi 4:20

Amba Chihowah yʋt hʋchishno ya̱ hʋch ishi cha, tʋli abila Echip fehna ka̱ hʋchi kohchi kʋt, okla immi ha chi̱ ha tok o̱, hima̱k nitak a̱ hʋsh yʋmohmishke.

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 4:37

Micha hʋchi̱ki ʋhleha ha̱ holitobli ha tuk osh yʋmma iakaiya im isht atiaka atokoli tok: micha isht im aia̱hli kʋllo hosh itikba ya̱ Echip a̱ a kohchit chisht a̱ya tok;

Tutelonomi 5:6

Ʋno ak osh chin Chitokaka Chihowah sia hosh, Echip yakni, micha aboha a yuka chi pehlichit a kohchi li tok oke.

1 Chan 4:19

Ilap ak osh ti̱kba pi̱ hullo tok oka, pishno ʋt yʋmma il i̱ hulloshke.

1 Samuel 12:22

Chihowa ʋt ilap hohchifo holitopa ak atuk pulla kak o̱ im okla ha̱ kancha he keyu: Chihowa ʋt ʋlhpesa ahni pulla cha, im okla hʋch ikbi tuk okʋt,