Tutelonomi 7:7 - Chahta Holisso Holitopa 1886

⁷ Laua kʋt okla inla ya̱ hʋsh i̱ shahli kak o̱, Chihowah yʋt hʋchi̱hullot hʋchi atokoli tok keyu; okla laua kʋt okla moma ka̱ hʋchik lauwo ke tuk oka.

Tutelonomi 7:7 Iomraidhean Croise

Atʋloa 105:12

Hʋttak holhti̱na, kʋnomosih, micha oklah ik ithano yosh yʋmmak o̱ a hieli hosh,

Atʋloa 115:1

Nan isht ish i̱ hullo pulla kak o̱, chim ʋnnumpah a̱hli pulla kak o̱, pishno ak keyuh, Chihowa ma, pishno ak keyuh, amba chi hohchifo hak o̱ ish hulittoblashke.

Atʋloa 44:3

Yakni ya̱ ilap i̱ bʋshpo fʋlaya yak o̱ isht ʋsittʋbit ishi tok keyu hoka̱, micha ilap shakba yak inli hosh im aiyʋchi tok keyu hoke; amba chibbak ishtimpakimma, chish shakba, micha chi nʋsshuka tohwikeli aiena kak ʋttok oke; ish i̱ kana hʋttok okʋt.

Mahlu 7:14

Okhissa yʋt iskʋtinosi cha, hina mʋt ik pʋtho hosh ai okcha̱ya ya̱ ona hatuk o̱, ik lauwo hosh yʋmmak oka ahayuchi hoke.

ʋBanumpa Luk Ʋt Holissochi Tok 12:32

Apehlichika ya̱ hʋch ima kʋt im achukma hoka, chukfʋlhpoba a̱ya ik lauwo hʋchia mʋt, ik hʋchi nukshopo kashke.

Loman 11:6

Yohmi ka isht i̱ kana yak okma, toksahanli tuk pulla yak o̱ ai yʋmohmi keyu hoke; yakohmi hokma isht i̱ kana yʋt isht i̱ kana keyu yoke. Amba toksahanli tuk pulla yak o̱ ai yʋmohmi hokma, isht i̱ kana yak o̱ ai yʋmohmi keyu hoke: yakohmi hokma toksahanli yʋt toksahanli keyu hoke.

Loman 9:18

Yʋmohmi hoka kʋna ho̱ i̱ nukha̱kla he ahnikmʋt, i̱ nukha̱klo hoke: micha kʋna ho kʋllocha he ahnikmʋt, kʋllochi hoke.

Loman 9:21

Lukfampo ikbi yʋt lukfi ya̱ kanimihcha hi ʋt im ai ʋlhpiesa keyu ho̱? lukfi yʋmmʋska miash inli ka achʋfa kʋto isht a holitopa, mikma achʋfa kʋto isht a kʋllakshi ampo yo̱ ikbi chatuk keyu ho̱?

Tutelonomi 1:10

Hʋchin Chitokaka Chihowah yʋt hʋchi apaknʋchi tuk oke; atuk o̱ yakeh, hʋchi apakna kʋt himak nitak a̱ ʋba fochik puta ka̱ hʋsh chohmishke.

Tutelonomi 10:22

Chi̱ki ʋhleha hʋt hatak pokoli untuklo hosh Echip a̱ ai itʋpehʋt ona tok; atuk o̱ himak a̱ chin Chitokaka Chihowah yʋt chi apaknʋchi kʋt shutik fochik ak o̱ chi chohmichishke.

Tutelonomi 14:2

Chin Chitokaka Chihowah ya̱ i̱ holitopa okla chia hokʋt; micha oklushi puta yakni paknaka aiasha moma ka̱ i̱ shahlechit im okla hosh inla fehna chia ha chi̱ ho̱ Chihowah yʋt chi atokoli tok oke.

Tutelonomi 4:37

Micha hʋchi̱ki ʋhleha ha̱ holitobli ha tuk osh yʋmma iakaiya im isht atiaka atokoli tok: micha isht im aia̱hli kʋllo hosh itikba ya̱ Echip a̱ a kohchit chisht a̱ya tok;

1 Chan 3:1

Chihowa ushi ʋhleha hʋpi hohchifa hi a̱ Pi̱ki ʋt nan i̱ hullo kʋt a kaniohmit hʋp i̱ hullo tok a̱ ho pesá: yohmi hatuk o̱ yakni ʋt pishno a̱ ik hʋp ithano; yʋmma ik ithano tok okʋt.

1 Chan 4:10

Pishno ak osh Chihowa ya̱ il i̱ hullo tok o̱ keyu, amba ilap ak osh pishno a̱ pi̱ hullo cha, na pim ai ashʋchika yʋt isht ʋlhtoba hi a̱, Ushi a̱ auet kanchi tok ilʋppak osh nan i̱ hullo mak oke.