Tutelonomi 7:6 - Chahta Holisso Holitopa 1886

⁶ Chin Chitokaka Chihowah ya̱ im okla holitopa chia hoka; chin Chitokaka Chihowah yʋt okla moma yakni paknaka aiasha ka̱ i̱ shahlit immi atokowa chia ha chi̱ ho̱ atokolit chishi tok.

Tutelonomi 7:6 Iomraidhean Croise

1 Mi̱ko 3:8

Micha chin tishu hʋt chim okla, okla chito ish atokolit ish ishi tok o̱, apakna kʋt holhtinʋt taha he keyu ho̱, ai iklʋna hikiʋshke.

Atʋloa 114:2

Chutah ʋt im ai a̱ha̱tta hulittopa tuba tok, Islael ʋt im apehlichika tuba tok oke.

Atʋloa 135:4

Chihowa hʋt ilap immi ha chi̱ hosh Chekob a̱ ʋtokulih mʋt, ilap inli hosh iesha chi̱ kʋt Islael a̱ ʋtokule tuk oka̱.

Atʋloa 50:5

“Nan ittim ʋpesa li ya̱ ʋbit isht ayokpʋchi yo̱ isht a̱hlichi tuk, a̱ hulittopa ʋhleha ha̱ hʋs sʋm ittʋnahlashke,” achishke.

Eksotʋs 6:7

Micha ʋm okla hʋchia ha chi̱ ho̱ hʋch ishe la chi̱ hoke: micha hʋchin Chitokaka sia ha chi̱ hoke: micha ʋno ak osh Chihowah hʋchin Chitokaka sia hosh Echip i̱ naweki nutaka ya̱ hʋchi kohchi le tuk a̱, hʋsh ithana chi̱ hoke.

Lefitikʋs 20:24

Yʋmohmi tuk kia I̱ yakni ya̱ hʋsh aiasha hi oke, hʋchim achi li hatuk, atuk osh yakni pishukchi micha foibila aiyanahanli ya̱ hʋsh aiasha chi̱ ho̱ hʋchima la chi̱ hoke; hʋchin Chitokaka Chihowah sia hosh okla inla ya̱ hʋch iti filʋmminchi li tuk oke.

Lefitikʋs 20:26

Micha hʋs sʋm i̱ holitopa hi oke; Chihowah sia hʋt sa holitopa hosh ʋmmi hʋchia ha chi̱ ho̱ okla inla ya̱ ile hʋchi̱ filʋmmichi li tuk oke.

Apostel isht Anumpa 13:17

Okla ilʋppa Islael ʋhleha in Chihowa yʋt pin tikba ʋhleha ya̱ atokoli mʋt, hatak nowʋt a̱ya chiyuhmi hosh Echip a̱ okla aha̱shwa ma, yʋmmʋt holitobli tuk osh, ilap ibbak kʋllo pulla kʋt yʋmmak ash isht akohonchi tok.

Loman 9:4

Yʋmmak osh Islael isht atiaka ʋhleha hoke: yʋmmak o̱ ushi isht a toba, micha Chihowa yʋt holitopa fehnʋt im otaiyani, micha nan it im ʋlhpisa puta, micha ʋba nan ʋlhpisa in tonla, micha Chihowa isht aiokpʋchi, micha ai okcha̱yʋt bilia puta im issa tok aiena kʋt immi hoke:

Tutelonomi 14:2

Chin Chitokaka Chihowah ya̱ i̱ holitopa okla chia hokʋt; micha oklushi puta yakni paknaka aiasha moma ka̱ i̱ shahlechit im okla hosh inla fehna chia ha chi̱ ho̱ Chihowah yʋt chi atokoli tok oke.

Tutelonomi 14:21

Nana hosh ilap ak inli hosh illi tuk ano hʋsh pa he keyu: okla inla yosh chi̱ holihta okhissa hikia kak o̱ ish ema na, ʋpa hi oke; keyukmʋt okla inla yo̱ ish i̱ kancha hi oke; chin Chitokaka Chihowah ya̱ alitiha ik im iksho yosh im okla hʋchia hokʋt. Issi kosoma ushi ya̱ ishki i̱ pishukchi ya̱ isht ish hona he keyu hoke.

Tutelonomi 26:18

Mikma mihʋt chim issa tok mak osh himak nitak a̱, Chihowah yʋt im okla ila chia ha chi̱ ho̱ a̱hli hosh mihʋshke; mikma im anumpa moma ka̱ holitoblit ish ieshikma;

Tutelonomi 26:19

Anumpuli tuk mak osh, chi chahʋchit, ahninchit isht anumpuli ya̱ micha hohchifo ha̱, micha holitopʋt ʋmmona ka̱, oklushi puta moma ka̱ yʋmmak oka ikbi tok ʋt i̱ shahlechi ya̱ chishno ak o̱ chi i̱hi̱kbi ha tuk oke; yʋmohmi ho̱ chin Chitokaka Chihowah ya̱ okla i̱ holitopa chia ha chi̱ ha tok, im ahanchi tok.

Tutelonomi 28:9

Chihowah yʋt anumpa kʋllo chim ilono̱honchi tok mak osh, chin Chitokaka ya̱ im anumpa ish ieshi cha, i̱ hina ya̱ ish itanowakma, im okla i̱ holitopa kʋllo hosh chikba hi oke.

Tutelonomi 33:3

A̱hli, okla ha̱ i̱ holitopa tok, imi saint ʋhleha moma kʋt chibbak foyuka hoke, micha chiyi ituma chieya tok: moma kʋt chim anumpa ha̱ ai isha hi oke.

Tutelonomi 4:20

Amba Chihowah yʋt hʋchishno ya̱ hʋch ishi cha, tʋli abila Echip fehna ka̱ hʋchi kohchi kʋt, okla immi ha chi̱ ha tok o̱, hima̱k nitak a̱ hʋsh yʋmohmishke.

Tutelonomi 4:37

Micha hʋchi̱ki ʋhleha ha̱ holitobli ha tuk osh yʋmma iakaiya im isht atiaka atokoli tok: micha isht im aia̱hli kʋllo hosh itikba ya̱ Echip a̱ a kohchit chisht a̱ya tok;

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

1 Pita 2:9

Amba isht atiaka ʋlhtoka, mi̱ko i̱ na holitompa isht ʋtta; oklushi holitopa, Chihowa immi ai a̱hli fehna hʋchia hoke: yohmi ka yʋmmak osh hʋchi̱ ho̱wʋt ai okhlilika ya̱ a kohchit im atohwikeli chinto ka hʋchi foyuki tuk o̱, ilap isht aiokpahancha he a̱ puta ka otʋninchit hʋsh ano̱honla he a tok:

2 Pita 2:5

Micha yakni ʋmmona ka ila tomba tok keyu, Chihowa holitobla he keyu ʋhleha yakni paknaka ai asha tuk ash oka falama yo̱ isht onochi tok: yohmi kia Noah hatak isht untuchina nan ai ʋlhpiesa isht anumpohonli yano okchalinchi tok.

2 Pita 2:9

Chitokaka yokʋt Chihowa i̱ hullo yokʋno isht imomaka pisa ya̱ kanimihchit akohchi kʋt ithana; micha ai ʋlhpiesa ka yʋmihincha he keyu yokʋno kanimihchit i̱shi na nan im ʋlhpisʋt isht ilbʋsha chi̱ nitak ʋt ai ona hi oka ithana hoke:

1 Samuel 12:22

Chihowa ʋt ilap hohchifo holitopa ak atuk pulla kak o̱ im okla ha̱ kancha he keyu: Chihowa ʋt ʋlhpesa ahni pulla cha, im okla hʋch ikbi tuk okʋt,