Tutelonomi 7:5 - Chahta Holisso Holitopa 1886

⁵ Amba yakohmichi hosh hʋsh yʋmihcha hi oke: im alta puta hoka okpʋnit hʋsh tahli cha, im in chu̱wʋt naholbʋt toba puta ka̱ chanlit hʋsh kinahlichashke, micha im iti lokoli puta hoka chanlit hʋsh kinahlichi cha, im i̱ chu̱wʋt na holbʋt toba puta ka̱ luak ishit hukmit hʋsh tahlashke.

Tutelonomi 7:5 Iomraidhean Croise

2 Mi̱ko 10:26

Mihmʋt Baal im aboha i̱ naholbʋt toba hiohli ya̱ okla ishit a kohcha cha, hukmi tok.

Eksotʋs 23:24

I̱ naholbʋt toba puta ish im akahchunola he keyu, micha ish im antia he keyu, micha nana atoksʋli ya̱ iakaiyʋt ish yʋmihcha he keyu hoke; amba hʋsh akʋchit hʋsh ʋmohmichi cha, i̱ nan in chu̱wa ya̱ kinahlichit ish kaiyancha hi oke.

Eksotʋs 32:20

Micha wak ushi okla ikbi kash eshi cha, luak itʋchit hukmi mʋt, fotohlit pushechi cha, oka ya̱ o̱ fimmi mʋt Islael im ʋlla ʋhleha ha̱ ishkochechi tok.

Eksotʋs 34:13

Amba im alta puta, i̱ naholbʋt toba puta ka̱ ish okpʋni cha, im iti lokoli puta ka̱ chanlit ish akʋchashke,

Lefitikʋs 26:1

Na holbʋt toba, micha na holbʋt toba in chu̱wa hʋsh ikba he keyu, micha na holbʋt toba ikbit hʋsh hilecha he keyu, micha tʋli na holbʋt toba nana kia hʋsh im aka chunola chi̱ kʋt chi̱ yakni a̱ hʋsh hilecha he keyu hoke, hʋchin Chitokaka Chihowah sia hoka.

Numbas 33:52

Yohmikmʋt yakni yash okla aiasha tuk a̱ hʋchi tikba atihlelit hʋsh kohchashke, micha i̱ naholbʋt toba puta moma ka̱ okpʋnit, bilʋt akmot naholbʋt toba puta ka̱ okpʋnit hʋsh tahlashke, micha im achahaka puta akʋchit hʋsh ʋmohmichashke.

Tutelonomi 16:21

Chin Chitokaka Chihowah im alta bili̱ka yʋmma ish ikba chi̱ kʋt itilokoli nana kia ish hokcha he keyu.

Tutelonomi 16:22

Micha na holbʋt toba nana kia chin Chitokaka Chihowa yʋt shitilema ka̱ ish hilecha he keyu, (achi tok.)

Tutelonomi 7:25

I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.

Tutelonomi 9:21

Micha na hʋsh ashʋchi, wak ushi hʋsh bi tuk ash ishi lish, luak ishit hukmi li mʋt, botolit, boshullichit, lipibichit, lukfi pushi chi yʋmihchi li tok; micha pushi yash bok ushi nʋnih et okʋtahaka oka hlatʋbli li tok.