Tutelonomi 7:26 - Chahta Holisso Holitopa 1886

²⁶ Micha nan i̱ yuwala ya̱ chim aboha isht ish ona he keyu hoke; ish yohmi na kalakshi yʋmmak inli ish chohmi na: amba shitilemʋt ish kaiyanchi cha, yuwalʋt ish ʋmohmicha hi oka, na kalakshi yoka.

Tutelonomi 7:26 Iomraidhean Croise

Loman 2:22

Hatak ʋt itin luma̱ka he keyu, ish aha̱ya hokak osh, ish itin luma̱ka cho? Na holbʋt toba ya̱ i̱ yuwalʋt ish shitilema hokak osh, Chihowa ya̱ nana ish ima hi atuk ʋt ish i̱shi cho?

Tutelonomi 13:16

Micha na wehpoa moma ka̱ tʋmaha holihta iti takla ai itʋnowa iklʋnna hʋsh itʋnahli cha, tʋmaha holihta, micha na wehpoa aiena kash ant isht aiopi moma ka̱ chin Chitokaka Chihowah itikba ya̱ luak isht hʋsh hukmashke; micha chiffi̱kot chieya na biliashke; anonti ikba he keyu hoke.

Tutelonomi 13:17

Mikma nana achʋfa nana kia kʋllakshi yash osh chibbak a̱ foyuka he keyu hoke: yʋmohmi ho̱ Chihowah yʋt chi̱ki ʋhleha ha̱ anumpa kʋllo im il onochi tok mak osh, ai im i̱ nukkilli libbi ka̱ shʋnaiachi cha, chi̱ nukha̱klot heh chi ahni cha,

Tutelonomi 13:18

Chin Chitokaka Chihowah im anumpa ha̱ ish haponaklo cha, im anumpa moma ka̱ himak nitak a̱ chi̱ miha li ka̱ ieshit chin Chitokaka Chihowah itikba ya̱, aiʋlhpiesa kak o̱ ish yʋmihchikma, chi apaknʋchashke, achi tok.