Tutelonomi 7:25 - Chahta Holisso Holitopa 1886

²⁵ I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.

Tutelonomi 7:25 Iomraidhean Croise

2 Mi̱ko 23:14

Micha naholbʋt toba puta ka kinahlichit tahli mʋt, Ashelah puta ka chanlit akakohli cha, aiasha yatuk a̱ hatak foni alotoli tok.

Eksotʋs 20:17

Chin chuka a bili̱ka hatak in chuka ya̱ ish anushkunna ná: chin chuka a bili̱ka hatak tekchi, micha in tishu, micha in tishu ohoyo, i̱ wak toksʋli, micha im issuba haksobish falaia, micha nana hosh chin chuka a bili̱ka hatak a̱ immi hokma ish anushkunna ná, achi tok.

Eksotʋs 32:20

Micha wak ushi okla ikbi kash eshi cha, luak itʋchit hukmi mʋt, fotohlit pushechi cha, oka ya̱ o̱ fimmi mʋt Islael im ʋlla ʋhleha ha̱ ishkochechi tok.

Eksotʋs 8:26

Mihma Moses ʋt, Yʋmohma he ʋlhpesa keyu hoke, Echip okla nan isht a yuwala yo̱ pin Chitokaka Chihowah ya̱ nan ʋbit ishit il aiokpʋcha hinla hokʋt: yakeh, Echip okla itikba ya̱ i̱ nan isht yuwala ya̱ isht il aiokpʋcha hinla cho? Yohmikma tʋli ishit pi bola hinla keyu cho?

Lefitikʋs 13:52

Yohmi hoka chukfi hishi yosh, keyukmʋt linen osh ʋpi tʋnna, keyukmʋt ishit tʋnna, keyukmʋt nahakshup keyukmʋt nahakshup ishit toba yosh ililli hʋt onʋtonla nafohka yʋmma hukma hi oke: leplosi chilita yoka, luak ishit luashke.

Lefitikʋs 19:4

Fullotʋt na holbʋt toba ya̱ hʋchik im ono kashke; micha bilʋt akmot na holbʋt toba hʋch ik ikbo kashke: Chitokaka hʋchin Chihowah sia hoke.

Tutelonomi 12:3

Micha im alta puta ka̱ hʋsh kinahlicha hi oke, micha in toni̱k puta ka̱ kobahlichit, im iti lokoli puta ka̱ luak ishit hʋsh hukma hi oke; micha i̱ naholbʋt toba puta in chu̱wʋt na holbʋt toba ya̱ chanlit hʋsh akakohli cha, i̱ hohchifo puta ka̱ yʋmma ai ishit hʋsh kancha hi oke.

Tutelonomi 13:16

Micha na wehpoa moma ka̱ tʋmaha holihta iti takla ai itʋnowa iklʋnna hʋsh itʋnahli cha, tʋmaha holihta, micha na wehpoa aiena kash ant isht aiopi moma ka̱ chin Chitokaka Chihowah itikba ya̱ luak isht hʋsh hukmashke; micha chiffi̱kot chieya na biliashke; anonti ikba he keyu hoke.

Tutelonomi 17:1

Wak hobʋk nana kia, keyukmʋt chukfi ʋt ik ai ono, keyukmʋt pisa ik achukmo aiena ʋbit, chin Chitokaka Chihowah ya̱ isht ish aiokpʋcha he keyu: yʋmmak okʋt chin Chitokaka Chihowah ya̱ nan isht i̱ yuwala yoka.

Tutelonomi 23:18

Anumpa il onochi ya̱ haui isht ʋlhtoba, keyukmʋt ofi isht ʋlhtoba ya̱ chin Chitokaka Chihowah im aboha ya̱ isht ish ona he keyu; ilʋppa ita tuklo kʋt chin Chitokaka Chihowah ishit yuwala yoka.

Tutelonomi 27:15

Hatak nana hosh tʋhlit naholbʋt toba, keyukmʋt bilʋt akmot naholbʋt toba, Chihowah nan isht yuwala, hatak nan ikbi imponna ibbak osh atahli yo̱ ikbi cha, alumaka hilechikmʋt, kallakshashke: mikma okla moma kʋt, Amen, achashke;

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Tutelonomi 7:5

Amba yakohmichi hosh hʋsh yʋmihcha hi oke: im alta puta hoka okpʋnit hʋsh tahli cha, im in chu̱wʋt naholbʋt toba puta ka̱ chanlit hʋsh kinahlichashke, micha im iti lokoli puta hoka chanlit hʋsh kinahlichi cha, im i̱ chu̱wʋt na holbʋt toba puta ka̱ luak ishit hukmit hʋsh tahlashke.

Choshua 7:1

Yohmi kia Islael im ʋlla ʋhleha hʋt nan i̱ hullochi atuk a̱ isht ashʋchi tok: Chutah ishtatiaka Selah ha̱ ushi, Sabti ha̱ ushi, Kami ya̱ anonti ushi Achan ʋt nan i̱ hullochi atuk ash ishi tok: yohmi ho̱ Chihowa isht anukhobela yʋt libbit Islael im ʋlla ʋhleha ha̱ onʋtoyula tok.

Choshua 7:21

Na wehpoa ititakla ya̱ Babulon nafohka achukma fehna, micha tʋli hʋta shekel tahlepa tuklo, mikmʋt tʋli holissso lakna hohli ohmi hosh weki shekel pokoli tahlapi aiena hosh kahʋt ma̱ya na pisa li mʋt, anushkunna lish, ishi li tuk oke: yohmi tuk o̱ yakeh! yakni anu̱kaka luma hosh ʋm ʋlhtipo iklʋna ya̱ chi̱yakma tʋli hʋta yʋt nutaka itonlʋshke, im achi tok.

Nan Otʋni 17:5

Yʋmohmi ma, Nan ik otano, na chinto Babulon, haui puta, mikmʋt yakni pakna a yuwalʋchi puta ishki, hohchifo hosh yʋmma ibitakla ya̱ a holisso hatok.