Tutelonomi 7:24 - Chahta Holisso Holitopa 1886

²⁴ Micha i̱ mi̱ko ʋhleha ha̱ chibbak fohkikma, shutik nutaka ya̱ hohchifo ha̱ mosholichit ish kancha chi̱ hoke: hatak nana kia chi tikba ya̱ hikia he keyu ho̱, ish mosholicha hi oke.

Tutelonomi 7:24 Iomraidhean Croise

Atʋloa 9:5

Oklushi putta ka̱ nan ish im olʋbechi cha, hʋttak ik ʋlhpeso ya̱ okpʋnit, hohchifo ha̱ musholichit ish kanchi na billiʋt billia hoke.

Eksotʋs 17:14

Mihma Chihowah yʋt Moses a̱, Ilʋppa ithana bilia chi̱ ho̱ holisso ho̱ aholissochit ish takalichashke; micha Choshua ya̱ ish haklochashke, Amalek a̱ ithana ya̱ shutik nutaka ya̱ amosholichit kanchi la chi̱ hoke, im achi tok.

Loman 8:37

Yʋmmak illa keyu, nan oklu̱ha ilʋppa puta ka ilap pi̱ hullo tuk pulla kak o̱ im aiyachi yak kia il i̱ shahli hoke.

1 Kolinhlian 15:57

Yohmi kia hʋpin Chitokaka Chisʋs Klaist pulla ha tuk mak o̱ nan isht imaiyachi ya̱ Chihowa yʋt hʋp ima hoka, Chihowa ya̱ yak oke; im ai ahni lishke.

Tutelonomi 11:25

Hatak nana kia hʋchi tikba ya̱ hikia he keyu ka chi̱ hoke; hʋchin Chitokaka Chihowah yʋt hʋchim achi tuk mak osh, yakni hʋsh ano̱ho̱wa moma ka̱ hʋchi̱ nukshopa, micha hʋchi̱ komunta aiena ka̱ onocha chi̱ hoke.

Tutelonomi 25:19

Yʋmohmi hoka yakohma hi oke, yakni yash a binilit ish iesha chi̱ ho̱ chin Chitokaka Chihowah yʋt chima tok a̱, chin tʋnʋp puta fullota ka̱ chin Chitokaka Chihowah yʋt chi fohʋchikma, shutik nutaka ya̱ Amalek isht ithana ya̱ kashofit ish kanchashke, ik chim ahakso kashke. (achi tok.)

Tutelonomi 29:20

Chihowah yʋt apoancha he keyu hoke; amba Chihowah im ai i̱ nukkilli, micha i̱ nuktahla yʋt hatak yʋmma i̱ sanalit shobohonla hi oke; mikma kallakshichi anumpa moma holisso ilʋppa aholisso tuk ʋt onʋtoyula he; mikma Chihowah yʋt hohchifo ha̱ shutik nutaka ya̱ a kashofit kancha hi oke.

Tutelonomi 9:14

Is sʋssa na, ishit kanchi lashke; micha hohchifo ha̱ shutik nutaka ya̱ a kashofit kanchi lashke. Micha chishno ak o̱ oklushi kʋllo, micha chito aiena kʋt yʋmma i̱ shahli ho̱ a chikbi lashke, achi tok.

Tutelonomi 9:3

Yʋmohmi hoka himak nitak a̱ chin Chitokaka Chihowah yʋmmak osh chi tikba hlopullit ia hoke; luak na hukmit tahli chiyuhmit ishit kancha chi̱ hoke, micha chi tikba ya̱ aka isht ona chi̱ hoke. Yʋmohmi hoka Chihowah yʋt chim achi tuk mak o̱, tihlelit ish kocha wehli cha, chekosi ishit ish kancha hi oke.

Choshua 1:5

Chi okcha̱yʋt ish ahanta nitak moma ka hatak nana kia chi tikba hikia he keyushke: Moses a̱ awant a̱ya li tok ʋt, yʋmmak inli ho̱ chohmit chi awant a̱ya la chi̱ hoke: nana ka ak chim ai a̱hlot chissa la he keyu hoke.

Choshua 10:23

Mihma okla yʋmihchi tok; micha mi̱ko tahlapi, Chelusalem i̱ mi̱ko, Heblon i̱ mi̱ko, Chamulh i̱ mi̱ko, Lachish i̱ mi̱ko, micha Eklon i̱ mi̱ko aiena yʋmmak ash hichukbi a̱ a kohchit isht im ʋla tok.

Choshua 10:40

Yohmi hosh Choshua ʋt nʋnih foka yakni moma, micha oka mahli pilla, micha okfa, mikmʋt kʋli foka, micha i̱ mi̱ko atuk moma ka issot kanchi tok: achʋfa kia ik hlakofecho hosh, amba Islael in Chitokaka Chihowa yʋt im apesa tuk mak osh fihompa moma ka okpʋnit ʋmohmichi tok.

Choshua 10:42

Micha mi̱ko ilʋppa puta, mikmʋt i̱ yakni ya̱ Choshua ʋt himonna achʋfa ho̱ ishi tok; Islael in Chitokaka Chihowa ak osh Islael a̱ im itibi hatuk oka;

Choshua 10:8

Mihma Chihowa ʋt Choshua ya̱ Ish i̱ nukshopa ná: chibbak a̱ fohki li mak oka; hatak achʋfa kia chi tikba ya̱ hikia he keyu hoke, im achi tok.

Choshua 11:17

Sei pilla ia ka Halak nʋnih ha̱ ʋttʋt ia hosh, Lebanon okfa, Hemon nʋnih nuta Baal Kat ont ʋhli ka ishi tok: micha i̱ mi̱ko moma ka ishi cha, fahamʋt ʋbit tahli tok.

Choshua 12:24

Tisah i̱ mi̱ko ʋt achʋfa; mi̱ko ʋhleha moma kʋt pokoli tuchina akucha achʋfa tok.

Choshua 21:44

Mihma Chihowa yʋt anumpa kʋllo il onochit i̱ki ʋhleha ha̱ i̱ mihi̱ha tok mak osh afullota fohʋchi tok: mihma in tʋnʋp moma ka hatak achʋfa kia itikba ik hikio tok; Chihowa yʋt in tʋnʋp a̱ mominchit ibbak a̱ fohki tok oka.

Choshua 23:3

Micha Chihowa hʋchin Chitokaka yʋt hʋchishno pulla kak o̱ oklushi ilʋppa puta ka kaniohmihinchi tuk a̱ hʋsh pi̱sʋshke; Chihowa hʋchin Chitokaka yʋmmak osh hʋchim itibi tuk oka.

Choshua 23:9

Chihowa hʋt okla chito, micha okla kʋllo aiena ho̱ hʋch itikba a tihlelit kocha wehli tuk oke: amba hʋchishno yokʋno hatak nana kia hʋch itikba hikia he keyu tuk himak nitak a̱ ant ʋhlishke.

Choshua 6:2

Yohmi ho̱ Chihowa ʋt Choshua ya̱, Cheliko, micha yʋmma i̱ mi̱ko, mikmʋt tʋshka hlampko hochukma, chilitʋt nukwia iksho ʋhleha aiena ka moma chibbak a̱ fohki li ka ish pisashke, im achi tok.