Tutelonomi 7:2 - Chahta Holisso Holitopa 1886

² Micha chin Chitokaka Chihowah yʋt chi tikba ya̱ chibbak fohkikma, issot ish kanchi, mosholichit ish kanchit ish ʋmohmichashke, nan ish itim apesa he keyu, micha ish i̱ nukha̱kla he keyu hoke;

Tutelonomi 7:2 Iomraidhean Croise

Genesis 14:20

Mikma ʋba chaha moma i̱ shahli Chitokaka, yʋmmak osh chin tʋnʋp ʋhleha ha̱ chibbak fohki tuk ʋt holitopashke, achi tok. Mihma moma ka̱ ishit pokoli aiyukali ho̱ ai ishit Melkisetek ash ima tok.

2 Samuel 21:2

Mihma mi̱ko ʋt Kibeonait ʋhleha ha̱ i̱ howa cha, im achi tok; (mihma Kibeonait ʋhleha hʋt Islael im ʋlla ʋhleha ha̱ ai achʋfa keyu, amba Amolait okla ha̱ ai unchololi a tok; mihma Islael im ʋlla ʋhleha hʋt anumpa kʋllo il onochit i̱ miha tok atok: mihma Sal ʋt Islael, micha Chutah aiena ka i̱ hullot amohsholi hosh ʋbi bʋnna tok.)

1 Mi̱ko 20:34

Mihma Benhatat ʋt, Tʋmaha holihta puta a̱ki ʋt chi̱ki ya̱ im ishi tok a̱, chi̱ falʋmminchi lashke; mikma a̱ki ʋt Samalia aiitʋnowa ai ikbi tok a̱, chohmichit Tamaskʋs a̱ aiitʋnowa ya̱ ish ai ikbashke, achi tok.

Atʋloa 106:34

Chihowa hʋt i̱ miha tuk okak o̱, oklah putta ka̱ isht ik kancho hosh,

Eksotʋs 22:20

Chihowah ak illa keyu, na holbʋt toba nana kia nan ʋbit isht aiokpʋchikmʋt ishit kanchit ʋmohmicha hi oke,

Numbas 21:2

Mihma Islael ʋt anumpa il onochi Chihowah ya̱ im il onochit, okla ilʋppa sʋbbak a̱ ish fohki ho̱ mʋhlikma, yohmikma in tʋmaha holihta puta moma ka̱ okpʋnit tahlit ʋmohmichi lashke, achi tok.

Numbas 31:17

Yʋmohmi hoka, himak a̱ ʋlla ʋhleha nakni moma ka̱ hʋshbashke, micha ohoyo hʋt iba tʋshki cha hatak ithana tuk moma aiena ka̱ hʋshbashke.

Numbas 33:52

Yohmikmʋt yakni yash okla aiasha tuk a̱ hʋchi tikba atihlelit hʋsh kohchashke, micha i̱ naholbʋt toba puta moma ka̱ okpʋnit, bilʋt akmot naholbʋt toba puta ka̱ okpʋnit hʋsh tahlashke, micha im achahaka puta akʋchit hʋsh ʋmohmichashke.

Tutelonomi 13:8

Ʋlhpesa, chik im ahno kashke, micha chik i̱ haponaklo kashke: micha chi nishkin ʋt ik i̱ nukha̱klo kashke, ish apoacha he keyu, micha ish luhma he keyu hoke.

Tutelonomi 13:9

Amba ish bi pulla hi oke: illichi ka̱ tikbanli hosh chishno ak osh chibbak a̱ ish onocha hi oke; mikma i̱ himmak a yo̱ okla moma kʋt ibbak onocha hi oke.

Tutelonomi 19:13

Chi nishkin ʋt ik i̱ nukha̱klo kashke; amba nan okpʋni keyu issish hlatʋbli ya̱ Islael a̱ ai ishit ish kanchashke, yʋmohmi ho̱ aiʋlhpesʋt chi̱ ma̱ha̱yashke.

Tutelonomi 2:33

Mihma pin Chitokaka Chihowah yʋt pi tikba ya̱ pibbak a̱ fohki tok; mihma yʋmma micha ushi ʋhleha, micha im okla moma aiena ka̱ issot e kanchi tok.

Tutelonomi 2:34

Micha nitak yʋmma in tʋmaha holihta puta moma ka̱ il ishi cha, tʋmaha holihta puta hatak, micha ohoyo, micha ʋlla aiena ka̱ ishit kanchit il ʋmohmichi tok; achʋfa kia kil apoancho tok.

Tutelonomi 23:14

Chin Chitokaka Chihowah yʋt chi okchalincha chi̱ hosh, micha chi tikba chin tʋnʋp a̱ a chim issa chi hosh, hʋch itin takla chi̱ binah ano̱ho̱wa hoka; yʋmohmi hoka chi̱ binah hʋt kashofashke; yʋmohmi ho̱ naliteha hʋt chi a takali na, ik peso hosh chi̱ filʋmmit ik aiyo kashke.

Tutelonomi 25:12

Yohmikma ibbak a̱ ish tʋblashke; chi nishkin ʋt i̱ nukha̱kla he keyu.

Tutelonomi 3:3

Yohmi hosh pin Chitokaka Chihowah yʋt Bashan i̱ mi̱ko Ok ak kia micha im okla moma ka̱ pibbak fohki tok; atuk o̱ issot e kanchi na, i̱ hlakofi kʋt iksho tok.

Tutelonomi 31:5

Micha Chihowah yʋt anumpa ʋlhpisa moma hʋchi̱ miha li tuk mak o̱, hʋsh yʋmihcha chi̱ ho̱, hʋchi tikba hʋchima chi̱ hoke,

Tutelonomi 33:27

Chitokaka ahanta bilia ak osh ish aiatuko yoke; shakba ataha iksho yak osh nuta talaiʋshke; micha tʋnʋp a̱ chi tikba ya̱ kocha pit tobla chi̱ hoke, micha, Ishit kanchi, acha chi̱ hoke.

Tutelonomi 7:16

Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Tutelonomi 9:3

Yʋmohmi hoka himak nitak a̱ chin Chitokaka Chihowah yʋmmak osh chi tikba hlopullit ia hoke; luak na hukmit tahli chiyuhmit ishit kancha chi̱ hoke, micha chi tikba ya̱ aka isht ona chi̱ hoke. Yʋmohmi hoka Chihowah yʋt chim achi tuk mak o̱, tihlelit ish kocha wehli cha, chekosi ishit ish kancha hi oke.

Choshua 10:28

Yohmi ma nitak yʋmma Choshua ʋt Makketah ya̱ ishi cha, bʋshpo falaia halupa isht issot kanchi tok: micha mi̱ko ya̱ mosholichit ʋmohmichi mʋt, yʋmma, micha shilombish yʋmma aiasha tuk aieninchi tok; achʋfa kia ik hlakofecho ki tok: micha Cheliko i̱ mi̱ko ya̱ yʋmihchi tuk a̱ chohmichit Makketah i̱ mi̱ko ya̱ yʋmihchi tok.

Choshua 10:30

Mihma Chihowa ʋt yʋmmak kia, i̱ mi̱ko aiena ka Islael ibbak a̱ fohki tok: mihma yʋmmak ash, micha shilombish moma yʋmma anu̱kaka aiasha tuk aiena ka bʋshpo falaia halupa isht issot kanchi tok; achʋfa kia ik hlakofecho tok; amba i̱ mi̱ko ya̱ Cheliko i̱ mi̱ko ya̱ yʋmihchi tuk mak osh chohmichi tok.

Choshua 10:32

Mihma Chihowa yʋt Lachish a̱ Islael ibbak a̱ fohki na nitak atukla ma ishi cha, yʋmmak ash, micha shilombish yʋmma anu̱kaka aiasha tuk aiena ka bʋshpo falaia halupa isht issot kanchi tok; Libnah ya̱ yʋmihchi tuk moma mak inli ho̱ chohmichi tok.

Choshua 10:40

Yohmi hosh Choshua ʋt nʋnih foka yakni moma, micha oka mahli pilla, micha okfa, mikmʋt kʋli foka, micha i̱ mi̱ko atuk moma ka issot kanchi tok: achʋfa kia ik hlakofecho hosh, amba Islael in Chitokaka Chihowa yʋt im apesa tuk mak osh fihompa moma ka okpʋnit ʋmohmichi tok.

Choshua 10:42

Micha mi̱ko ilʋppa puta, mikmʋt i̱ yakni ya̱ Choshua ʋt himonna achʋfa ho̱ ishi tok; Islael in Chitokaka Chihowa ak osh Islael a̱ im itibi hatuk oka;

Choshua 11:8

Mihma Chihowa hʋt Islael ibbak a̱ fohki na issot kanchi cha, ahliyuhʋt isht a̱yʋt Siton chito, micha Mislefolh‐maim, micha hʋshi akochaka imma Mispeh okfa ha̱ isht ona tok; micha ahambi cha, achʋfa kia ik in hlakofecho ki tok.

Choshua 2:14

Mihma hatak tuklo kash osh afalamichit, Nana pi̱ kaniohmit il a̱ya hatuk ilʋppa chik anolokma, pim ilhfiopak a̱ e chim ile kahlishke: atukma yakohma hi oke, Chihowa ʋt yakni ilʋppa pima ha ma, chi̱ kana achukmʋt e chim ai a̱hla hi oke, im achi tok.

Choshua 21:44

Mihma Chihowa yʋt anumpa kʋllo il onochit i̱ki ʋhleha ha̱ i̱ mihi̱ha tok mak osh afullota fohʋchi tok: mihma in tʋnʋp moma ka hatak achʋfa kia itikba ik hikio tok; Chihowa yʋt in tʋnʋp a̱ mominchit ibbak a̱ fohki tok oka.

Choshua 8:24

Atuk o̱ yakohmi tok, Islael okla hʋt Ai okla ha̱, osapa, yakni haiaka aiena ai ahliyuhʋt isht a̱yʋt, yʋmma okla ai ʋbit tahli tok: yʋmmak ash osh bʋshpo falaia halupa ya̱ onʋtohonlʋt, momʋt illit taiyaha ma, Islael okla hash osh momʋt falamʋt Ai ya̱ ona cha, bʋshpo falaia halupa isht issot kanchi tok.

Choshua 9:24

Mihma afalamichit Choshua ya̱, Chitokaka chin Chihowa ʋt in tishu Moses a̱ im apesʋt, yakni moma ka hʋch ima cha, okla chi tikba aiasha moma ka ʋbit tahla he miha tok a̱ chin tishu ʋhleha hʋt haha̱klo pulla ak atok: yohmi kak o̱ hʋchishno pulla kak o̱ pim ilhfiopak isht pi nukshopa fehna hatuk osh, ilʋppa e yʋmihchi tuk oke.

Choshua 9:7

Mihma Islael hatak ʋhleha hʋt Hifait ʋhleha hash, Pi ta̱kla hʋsh a̱sha yoba hatuk a̱, yohmi hokmʋno katiohmi kak osh anumpa e hʋch it im apesa cho? im achi tok.

Nan Apesa 1:24

Na pisʋt a̱ya ʋhleha hash osh hatak ʋt tʋmaha holihta yash kohchʋt minti na pisa tok; mihmʋt, Tʋmaha holihta achukowa ya̱ pim anolí, e chim asilhhʋshke, mikma e chi̱ nukha̱kla chi̱ hoke, im achi tok.

Nan Apesa 1:4

Mihma Chutah ʋt ia ma, Chihowa hʋt Kenanait ʋhleha, micha Pelissait ʋhleha aiena ka ibbak a̱ fohki tok: yohmi na Besek a̱ hatak tahlepa sipokni pokoli ho̱ ai ʋbi tok.

Nan Apesa 2:2

Mikma okla hʋt yakni ilʋppa ai asha ka anumpa hʋsh ai itibai achʋfa he keyu; im alta puta ka kinahlichit hʋsh tahlashke: achi li tok: yohmi tok kia sʋtih ha̱ hʋchik sʋm antioshke: nanta katiohmi ho̱ ilʋppa hʋsh yʋmihchi cho? achi tok.