Tutelonomi 7:19 - Chahta Holisso Holitopa 1886

¹⁹ Imomaka pisa puta chi nishkin ʋt pisa tok, micha nan isht atokowa puta, nan isht a fehna puta, micha ibbak kʋllo, micha shakba ashatapa hosh chin Chitokaka Chihowah yʋt ishit chi pehlichit kohcha tok a̱ ish ithaiyanashke: yʋmma chi yuhmi hosh chin Chitokaka Chihowah yʋt okla ish i̱ nukshopa puta ka̱ yʋmihcha hi oke.

Tutelonomi 7:19 Iomraidhean Croise

Atʋloa 136:12

Ibbak kʋllo ho̱, micha shakba ʋba pit ishit wieli hosh ishit kohchi tok a̱ yakoke hʋsh im achashke; im isht i̱ hullo yʋt abillia yoka̱.

Atʋloa 44:4

Chitokaka ma, chishno ak osh a̱ mi̱ko chia hoke; Chekob ahlʋkuffi putta ka̱ ish ʋpesashke.

Atʋloa 77:12

Micha nan ish a toksʋli moma ka̱ anukfilli likmʋt, nan ish a yʋmi̱hi̱chi ya̱ isht ʋm anukfi̱hi̱la chi̱ hoke.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Tutelonomi 29:3

Nan isht imomaka pisa hochito, micha nan isht atokowa, micha na fehna hochito yʋmma aiena ka̱ chi nishkin ʋt pisa ha tuk oke.

Tutelonomi 3:21

Micha nitak yʋmmak inli ka̱ Choshua ya̱ im anumpulit, Chin Chitokaka Chihowah yʋt mi̱ko tuklo ilʋppa kaniohmichi tuk moma ka̱, chi nishkin ʋt pi̱sʋshke; apehlichika puta kanima yo̱ ish hlopullikma Chihowah yʋt yʋmihcha hi oke.

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Choshua 10:25

Mihma Choshua ʋt, Ik hʋchi nukshopo kashke, hʋchi chu̱kʋsh ik iello kashke, kʋllot hʋchim anukfila cha nukwia ikshot hʋsh amosholashke: hʋchin tʋnʋp puta hʋch itibi ka Chihowa yʋt yakohmicha chi̱ hoka, im achi tok.

Choshua 24:17

Chihowa pin Chitokaka ak osh, yʋmmak osh pishno, micha pi̱ki ʋhleha aiena ka Echip yakni, micha aboha yuka a kohchit pisht ʋla tok; micha yʋmmak osh, e pi̱sa ho̱ nan isht atokowa chinto fehna ka yʋmihinchi tok; micha kanima il atia moma, micha okla moma hlopullit il a̱ya ka pi okchalinchi tuk oka,

Choshua 3:10

Mihmʋt Choshua ʋt Ilʋppa yakohmi kak o̱ Chihowa okcha̱ya yʋt hʋch ibatakla ahanta cha, nana ka ik ai onancho keyu hosh Kenanait ʋhleha micha Hitait ʋhleha, micha Pelesait ʋhleha micha Kikashait ʋhleha, micha Amolait ʋhleha, mikmʋt Chebusait ʋhleha aiena ka hʋchi tikba ya̱ tihlelit kocha wehla chi̱ ka isht hʋsh ithaiyana chi̱ hoke.