Tutelonomi 7:18 - Chahta Holisso Holitopa 1886

¹⁸ Ish i̱ nukshopa he keyu hoke; amba chin Chitokaka Chihowah yʋt Falaoh, micha Echip moma ka̱ i̱ kaniohmichi tok a̱ ish ithaiyana fehna chi̱ hoke;

Tutelonomi 7:18 Iomraidhean Croise

Atʋloa 105:5

I̱ tishuh Eblaham im ishtatiaka, Chekob im ʋlla ʋhlehah, im ʋlhtoka ʋhlehah ma, nanah fehna yʋmi̱hi̱chi tok a̱, i̱ na̱ fehna puttah, itih nan ʋpehi̱sa tok aiena ka̱ hʋsh ithaiyanashke.

Atʋloa 77:11

Chihowa hʋt na̱ yʋmi̱hi̱chi tok a̱ ʋno̱ho̱li la chi̱ hoke; nittak hupakih ma̱ na̱ fehna ish yʋmi̱hi̱chi tok a̱ ithaiyana la chi̱ hokʋt.

Atʋloa 77:12

Micha nan ish a toksʋli moma ka̱ anukfilli likmʋt, nan ish a yʋmi̱hi̱chi ya̱ isht ʋm anukfi̱hi̱la chi̱ hoke.

Atʋloa 78:11

Amba na̱ yʋmi̱hi̱chi tok, micha nanah inlah fehna pisa̱ha̱chi tok aiena ka̱ im ʋhaksi kak ʋttok oke.

Numbas 13:9

Benchamin apehlichi Lafu ushi Palti ak atok.

Numbas 21:34

Mihma Chihowah yʋt Moses a̱ Ish i̱ nukshopa nah, yʋmma micha im okla moma, micha i̱ yakni aiena ka̱ chibbak fohki li hoke; mikma Amolait i̱ mi̱ko Sihon Heshbon ai ʋtta yatuk a̱ ish i̱ yʋmihchi tok ʋt chohmichit ish yʋmih cha chi̱ hoke, im achi tok.

Tutelonomi 1:21

Yakeh, Chin Chitokaka Chihowah yʋt yakni yash chi tikba talalishke: hʋchi̱ke ʋhleha in Chitokaka Chihowah yʋt chim achi tuk mak o̱, iʋt ishi: chi nukshopa na, micha chi chu̱kʋsh ʋt ik ello kashke, chim achi li tok.

Tutelonomi 1:29

Yohmi ma, Hʋsh i̱ komunta na, micha yʋmmak o̱ hʋsh i̱ nukshopa na,

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 20:1

Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 3:6

Micha Heshbon i̱ mi̱ko Sihon a tok a̱ chohmichit ishit kanchit, il ʋmohmichi tok, tʋmaha holihta puta hatak, micha ohoyo, micha ʋlla ʋhleha aiena ka̱ ishit kanchit il ʋmohmichi tok.

Tutelonomi 31:5

Micha Chihowah yʋt anumpa ʋlhpisa moma hʋchi̱ miha li tuk mak o̱, hʋsh yʋmihcha chi̱ ho̱, hʋchi tikba hʋchima chi̱ hoke,

Tutelonomi 31:6

Hʋchi kʋllashke, micha hʋsh aiyimitashke, hʋsh i̱ nukshopa na; chin Chitokaka Chihowah yʋmmak osh chi auwant ia hoka, ik chim ai a̱hlo ka he keyu, micha chi kancha he keyu hoke, achi tok.

Choshua 8:1

Yʋmohmi ma Chihowa ʋt, Choshua ya̱, Ik chi nukshopashke, micha chi chu̱kʋsh ik iello kashke; hatak tʋnʋp a̱ya ʋhleha ha̱ moma il ai eshit, wakayʋt, Ai ya̱ ish iashke: yakeh! i̱ mi̱ko, mikmʋt im okla ʋhleha, micha in tʋmaha holihta, mikmʋt i̱ yakni aiena ka chibbak a̱ fohki li hoke.

Nan Apesa 6:13

Mihma Kiteon ʋt, An Chitokaka ma! Chihowa yʋt pibafoyuka hokak o̱ nanta katiohmi ho̱ ilʋppa puyuta kʋt pi onʋtola tuk o̱? nana afehna puta pi̱ki ʋhleha hʋt pim anolit, Chihowa ak osh Echip a̱ akohchit pisht ʋla keyu̱, ahanchi beka tok mʋto? yohmi kia himak ano Chihowa yʋt pi kanchit, Mitianait ʋhleha ibbak a̱ pi fohkishke.