Tutelonomi 7:17 - Chahta Holisso Holitopa 1886

¹⁷ Chi chu̱kʋsh anu̱kaka, Oklushi puta ilʋppa laua kʋt a̱ shahli hoka: katiohmi li kak osh kanalichi la hinla cho? ish achikmʋt,

Tutelonomi 7:17 Iomraidhean Croise

Numbas 13:32

Micha yakni ya̱ ahopo̱koyo tuk ʋt ik achukmo ho̱ Islael a̱ anumpa isht im ʋlʋt; Yakni yash il a hopo̱koyo kʋt okla ha̱ tahli yakni chohmishke; micha yʋmma aiasha na e pisa ka̱ hatak chaha fehnʋshke.

Numbas 21:34

Mihma Chihowah yʋt Moses a̱ Ish i̱ nukshopa nah, yʋmma micha im okla moma, micha i̱ yakni aiena ka̱ chibbak fohki li hoke; mikma Amolait i̱ mi̱ko Sihon Heshbon ai ʋtta yatuk a̱ ish i̱ yʋmihchi tok ʋt chohmichit ish yʋmih cha chi̱ hoke, im achi tok.

Numbas 33:53

Micha okla aiasha tuk a̱ yakni hʋsh im ishi cha hʋsh aiasha chi̱ hoke, yakni ya̱ hʋsh isha chi̱ ho̱ hʋchima li hatuk oka.

ʋBanumpa Luk Ʋt Holissochi Tok 9:47

Mihma okla chu̱kʋsh nan im anukfila ha̱ Chisʋs ʋt im akostininchi mʋt, ʋlla yo̱ ishit, il a bili̱kʋchit binilichi tok.

Tutelonomi 1:28

Katima hak o̱ il ia chi̱ cho? pitibapishi ʋhleha hʋt, Okla hatak hochito, micha chaha kʋt pi̱ shahli hoke; tʋmaha holihta ʋt hochito, micha aholihta kʋt shutik a̱ ona hoke; micha Anakim ushi ʋhleha ha̱ yʋmma il api̱sa tuk oke, achit pi chu̱kʋsh a̱ iellichishke, hʋsh achi tok.

Tutelonomi 15:9

Ahah ish ai ahni na, Afʋmmi isht untuklo afʋmmi ai i̱ hotofa he ʋt olanlosishke, achi, imanukfila hʋt chi chu̱kʋsh okpulo ya̱ ik chukowo kashke; micha chi holhponayo hʋt ik achukmot, chitibapishi ha̱ i̱ sanali cha, nana kia chik emokma, chi̱ sanalit Chihowah ya̱ im pa̱yakma nan ashʋchi chi̱ toba na.

Tutelonomi 18:21

Yohmi ka̱ chi chu̱kʋsh anu̱kaka, Katiohmi kak osh anumpa Chihowah yʋt anumpuli tuk keyu ka̱ il akostinincha chi cho? ish achikma,

Tutelonomi 8:17

Mihma chi chu̱kʋsh anu̱kaka, Ʋno sa kʋllo, micha sʋbbak kʋllo hosh ishit holitopa ilʋppa isht ʋma tok oke, ish achi yoba na,

Choshua 23:3

Micha Chihowa hʋchin Chitokaka yʋt hʋchishno pulla kak o̱ oklushi ilʋppa puta ka kaniohmihinchi tuk a̱ hʋsh pi̱sʋshke; Chihowa hʋchin Chitokaka yʋmmak osh hʋchim itibi tuk oka.