Tutelonomi 7:16 - Chahta Holisso Holitopa 1886

¹⁶ Micha okla moma chin Chitokaka Chihowah yʋt chibbak fohki tuk moma ka̱ mosholichit ish ʋmohmichashke; chi nishkin ʋt i̱ nukha̱kla he keyu, micha i̱ naholbʋt toba puta ka̱ ish im antia he keyu hoke; yʋmmak okʋt ishit chi̱ nukpʋllichi ya hi oka.

Tutelonomi 7:16 Iomraidhean Croise

Atʋloa 106:34

Chihowa hʋt i̱ miha tuk okak o̱, oklah putta ka̱ isht ik kancho hosh,

Atʋloa 106:36

Mihmʋt i̱ na̱ holbʋt tuba putta ka̱ ayokpa̱ha̱chih ma̱, nan isht a yuka i̱ tuba tok.

Eksotʋs 23:33

Chi̱ yakni ya̱ aiasha he keyu a̱, chi yoshublicha hinla hoka; i̱ naholbʋt toba ya̱ ish im antiakma ishit chi yoshuba chi̱ pulla hoke im achi tok.

Numbas 33:55

Amba yakni yash okla aiasha tuk a̱ hʋchi tikba hʋchik kocha wehlo tuk ma; atukma yakohma hi oke, hʋsh ashanchi tuk ʋt nahalupa yosh hʋchi nishkin a̱ shamʋlli ya hi oke, micha kʋti chohmit hʋchi naksi ya̱ shimowoa ya̱ yakni ya̱ hʋsh aiasha ka̱ hʋchilbʋshala hi oke.

1 Kolinhlian 15:33

Hʋch ik ile haksecho kashke: nan ik ʋlhpeso a chukulbi yokʋto im anukfila achukma puta tuk a̱ im okpʋni voke.

Tutelonomi 13:8

Ʋlhpesa, chik im ahno kashke, micha chik i̱ haponaklo kashke: micha chi nishkin ʋt ik i̱ nukha̱klo kashke, ish apoacha he keyu, micha ish luhma he keyu hoke.

Tutelonomi 13:9

Amba ish bi pulla hi oke: illichi ka̱ tikbanli hosh chishno ak osh chibbak a̱ ish onocha hi oke; mikma i̱ himmak a yo̱ okla moma kʋt ibbak onocha hi oke.

Tutelonomi 19:13

Chi nishkin ʋt ik i̱ nukha̱klo kashke; amba nan okpʋni keyu issish hlatʋbli ya̱ Islael a̱ ai ishit ish kanchashke, yʋmohmi ho̱ aiʋlhpesʋt chi̱ ma̱ha̱yashke.

Tutelonomi 19:21

Micha chi nishkin ʋt ik i̱ nukha̱klo kashke: amba im ilhfiopak atukma im ilhfiopak ashke, nishkin atukma nishkin ashke, noti yatukma noti yashke, ibbak atukma ibbak ashke, iyi yatukma iyi yashke. (achi tok)

Tutelonomi 25:12

Yohmikma ibbak a̱ ish tʋblashke; chi nishkin ʋt i̱ nukha̱kla he keyu.

Tutelonomi 7:2

Micha chin Chitokaka Chihowah yʋt chi tikba ya̱ chibbak fohkikma, issot ish kanchi, mosholichit ish kanchit ish ʋmohmichashke, nan ish itim apesa he keyu, micha ish i̱ nukha̱kla he keyu hoke;

Tutelonomi 7:25

I̱ na holbʋt toba, in chu̱wʋt toba puta ka̱ luak ishit hukmit hʋsh tahlashke: tʋli hʋta, micha tʋli lakna aiena alapali ka̱ ish ahna he keyu, micha ish il ai isha he keyu, ish yohmi cha, ishit ish yoshoba na; chin Chitokaka Chihowah nan i̱ yuwala yoka.

Choshua 11:20

Chihowa ak osh ahni hosh chu̱kʋsh a̱ kʋllochi na Islael a̱ ant itiba chi̱ hatok; yʋmohmi ho̱ ʋbit tahlit ʋmohmicha chi̱ hatok; micha Chihowa ʋt Moses a̱ im achi tok mak o̱ i̱ nukha̱klo keyu hosh, amba okpʋnit tahla chi̱ hatok.

Nan Apesa 2:12

Mihmʋt i̱ki ʋhleha in Chihowa Chitokaka, yʋmmak osh Echip yakni ya̱ ishit kohcha tok a̱ issa cha, naholbʋt toba puta, okla fullotʋt im ai asha ka iakaiyʋt im akachunoli cha, Chihowa ya̱ ishit nukhobelʋchi tok.

Nan Apesa 2:3

Yʋmohmi kʋt, Ʋno ak kia hʋchi tikba tihlelit kocha wehli la he keyu; amba kʋti hosh hʋchi naksi ya̱ shamʋlli chiyuhma hi oke; micha i̱ na holbʋt toba puta kʋt nan isht hʋch ibetʋbli yachi̱ hoke, achi li tok, achi tok.

Nan Apesa 3:6

Micha ushetik ʋhleha ha̱ tekchi yachi̱ ho̱ okla ishi mʋt, ilap ushetik ʋhleha ha̱ yʋmma ushi ʋhleha ha̱ okla ima cha, i̱ na holbʋt toba puta ka aiokpʋchi tok.

Nan Apesa 8:27

Mihma Kiteon ʋt efot a̱ ai ikbi cha, in tʋmaha holihta, yʋmmʋt Oflah yak o̱ bohli tok: mihma Islael moma kʋt iʋt hauit iakaiya tok: yʋmmʋt Kiteon, micha in chuka achʋfa isht ai ibetʋbli tok.