Tutelonomi 7:15 - Chahta Holisso Holitopa 1886

¹⁵ Mikma Chihowah yʋt abeka puta moma ka̱ chim ai ishit kancha hi oke; micha Echip nan ililli okpulo, yʋmma ish ithana ka̱ chi onocha he keyu hoke; amba chi̱ nukkilli moma kak o̱ onocha hi oke.

Tutelonomi 7:15 Iomraidhean Croise

Atʋloa 91:10

Nan ik achukmo ʋt chi onuttula he keyuh, micha na̱ pʋlʋmmi nanah kia chim ʋlhtipo yoka̱ bilincha he keyu hoke.

Eksotʋs 15:26

Micha Hʋchin Chitokaka Chihowah im anumpa ha̱ achunanchit hʋsh i̱ haponaklo cha, itikba ya̱ ai ʋlhpiesa kak o̱ yʋmihinchit, im anumpa ʋlhpisa ha̱ hʋsh i̱ haponaklot, i̱ nanʋlhpisa puta ka̱ hʋsh holitoblikma ililli ilʋppa puta ka̱ Echip okla ha̱ onochi li tok ʋt hʋchi onochi la he keyu hoke; Chihowah sia hosh hʋchi hlakofichi li hoka, achi tok.

Eksotʋs 23:25

Micha Chihowah hʋchin Chitokaka ya̱ hʋsh im antia hi oke; mikma hʋchi̱ pʋska, micha hʋchim oka hʋchim apaknʋcha hi oke; mikma ʋno ʋt hʋchim itin takla ya̱ abeka ha̱ ai isht kanchi la hi oke.

Eksotʋs 9:11

Mihma yushpakʋmmi ʋhleha hʋt hichi ak atuk mak o̱, Moses itikba ya̱ hiela he keyu tok; hichi ʋt yushpakʋmmi ʋhleha, micha Echip okla moma ka̱ onʋtoyula tok oka.

Tutelonomi 28:27

Chihowah yʋt Echip hichi a̱, micha isht asha hlachowa, micha hlachowa fachanli, micha wʋshko aiena ka̱ isht chissokma chi hlakofa he keyu ka hi oke.

Tutelonomi 28:60

Micha Echip ililli okpulo ish i̱ nukshopa chatuk a̱ moma chi onocha hi oke; mikma chi atakala hi oke.

Tutelonomi 30:7

Mikmʋt chin Chitokaka Chihowah yʋt chin tʋnʋp puta micha chi̱ nukkillit chilbʋshali tuk puta kak o̱ kalakshichi ilʋppa puta ka̱ onocha hi oke.