Tutelonomi 7:14 - Chahta Holisso Holitopa 1886

¹⁴ Na yukpa kʋt okla moma ka̱ ish i̱ shahla hi oke: a hʋchiti takla ka̱ nakni yokmá, tek okmá, nana kia, micha hʋchi̱ nan ʋlhpoa ai iti takla ka̱ ushi iksho ʋt iksho ka hi oke.

Tutelonomi 7:14 Iomraidhean Croise

Atʋloa 107:38

Mikma̱ yokpali na, oklah apaknah fehnakma̱, i̱ nan ʋlhpoa ma̱ ik ʋlawechot isht im iah keyushke.

Atʋloa 115:15

Ʋba micha yakni aiena ka̱ ikbi tok Chihowa hʋt hʋchi yokpalashke.

Atʋloa 127:3

Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

Lefitikʋs 26:9

Hʋch ithaiyana lish hʋchi wayachit hʋchi apaknʋchi la hi oke, micha ʋm anumpa kʋllochit na hʋchitim apesa la hi oke.

Numbas 22:12

Mihma Chihowah hʋt Balaam a̱, Awant ish ia he keyu; anumpa kalakshichi ish onocha he keyu; holitopa hoka, im achi tok.

Tutelonomi 28:11

Yakni ya̱ chima chi̱ hosh chi̱ki ʋhleha ha̱ anumpa kʋllo im ilonochi tok ʋt, Chihowah yʋt chim ʋlhpoyak, chi haknip a toba, micha chi̱ nan ʋlhpoba a waya, micha chi̱ yakni a waya aiena ka̱ a chi lauacha hi oke.

Tutelonomi 28:4

Chi haknip a toba tuk, micha chi̱ yakni a waya tuk, micha chi̱ nanʋlhpoba a waya tuk, micha chi̱ wak tek a waya tuk, micha chin chukfi a̱ya puta aiena kʋt na yukpa hi oke.

Tutelonomi 30:9

Mikma chin Chitokaka Chihowah yʋt na toksʋli puta chibbak isht ish ishi ka̱, chi haknip a toba micha chi̱ wak a toba micha chi̱ yakni a toba aiena ka̱ achukma ho̱ anukfillit, chin lauacha hi oke: Chihowah yʋt chi̱ki ʋhleha anukfilli mʋt, yukpa tok mak osh, anonti achukma ho̱ chi anukfillit yukpa chi̱ hoke,

Tutelonomi 33:29

Islael ma na chi yukpashke, kʋta hosh Chitokaka okchalinchi chishno ya̱ chohmi cho? okla ma, yʋmmak osh chin tilehpa chi apela, micha yʋmmak osh bʋshpo falaia ishit chi a holitopa mak oke: chin tʋnʋp ʋhleha hʋt chi̱ holabi atuk o̱ pisa chi̱ hoke, mikma im achahaka puta ish ahʋhlicha chi̱ hoke, (achi tok.)