Tutelonomi 7:12 - Chahta Holisso Holitopa 1886

¹² Yʋmohmi kak o̱ yakohma hi oke, aiʋlhpiesa yʋmi̱hinchi ilʋppa puta ka̱ haklot hʋsh ieshi cha, hʋsh yʋmi̱hinchikma, chin Chitokaka Chihowah yʋt chi̱ki ʋhleha anumpa kʋllo im ilonochi tok ʋt nan itim apesa, micha isht i̱ nukha̱klo aiena ka̱ hʋchim iesha hi oke.

Tutelonomi 7:12 Iomraidhean Croise

1 Mi̱ko 8:23

Micha, Islael in Chitokaka Chihowa ma! chin tishu ʋhleha hʋt chu̱kʋsh ai oklu̱hʋt chi tikba a noho̱wa hokʋno nan it im apesa, micha nan i̱ nukha̱klo aiena aia̱hlichi chia hoke, ʋba shutik, micha nutaka yakni ya̱ chitokaka chishno chohmi kʋt iksho hoke.

Atʋloa 103:18

I̱ nan ittim ʋlhpisa hulittobli ʋhlehah, i̱ nan ʋlhpisa putta ka̱ ithaiyanʋt yʋmihchi ʋhleha ha̱ onuttoiyula hoke.

Atʋloa 149:9

Nan ʋpesʋt huli̱hi̱sso tuk mak o̱ yʋmma̱ putta ka̱ ono̱ho̱ccha chi̱ kak ashke. I̱ hulittopa moma kʋt yʋmmak o̱ isht a hulittopa yoke. Chihowa ha̱ hu holittoblichíh.

Eksotʋs 15:26

Micha Hʋchin Chitokaka Chihowah im anumpa ha̱ achunanchit hʋsh i̱ haponaklo cha, itikba ya̱ ai ʋlhpiesa kak o̱ yʋmihinchit, im anumpa ʋlhpisa ha̱ hʋsh i̱ haponaklot, i̱ nanʋlhpisa puta ka̱ hʋsh holitoblikma ililli ilʋppa puta ka̱ Echip okla ha̱ onochi li tok ʋt hʋchi onochi la he keyu hoke; Chihowah sia hosh hʋchi hlakofichi li hoka, achi tok.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 11:13

Atukma yakohma hi oke, achunanchit ʋm anumpa himak nitak a̱ hʋchim anumpo̱honli li ka̱ hʋsh haiyaklo, hʋchin Chitokaka Chihowah ya̱ hʋsh holitobli, micha hʋchi chu̱kʋsh a̱ mominchit, micha hʋchimi shilombish ma mominchit hʋsh im antiakma,

Tutelonomi 5:10

Micha tahlepa sipokni hoh kia sa holitobli cha, ʋm anumpa ha̱ ʋm anti̱hi̱ya ya̱ i̱ nukha̱klo li hoke.

Tutelonomi 7:11

Yʋmohmi hoka anumpa ʋlhpisa puta, nan ʋlhpisa bilia, ai ʋlhpiesa yʋmihinchi, himak nitak a̱ chi̱ miha li ka̱ ish ieshi cha, ish yʋmi̱hinchashke.

Tutelonomi 7:9

Yʋmohmi hoka ish ithaiyana, Chihowah chin Chitokaka ak osh Chitokaka, micha Chitokaka aia̱hlichi ʋt holitobli cha, im anumpa ha̱ ieshikma, nan itim apesa, micha nan isht i̱ nukha̱klo ya̱ ai iti shali tahlepa sipokni hoh kia im iesha hi oke.