Tutelonomi 7:11 - Chahta Holisso Holitopa 1886

¹¹ Yʋmohmi hoka anumpa ʋlhpisa puta, nan ʋlhpisa bilia, ai ʋlhpiesa yʋmihinchi, himak nitak a̱ chi̱ miha li ka̱ ish ieshi cha, ish yʋmi̱hinchashke.

Tutelonomi 7:11 Iomraidhean Croise

Chan 14:15

Hʋs sa̱ hullo hokmʋt, ʋm anumpa ʋlhpisa puta ka hʋsh holitoblashke.

Tutelonomi 4:1

Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 4:5

Yakeh, yakni yʋmma hʋsh ia kʋt, hʋsh binilikmʋt, hʋsh yʋmihcha chi̱ ho̱, an Chitokaka Chihowah yʋt ʋm apesa tuk mak o̱, chohmit, nan ʋlhpisa, micha aiʋlhpiesa yʋmihchi puta ka̱ hʋchim abʋchi li tuk oke.

Tutelonomi 5:32

Yʋmohmi hoka, Chitokaka hʋchin Chihowah yʋt hʋchim apesa tuk mak o̱ hʋsh ithaiyana cha, hʋsh yʋmi̱hinchashke; fullotʋt naksika isht impakimma, micha ʋlhfʋbekimma pit hʋsh fullota he keyu hoke.

Tutelonomi 7:10

Micha i̱ nukkilli puta ka̱ pisanchi hosh im atobbi cha, ishit kancha hi oke: i̱ nukkilli tuk a̱ i̱ sʋlaha he keyu, pisanchi hosh im atobba hi oke.

Tutelonomi 7:12

Yʋmohmi kak o̱ yakohma hi oke, aiʋlhpiesa yʋmi̱hinchi ilʋppa puta ka̱ haklot hʋsh ieshi cha, hʋsh yʋmi̱hinchikma, chin Chitokaka Chihowah yʋt chi̱ki ʋhleha anumpa kʋllo im ilonochi tok ʋt nan itim apesa, micha isht i̱ nukha̱klo aiena ka̱ hʋchim iesha hi oke.

Tutelonomi 8:11

Ahah, ish ahni cha, chin Chitokaka Chihowah ya̱ im anumpa ʋlhpisa puta, micha im ai ʋlhpiesa yʋmi̱hinchi, micha i̱ nanʋlhpisa bilia, himak nitak a̱ chim anumpo̱honli li ka̱ chik ieshot ik chim a hakso kashke.