Tutelonomi 7:1 - Chahta Holisso Holitopa 1886

¹ Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;

Tutelonomi 7:1 Iomraidhean Croise

1 Mi̱ko 16:31

Atuk osh yakohmi tok, Nebat ushi Cheloboam nan ashʋchi puta ka a noho̱wa ka, nan ik ahobo nana chohmichit, Sitonian okla i̱ mi̱ko Elhbaal ushetik Chesebel a̱ ishit itauwaya cha, iʋt Baal a̱ im antiʋt aiokpʋchi tok.

Atʋloa 78:55

Mihmʋt oklushi putta ka̱ itikba tihlelit kohchih mʋt, immi ha chi̱h mak o̱ yakni ya̱ ittʋkʋshkulit im issa cha, Islael apehlichi putta ka̱ im ʋlhtipo puttah ai ʋshachi tok.

Eksotʋs 15:7

Micha chim aholitopa chinto kak osh chi̱ sanalit hikia tuk a̱ ish im aiyashke, chim ai i̱ nukkilli ya̱ ish kanchi na, onush ʋpi chohmichit hukmit tahli tuk oke.

Eksotʋs 23:28

Micha fohkʋt puta ka̱ chitikba ya̱ pila likma, Hifait, Kananait, micha Hittait chi tikba tihlela chi̱ hoke.

Eksotʋs 23:32

Yʋmma, micha i̱ naholbʋt toba puta ka̱ nana ish itim apesa he keyu hoke.

Eksotʋs 23:33

Chi̱ yakni ya̱ aiasha he keyu a̱, chi yoshublicha hinla hoka; i̱ naholbʋt toba ya̱ ish im antiakma ishit chi yoshuba chi̱ pulla hoke im achi tok.

Eksotʋs 33:2

Mikma enchil a̱ hʋchi tikba pila la chi̱ hoke; micha Kananait, Amolait micha Hittait, Pelisait, Hifait, micha Chebusait aiena ka̱ tihlelit kohcha wehli la chi̱ hoke.

Eksotʋs 6:8

Mikma ya̱kni yʋmma Eblaham, Aisak, micha Chekob a̱ ima la chi̱ hosh, anumpa kʋllo il onochi li tok ʋt, hʋchisht ona la chi̱ hoke; mikma hʋsh aiasha he ʋlhpesa yakni ya̱ chi̱ ho̱, hʋchima la chi̱ hoke; Chihowah sia hoke, im achi tok.

Lefitikʋs 14:34

Kenan ʋt hʋchi̱ yakni ya chi̱ ho̱ hʋchima li ka̱ hʋsh onakma, atuk o̱ hʋchi̱ yakni ya̱ chuka yo̱ ililli leplosi ya̱ onochi likma,

Numbas 13:29

Amalekait ʋhleha hʋt oka mahli yakni ak o̱ aiashʋshke; mikma Hittait ʋhleha micha Chebusait ʋhleha, micha Amolait ʋhleha aiena kʋt nʋnih foka ak o̱ aiasha hoke; mikma Kenanait ʋhleha hʋt okhʋta bili̱ka micha Chatan aiʋhli aiena kak o̱ aiasha hoke, achi tok.

Numbas 14:31

Amba hʋchim ʋlla ʋhleha na wehpoa ya chi̱, hʋsh achi tuk, yʋmmak okʋno ishit chukowa likma, yakni hʋsh shitilema tuk a̱ ithana chi̱ hoke.

Apostel isht Anumpa 13:19

Micha Kenan yakni a̱ oklushi untuklot ai imaiyachi mʋt, i̱ yakni atuk a̱, na shueli ho̱, isht ai i̱ hopela tok.

Tutelonomi 11:29

Atukma yakohma hi oke; yakni ya̱ ish isha chi̱ hosh, yʋmma ish ia ka̱ chin Chitokaka Chihowah yʋt chisht onakma, Kelisim nʋnih ha̱ anumpa yukpali ish onochikmʋt, Ebal nʋnih ha̱ anumpa kalakshichi ish onocha hi oke.

Tutelonomi 20:1

Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 20:16

Amba okla ilʋppa in tʋmaha holihta puta chi̱ yakni ya chi̱ ka̱, chin Chitokaka Chihowah yʋt chima tok ano, nana hosh fiopa kʋt a̱shakma ish okchalincha he keyu hoke.

Tutelonomi 31:20

I̱ki ʋhleha ha̱ anumpa kʋllo im ilonochi li tuk ʋt yakni pishukchi, micha foe‐bila ayʋna̱hanli ya̱ pehlichit isht ona li tuk o̱; impa tuk osh kaiyʋt taha cha, niakmʋt; fullotʋt naholbʋt toba inla iakaiyʋt im antiakmʋt sa nokowʋchi cha, a̱ nan itim apesa ya̱ kobʋffa hi oke,

Tutelonomi 31:3

Chin Chitokaka Chihowah ak osh chi tikba iʋt hlopulli cha oklushi ilʋppa puta ka̱ chi tikba ai isht kancha chi̱ hoke, mikma ish isha chi̱ hoke: mikma Chihowah yʋt achi tuk mak o̱, Choshua yʋmmak osh chi tikba iʋt hlopulla chi̱ hoke.

Tutelonomi 4:38

Oklushi hochito micha kʋllo kʋt hʋchi̱ shahli ho̱ i̱ yakni ʋt hʋchimmi ha chi̱ ho̱ hʋch isht chukowʋchi mʋt, hʋchi tikba tihlelit a kohchi tok a̱ himak nitak a̱ yʋmohmi hoke.

Tutelonomi 6:1

Yohmi ka̱ anumpa puta, micha nan ʋlhpisa bilia puta, micha ai ʋlhpiesa yʋmi̱hinchi ilʋppa puta hʋchim ʋlbʋcha he, Chitokaka hʋchin Chihowah yʋt anumpo̱honli na, yakni hʋsh aiasha chi̱ hosh hʋsh ia kʋt hʋsh a yʋmi̱hincha chi̱ kak a tok oke.

Tutelonomi 6:10

Atukma yakohma hi oke, Chitokaka chin Chihowah yʋt yakni ya̱ chi̱ki ʋhleha Eblaham, micha Aisak, micha Chekob aiena ka̱ anumpa il o̱nochit im issa tuk ʋt chisht onakmʋt, tʋmaha holihta ho chito, micha hochukma aiokli ish ikbi tok keyu yo̱,

Tutelonomi 6:19

Chihowah yʋt anumpuli tok mak osh, chin tʋnʋp ʋhleha moma ka̱ chi tikba akohchit kanchashke.

Tutelonomi 6:23

Micha pi̱ki ʋhleha ha̱ anumpa kʋllo im ilono̱honchi tuk mak osh, pisht ʋla cha, yakni ya̱ pima chi̱ hosh yʋmma pi pehliechit pi kohchi tok.

Tutelonomi 9:1

Islael ma, ish haklashke, himak nitak a̱ oklushi hochito, micha kʋllo kʋt chi̱ shahli, tʋmaha holihta hochito, micha a holihta kʋt shutik ont ʋhli ho̱, chukowʋt ish isha chi̱ hosh Chatan a̱ ish hlopullachi̱shke.

Tutelonomi 9:3

Yʋmohmi hoka himak nitak a̱ chin Chitokaka Chihowah yʋmmak osh chi tikba hlopullit ia hoke; luak na hukmit tahli chiyuhmit ishit kancha chi̱ hoke, micha chi tikba ya̱ aka isht ona chi̱ hoke. Yʋmohmi hoka Chihowah yʋt chim achi tuk mak o̱, tihlelit ish kocha wehli cha, chekosi ishit ish kancha hi oke.

Tutelonomi 9:4

Chin Chitokaka Chihowah yʋt chi tikba ya̱ ishit kanchi ha ya̱, chi chu̱kʋsh anu̱kaka ya̱ anumpulit, Ai ʋlhpiesa li pulla kak o̱ yakni ilʋppa a binili la chi̱ ho̱, Chihowah yʋt sʋsht ʋla tuk oke; chik acho kashke; amba oklushi ilʋppa puta haksi kak o̱, Chihowah yʋt chi tikba a tihlelit kocha weli hoke.

Choshua 11:3

Micha hʋshi akochaka imma, micha hʋshi ai okatula imma aiena Kenanait okla, micha Amolait okla, micha Hittait okla, micha Pelissait okla, micha Chebusait okla nʋnih foka, micha Mispeh yakni Hifait okla Hemon nuta a̱sha aiena ka anumpa pit i̱ pila tok.

Choshua 24:11

Mihma Chatan a̱ hlopullit Cheliko ya̱ hʋsh la tok oke; mihma Cheliko okla Amolait ʋhleha, micha Pelissait ʋhleha, micha Kenanait ʋhleha, micha Hitait ʋhleha, micha Kikashait ʋhleha, micha Hifait ʋhleha, micha Chebusait ʋhleha aiena kʋt hʋchin tanampi tok; mihma hʋch ibbak fohki li tok oke.

Choshua 3:10

Mihmʋt Choshua ʋt Ilʋppa yakohmi kak o̱ Chihowa okcha̱ya yʋt hʋch ibatakla ahanta cha, nana ka ik ai onancho keyu hosh Kenanait ʋhleha micha Hitait ʋhleha, micha Pelesait ʋhleha micha Kikashait ʋhleha, micha Amolait ʋhleha, mikmʋt Chebusait ʋhleha aiena ka hʋchi tikba ya̱ tihlelit kocha wehla chi̱ ka isht hʋsh ithaiyana chi̱ hoke.