Tutelonomi 6:6 - Chahta Holisso Holitopa 1886

⁶ Mikma anumpa ilʋppa himak nitak a̱ chim anumpo̱honli li kʋt, chi chu̱kʋsh a̱ foyukashke.

Tutelonomi 6:6 Iomraidhean Croise

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

2 Samuel 22:23

Nan apesʋt yʋmihinchi moyuma kʋt sa tikba takali chatuk; micha i̱ nan ʋlhpisa puta ka i̱ filʋmmi li chatuk keyu hoka.

Atʋloa 119:11

Ak chim ʋsshacho ka chi̱ kak osh, nan ish achi ya̱ sʋ chu̱kʋsh a fohkit ieshi lishke.

Atʋloa 119:13

Chitih hʋt nan ʋpehi̱sa tuk moma ka̱ sʋttiʋlbi isht ʋnoli lih chatuk oke.

Atʋloa 119:30

Aia̱hlika hina yak o̱ ʋtokule li tuk oke; nan ish ʋpehi̱sa ya̱ sʋ tikba tʋkaliche li tuk oke.

Atʋloa 119:98

A̱ tʋnʋp ʋhleha ha̱ i̱ shʋlihchi hosh chim ʋnnumpah ʋlhpisa putta kʋt sʋ hopoyuksʋli hoke; si anukfohkah abillia yokʋt.

Atʋloa 37:31

I̱ Chitokaka i̱ nan ʋlhpisa yʋt chu̱kʋsh a̱ a foiyukka hatuk o̱ a no̱ho̱wa yʋt shʋnayoa he keyu hoke.

Atʋloa 40:8

“A̱ Chitokaka ma, nan ish ai ahni ya̱ yʋmihchi kʋt ʋm achukma hoke; micha chi̱ nan ʋlhpisa yʋt sʋ chu̱kʋsh anu̱kaka ya̱ foiyukka hoke,” achi le tuk oke.

ʋBanumpa Luk Ʋt Holissochi Tok 2:51

Mihma yʋmmak ash ot awant ia cha, falamʋt Nasalet a̱ ona mʋt, im antia achukma hosh ahanta tok: yohmi kia ishki ash ot anumpa yʋmmak atuk ash mominchit ilap chu̱kʋsh ma isht il anukfohkit ieshi tok.

ʋBanumpa Luk Ʋt Holissochi Tok 8:15

Amba yakni achukma yo̱ ai o̱ kaha kʋto, yʋmmʋt chu̱kʋsh achukma aia̱hli mak osh anumpa ha̱ haklokmʋt, ieshit achunanchi cha, ʋnit waya kak oke.

2 Kolinhlian 3:3

Pishno yatuk mak o̱ hʋchishno ʋt Klaist i̱ holisso toba tuk otaiyanit hʋsh anoho̱wa kʋt, isht holissochi oka yo̱ isht holihi̱so tok keyu, amba Chihowa okcha̱ya imi Shilombish ak atuk; tʋli patʋssa yo̱ a holihi̱so tok keyu, amba chu̱kʋsh nipi ak atuk oke.

Tutelonomi 11:18

Yʋmohmi hoka ʋm anumpa ilʋppa puta ka̱ hʋchi chu̱kʋsh, micha hʋchimi shilombish a̱ fohkit hʋsh ieshashke, micha nan isht atokowa yo̱ hʋchibbak ishit hʋsh takchi na, hʋchi nishkin itin takla ya̱ bita hosh on talaia ka̱ hʋchin chohmashke.

Tutelonomi 11:20

Micha chin chuka in toni̱k puta ka̱, micha chi̱ holihta okhissa puta ka̱ ish ai o̱ holissochashke.

Tutelonomi 32:46

Micha anumpa moma himak nitak a̱ hʋch iti takla ya̱ ai atokoli li ka̱ hʋchi chu̱kʋsh a̱ hʋsh onochashke, micha hʋchim ʋlla ʋhleha hʋt nan ʋlhpisa ilʋppa anumpa moma ka̱ ithanʋt yʋmihcha chi̱ ka̱ hʋsh i̱ mihashke.

Koloshan 3:16

Klaist im anumpa hʋt a chitot hʋchi foyuka na isht a hʋchi hopoyuksashke; ʋba isht taloa, micha shilombish imma isht taloa aiena ka isht it im abʋchit, isht it i̱ nukfohkit, nana aiokpahancha he hʋchi chu̱kʋsh a̱ foyukʋt Chitokaka ya̱ hʋsh in taloho̱ashke.

2 Chan 1:2

Nan ai a̱hli ka yʋt a pi nukfoyuka kʋt a pi nukfoyukʋt bilia chi̱ pulla ho̱ yʋmohmi hoke.