Biblia Todo Logo
Bìoball air-loidhne

- Sanasan -




Tutelonomi 6:24 - Chahta Holisso Holitopa 1886

24 Micha Chihowah yʋt pim apesʋt, nan ʋlhpisa bilia ilʋppa moma e yʋmihcha he ishit pim aiachukma̱ka na bilia chi̱ kʋt, pin Chitokaka Chihowah ya̱ il i̱ nukshoyupa he a̱, achi tok; yohmi hosh pi okchalincha he a tok o̱ himak nitak a̱ ayʋmohmi hoke.

Faic an caibideil Dèan lethbhreac




Tutelonomi 6:24
20 Iomraidhean Croise  

Chihowa hʋt ieshi cha okchalinchi na, yakni ya̱ nan isht im ai achukmashke; mikma̱ i̱ tʋnʋp ʋhlehah nan ai ahni ka̱ ibbak chik fohko kashke.


Ʋbekʋt i̱ tupah ittoiyula ka̱ Chihowa hʋt hʋllʋllashke; ʋbekakma̱, i̱ tupa ha̱ ish im ʋpoksiachih chatuk okʋt.


Yʋmmak osh pimish shilombish a̱ ai okcha̱ya hillechi cha, piyi yʋt kʋnʋlla he ik ahno yoke.


Mihma Moses ʋt okla ha̱, Hʋchi nukshopa ná, hʋchi tikba ya̱ Chitokaka im anukshopa yʋt takali na, ik hʋchi yoshobo ka chi̱ ho̱ imoma ka̱ hʋchi pesʋt ʋla hoke, im achi tok.


Amba Chihowa apehlichika, micha nan isht im ai ʋlhpiesa aiena kak o̱ ti̱kba hʋsh hoyashke; yohmikma ilʋppa moyuma kʋt hʋchim aiena he mak oke.


Mihma yʋmmak ash ot, Ʋlhpesa, ish miha mʋhlishke: ilʋppak o̱ ish yʋmihchashke: yohmi hokmak osh chi okcha̱ya hi oke, im achi tok.


Yohmi ka Moses okʋt ʋba nan ʋlhpisa isht ai ʋlhpiesa ka isht anumpuli mʋt, Hatak ʋt yʋmma puta ka yʋmihinchik mʋt, isht ai okcha̱ya hi oke, achi tok oke.


Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.


Amba hʋchin Chitokaka Chihowah ya̱ hʋsh asitia tok ʋto hʋsh moyuma kʋt himak nitak a̱ hʋchi okcha̱yʋshke.


Chitokaka hʋchin Chihowah ya̱ ish i̱ nukwia cha, i nan ʋlhpisa bilia moma ka̱, micha im anumpa chim anumpohonli li ka̱, chishno micha chiso, micha chiso ha̱ iso aiena kʋt chi okcha̱yʋt ish ahanta nitak moma kʋt ish ieshi cha, chi̱ nitak ʋt falaiashke.


Micha pi̱ki ʋhleha ha̱ anumpa kʋllo im ilono̱honchi tuk mak osh, pisht ʋla cha, yakni ya̱ pima chi̱ hosh yʋmma pi pehliechit pi kohchi tok.


Anumpa ʋlhpisa puta himak nitak a̱ chim anumpo̱honli li ka̱ ithaiyanʋt ish yʋmihchashke, yʋmohmi hosh hʋchi okcha̱yashke, micha hʋsh apakna cha, Chihowah yʋt hʋchi̱ki ʋhleha ha̱ anumpa kʋllo im il onochi tok a̱ yakni yash chukowʋt hʋsh binilashke.


Micha chi chu̱kʋsh akanlusechit chi hohchʋfochi mʋt, ish ithana tuk keyu ho̱, micha chi̱ki ʋhleha hʋt ithana tuk keyu ho̱, manna ya̱ chipi̱hinta tok; yohmi kʋt pʋska ak illa ho̱ hatak ʋt okcha̱ya he keyu, amba Chihowah im anumpa itih ha̱ akohoncha puta kak o̱ hatak ʋt isht okcha̱ya ka̱, Chihowah yʋt chithʋnancha chi̱ ha tok.


Lean sinn:

Sanasan


Sanasan