Tutelonomi 6:22 - Chahta Holisso Holitopa 1886

²² Micha Chihowah yʋt nan isht atokowa, micha na fehna chinto micha palʋmmi ho̱, Echip, micha Falaoh, micha in chuka achʋfa moma aiena ka̱ e pi̱sa ho̱ onochit otʋni̱hinchi tok.

Tutelonomi 6:22 Iomraidhean Croise

Atʋloa 135:9

Echip ma, nan isht ʋtukkoa puttah, na̱ fehna puttah aiena ka̱ chim itti̱takla awet kanchit, Felo micha i̱ tishuh ʋhlehah moma ka̱ awet onucchi tok oke.

Atʋloa 136:4

Ilap bieka hosh na̱ fehna huchito yʋmi̱hi̱chi ya̱ yakoke hʋsh im achashke; im isht i̱ hullo yʋt abillia yoka̱.

Atʋloa 91:8

Pe chi nishkin ak o̱ pit isht ish hupo̱poyo cha, hʋttak ik ʋlhpeso ʋhleha hʋt nan im ʋlhtoba ka̱ ish pisa hi oke.

Eksotʋs 10:2

Micha Echip a̱ nana ayʋmihchi li tok, micha nan isht ʋm atokowa ya̱ im itin takla ayʋmihchi li tuk a̱, chiso ha̱ im anolit, ish haklocha he, mikma chiso hʋt ushi ya̱ haklocha he ak oke; yʋmohmi ka̱ ʋno ak osh Chihowah sia ka̱ isht hʋsh ithana he ak oke.

Eksotʋs 3:20

Mihma sʋbbak a̱ wieli lish a̱ nafehna moma im itin takla ya̱ ayʋmihchi la chi̱ kʋt, Echip a̱ isht issot kanchi la chi̱ hoke; atuk o̱ yohmi ha yokmʋno ik ia hʋchim ahna chi̱ hoke.

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Tutelonomi 3:21

Micha nitak yʋmmak inli ka̱ Choshua ya̱ im anumpulit, Chin Chitokaka Chihowah yʋt mi̱ko tuklo ilʋppa kaniohmichi tuk moma ka̱, chi nishkin ʋt pi̱sʋshke; apehlichika puta kanima yo̱ ish hlopullikma Chihowah yʋt yʋmihcha hi oke.

Tutelonomi 4:3

Baal‐peo pulla ho̱ Chihowah yʋt kaniohmichi tuk a̱ hʋchi nishkin ʋt pi̱sa tuk oke; chin Chitokaka Chihowah yʋt hatak Baal‐peo iakaiya tuk moma ka̱ hʋch itin takla ya̱ ai ishit kanchi tuk oka.

Tutelonomi 4:34

Ak cho? Chitokaka yʋt oklushi achʋfa ho̱ oklushi inla iklʋnna a kohchit il isha chi̱kmʋt im onʋt imomaka pisʋt, nan isht atokowa, micha na fehna, micha tʋnʋp, micha ibbak kʋllo hosh, micha shakba ashatapʋt nan isht nukhlakancha chinto, hʋchin Chitokaka Chihowah yʋt hʋchi nishkin itikba Echip a̱ hʋchi̱ yʋmihchi tok, chiyuhmichi tok oh cho?

Tutelonomi 6:21

Yʋmohmikma, chiso hash, Echip yakni a̱ Falaoh i̱ yuka hosh il aiasha tok; atuk o̱ Chihowah yʋt ibbak kʋllo hosh Echip a̱ apehlichit pi kohchi tok.

Tutelonomi 6:23

Micha pi̱ki ʋhleha ha̱ anumpa kʋllo im ilono̱honchi tuk mak osh, pisht ʋla cha, yakni ya̱ pima chi̱ hosh yʋmma pi pehliechit pi kohchi tok.

Tutelonomi 7:19

Imomaka pisa puta chi nishkin ʋt pisa tok, micha nan isht atokowa puta, nan isht a fehna puta, micha ibbak kʋllo, micha shakba ashatapa hosh chin Chitokaka Chihowah yʋt ishit chi pehlichit kohcha tok a̱ ish ithaiyanashke: yʋmma chi yuhmi hosh chin Chitokaka Chihowah yʋt okla ish i̱ nukshopa puta ka̱ yʋmihcha hi oke.