Tutelonomi 6:2 - Chahta Holisso Holitopa 1886

² Chitokaka hʋchin Chihowah ya̱ ish i̱ nukwia cha, i nan ʋlhpisa bilia moma ka̱, micha im anumpa chim anumpohonli li ka̱, chishno micha chiso, micha chiso ha̱ iso aiena kʋt chi okcha̱yʋt ish ahanta nitak moma kʋt ish ieshi cha, chi̱ nitak ʋt falaiashke.

Tutelonomi 6:2 Iomraidhean Croise

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

Genesis 22:12

Mihma, Chibbak a̱ ʋlla nakni yash ish onochi ná, micha nana kia chik i̱ kaniohmecho kashke: himak a̱ chiso hash, chiso yʋmmak illa kash chik sʋm i̱ halʋllo hokʋt, Chitokaka ya̱ ish i̱ nuksho̱hompa ka̱ ithana li hoka, achi tok.

1 Mi̱ko 8:40

Yʋmohmi ho̱ pi̱ki ʋhleha ha̱ yakni ish ima tok a̱, okcha̱yʋt ahanta nitak moma ka, chi̱ nukwiʋt okla aiashashke.

Atʋloa 111:10

Hupoyuksʋt isht ia kʋt Chihowa i̱ nukshopa yak oke; yʋmma̱ putta ka̱ yʋmihchi moma kʋt nan ʋkostininchih achukma yoke; Chihowa hulittoblichi ʋt abillia hoke.

Atʋloa 128:1

Chihowa i̱ nukshopa hosh i̱ hina ya̱ a no̱ho̱wa aiyukali kʋt na̱ yokpa yoke.

Atʋloa 91:16

“Nittak fʋllaya ho̱ isht im ai ʋlhpesʋche likmʋt, ʋm ai okcha̱ya ya̱ pisachit yokpali la chi̱ hoke.”

Eksotʋs 20:12

Chi̱ki, micha chishki ya̱ ish holitoblashke; yʋmohmi hosh chi̱ nitak ʋt falaia hosh yakni ya̱ Chihowah chin Chitokaka yʋt chima tok a̱ ish aiahantashke.

Eksotʋs 20:20

Mihma Moses ʋt okla ha̱, Hʋchi nukshopa ná, hʋchi tikba ya̱ Chitokaka im anukshopa yʋt takali na, ik hʋchi yoshobo ka chi̱ ho̱ imoma ka̱ hʋchi pesʋt ʋla hoke, im achi tok.

ʋBanumpa Luk Ʋt Holissochi Tok 12:5

Amba kʋna ho̱ hʋsh i̱ nukshopa he okʋno hʋchim anoli lashke; Illichi ha mʋt, ai‐okpuloka ya̱ pit kancha hi ʋt im ʋlhpiesa yʋmmak o̱ hʋsh i̱ nukshopashke; a̱hli, Yʋmmak o̱ hʋsh i̱ nukshohompashke, hʋchim achi lishke.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 11:9

Yʋmohmi hosh Chihowah yʋt hʋchi̱ki ʋhleha, micha im isht atiaka aiena ka̱ ima chi̱ hosh, anumpa kʋllo im ilonochi tok a̱ nitak hʋchi̱ falaia yakni yash pishukchi, micha foe bila ayana̱hanli yakni ya̱ hʋsh ai aha̱shwashke.

Tutelonomi 13:4

Hʋchin Chitokaka Chihowah ya̱ iakaiyʋt hʋsh itʋnowashke, micha i̱ nukwiʋt im anumpa ha̱ holitoblit, im anumpa ha̱ hʋsh im antiʋt, in toksa̱hanlit hʋsh asitiashke.

Tutelonomi 15:5

Peh chin Chitokaka Chihowah im anumpa achukmalit haponaklot, anumpa ilʋppa puta moma himak nitak a̱ chim anumpo̱honli li ka̱ ithaiyanʋt ish yʋmihchikma.

Tutelonomi 22:7

Amba ik kaniohmi kia ishki ya̱ ish hikʋchi cha, ushi ya̱ ish isha hi oke: yʋmohmi hosh chim achukma cha, chi̱ nitak a̱ ish falaiachashke.

Tutelonomi 30:19

Ai okcha̱ya micha ai illi, aiyukpa micha akalakshi aiena ka̱ hʋchi tikba takalichi li ka̱, ʋba micha yakni aiena kʋt himak nitak a̱ hʋchi atokolit holissocha chi̱ ka̱ hoyo lishke; yʋmohmi hoka ai okcha̱ya ak o̱ ish atokolashke: yʋmohmi hosh hʋchishno micha chim isht atiaka yʋt okcha̱yashke,

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 4:10

Micha Holeb a̱ hʋchin Chitokaka Chihowah itikba ya̱ hʋsh hieli tok nitak fehna ka̱ hʋsh ithanashke; Chihowah yʋt ʋm achi mʋt, Okla ha̱ is sʋm ai itʋnahlashke, mikma ʋm anumpa ha̱ haklochi lashke, yohmi ho̱ nitak moma okcha̱yʋt yakni paknaka aiasha takla kʋt, a̱ nukwia he osh ithana cha, im ʋlla ʋhleha ha̱ im abʋchashke, achi tok.

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 4:9

Peh ahah, hʋsh il ahni cha, hʋchimi shilombish a̱ achunanchit hʋsh ieshashke, keyukmʋt, nana puta hʋchi nishkin ʋt pi̱sa tuk ʋt hʋchim ahaksi ná, micha chi okcha̱ya nitak moma ka̱ hʋchi chu̱kʋsh a̱ akohchʋt kʋnia na: amba chiso puta, micha chiso ha̱ ushi puta ka̱ ish im abʋchashke.

Tutelonomi 5:16

Chitokaka chin Chihowah yʋt chim achi tuk mak o̱, chi̱ki, micha chishki ya̱ ish holitoblashke; yʋmohmi ho̱ yakni Chitokaka chin Chihowah yʋt chima tok a̱ ish aiahanta he a̱ nitak ʋt chin lauashke, micha chim ai achukma̱kashke.

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 6:1

Yohmi ka̱ anumpa puta, micha nan ʋlhpisa bilia puta, micha ai ʋlhpiesa yʋmi̱hinchi ilʋppa puta hʋchim ʋlbʋcha he, Chitokaka hʋchin Chihowah yʋt anumpo̱honli na, yakni hʋsh aiasha chi̱ hosh hʋsh ia kʋt hʋsh a yʋmi̱hincha chi̱ kak a tok oke.

Tutelonomi 6:24

Micha Chihowah yʋt pim apesʋt, nan ʋlhpisa bilia ilʋppa moma e yʋmihcha he ishit pim aiachukma̱ka na bilia chi̱ kʋt, pin Chitokaka Chihowah ya̱ il i̱ nukshoyupa he a̱, achi tok; yohmi hosh pi okchalincha he a tok o̱ himak nitak a̱ ayʋmohmi hoke.

Tutelonomi 6:7

Yohmi ka̱ chim ʋlla ʋhleha ha̱ achunanchit ish im abʋchashke; micha chin chuka ish binilikmʋt, micha hina takla ish ayakmʋt, micha ish itoyulakmʋt, micha ish wakayakmʋt isht ish anumpo̱honlashke.

Choshua 4:24

Yohmi na yakni moma hatak aiasha kʋt Chihowa ibbak ʋt kʋllo kʋt nana moma i̱ shahli ka ithaiyana chi̱ hatok; yohmi na Chitokaka hʋchin Chihowa ya̱ hʋsh holitobli na bilia hi atok.

1 Pita 1:17

Yohmi ka I̱ki ak o̱ hʋsh im asithha hokmʋt, yʋmmak okʋt hatak it i̱ shahshohlechi iksho hosh hatak puta kʋt ilap a kaniohmi tuk ak o̱ isht im apesa yoka, ilʋppa hʋsh ai ahanta ta̱kla kʋt hʋsh holitoblashke: