Tutelonomi 6:15 - Chahta Holisso Holitopa 1886

¹⁵ Chin Chitokaka Chihowah yʋt Chitokaka nukta̱hla yosh hʋchi takla ahanta hoka; keyukmʋt, chin Chitokaka Chihowah im ai i̱nukkilli ʋt chi̱ sanalit libbi na, yakni pakna ya̱ ai okpuloka hʋchi taha yoba ná.

Tutelonomi 6:15 Iomraidhean Croise

Genesis 7:4

Nitak untuklo momakma, nitak pokoli ushta, micha ninak pokoli ushta ho̱ yakni paknaka ya̱ on umbʋche la chi̱ hoke; micha nan okcha̱ya puta ikbi li tuk ʋt yakni paknaka ya̱ a mosholichi la chi̱ hoke, im achi tok.

1 Mi̱ko 13:34

Atuk o̱ nana ilʋppak o̱ Cheloboam in chuka achʋfa yʋt isht ayoshuba na yakni paknaka ya̱ a mosholit ai iksho ka chi̱ hatok.

Atʋloa 90:11

Chi uokua yʋt kʋllo ka̱, micha chi̱ nukshopa he ʋlhpesa kak o̱ chohmit chi nukhubela ya̱ kʋta hosh ithanah choh?

Atʋloa 90:7

Chi nokua kak o̱ pi tahakmʋt, chi nukhubela kak o̱ pi komunta hoka̱.

Eksotʋs 20:5

Aka ish im akahchunoli, micha ish aiokpʋcha he keyu hoke, Chin Chitokaka Chihowah sia hʋt Chitokaka nukta̱ha̱hla sia hosh i̱ki ʋhleha nanashʋchi tuk a̱ im ʋlla ʋhleha ai itishali ont atuchina, micha ont ai ushta kia a̱ nukkilli ka̱ im a̱ya li hoke.

Eksotʋs 32:12

Nanta katiohmi̱ ho̱ Echip okla hʋt nan ik achukmo yʋmihchit nʋnih fohka ai ʋbit tahlit yakni paknaka ai ishit kanchit mosholicha chi̱ hosh pehlichit kohcha tuk oke, acha chi̱ cho? chim ai i̱ nukkilli libbi kʋt ish shanaiya cha, nan ik achukmo chim okla i̱ sanali ilʋppa ish issashke.

Numbas 35:34

Yʋmohmi hoka yakni hʋsh aiasha chi̱, micha ai ahanta li ya̱ hʋchik litehlo kashke: Ʋno, Chitokaka sia hʋt Islael im ʋlla ʋhleha takla ahanta li hoka, ish im achashke, im achi tok.

1 Kolinhlian 10:22

Chitokaka ya̱ il anukhobelʋchi na pi̱ nuktʋhla hinla ho̱? yʋmma hlampko kʋt il i̱ shahli ho̱?

Tutelonomi 11:17

Yʋmohmikma Chihowah im ai i̱ nukkilli ʋt hʋchi̱ sanalit libbikmʋt, shutik a̱ okshitakma, umba kʋt iksho ka he, mikma yakni ʋt i̱ nan waya puta ka̱ ik a wayo ka hi oke: mikma chekosi Chihowah yʋt yakni hʋchima tuk a̱ hʋsh a mosholi na.

Tutelonomi 4:24

Chin Chitokaka Chihowah yʋt luak na hushmit tahli, Chitokaka nukta̱ha̱hla yoka.

Tutelonomi 5:9

Aka pit ish im akachunola he keyu, micha ish im antia he keyu: Chitokaka chin Chihowah sia hʋt, Chitokaka nukta̱ha̱hla sia hosh, i̱ki ʋhleha nan ashʋchi yash im ʋlla ʋhleha hʋt ai iti shali ont isht atuchina, micha ont isht ai ushta kia a̱ nukkilli ka̱ im a̱ya li hoke.

Tutelonomi 7:4

Chiso hʋt si akaiya ya tuk a̱ fullolichi na, na holbʋt toba puta inla yak o̱ ai okpʋcha chi̱ hoke; yohmi ho̱ Chihowah im ai i̱ nukkilli ʋt chi̱ sanalit libbi cha, yakosi itin takla kia ishit chi kancha hi oke.

Choshua 23:12

Keyu hosh kaniohmi hosh falamʋt hʋsh ia cha, oklushi a̱sha moma ilʋppa puta, ilʋppa hʋchi takla a̱sha ka asitiʋt itauwayʋchit, hʋsh iba chukowakma, micha hʋch iba chukowakma,

Choshua 23:16

Chihowa hʋchin Chitokaka nan it im apesa anumpa hʋchim apesa tok a̱ hʋsh kobʋffi cha, na holba puta ka ont im antiʋt hʋsh im akachunolikma, yohmikma Chihowa im ai i̱ nukkilli ʋt libbit hʋchi̱ sanalikma, chekosi fehna yakni achukma hʋch ima tok a̱ ai illit hʋchi taha hi oke, im achi tok.