Tutelonomi 6:13 - Chahta Holisso Holitopa 1886

¹³ Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Tutelonomi 6:13 Iomraidhean Croise

Genesis 24:3

Mikma Kenan okla takla ahanta li ka̱ ushetik ʋhleha ha̱ ohoyo ai ishit sʋso ha̱ chik emo ka he ya̱, Chihowah, ʋba in Chitokaka, micha yakni in Chitokaka ya̱ hochifot anumpa kʋllo chil onochechi lashke.

2 Mi̱ko 17:36

Amba Chihowa yʋmmak osh nan isht im aia̱hli chito, micha shakba ashatapa hosh Echip a̱ a pehlichit hʋchi kohchi tok, yʋmmak o̱ hʋsh i̱ nukwia cha, hʋsh im akachunolikmʋt, yʋmmak o̱ nan ʋbit isht hʋsh im aiokpʋchashke.

Atʋloa 15:4

Hʋttak haksi yokʋno shittilemʋt pi̱hi̱sah; amba Chihowa i̱ nukshopa ʋhleha hokʋno hulittobli hoke. Isht a huttupa hi osh ʋnnumpah kʋllo il onucchi tuk kia, il inlancha he keyu hoke.

Atʋloa 63:11

Amba mi̱ko ʋto Chitokaka yak o̱ nan isht a yokpa chi̱ hoke; ʋnnumpah hulabi ʋnumpuli itih putta kʋt i̱ kʋma chi̱ hoka̱, yʋmmak o̱ ʋnnumpah kʋllo isht ai ʋnumpuli kʋt momʋt isht ilawʋta chi̱ hoke.

Eksotʋs 20:7

Yʋmmakfokalechit chin Chitokaka Chihowah hohchifo ha̱ ish hochifa he keyu hoke; hohchifo ha̱ yʋmmakfokalechit hochifo tukma nan ik ashacho, Chihowah yʋt ahna he keyu hoke.

Eksotʋs 23:25

Micha Chihowah hʋchin Chitokaka ya̱ hʋsh im antia hi oke; mikma hʋchi̱ pʋska, micha hʋchim oka hʋchim apaknʋcha hi oke; mikma ʋno ʋt hʋchim itin takla ya̱ abeka ha̱ ai isht kanchi la hi oke.

Lefitikʋs 19:12

Micha a̱hli keyu ka̱ sa hochifot anumpa kʋllo hʋsh anumpula he keyu; micha chin Chitokaka hohchifo ha̱ ik ahobalot chik hochifo kashke: Chihowah sia hoke.

Mahlu 4:10

Mihma Chisʋs ash osh, Setan ʋt kanima iashke: chin Chitokaka Chihowa hak o̱ ish ai okpahanchikmʋt, yʋmmak illa ho̱ ish im antiashke, achi kʋt holisso hoka, im achi tok.

Mahlu 5:33

Micha anonti, nitak ti̱kba aiasha kʋt, Anumpa kʋllo ish ile onochi tuk ʋt chik kobʋffo kashke: amba anumpa kʋllo ish ile onochi tuk okʋt Chitokaka ya̱ ish im aia̱hlicha hi oke; achi tok a̱ hʋsh ha̱klo chatuk.

ʋBanumpa Luk Ʋt Holissochi Tok 4:8

Mihma Chisʋs ash ot afalaminchit, Setan chia hʋt ʋm ashaka yak o̱ ish hikiashke; Chitokaka chin Chihowa yak o̱ i̱ hʋchukbihlepʋt ish aiokpahanchashke; micha yʋmmak illa ho̱ holitoblit ish im antiashke; achi kʋt holisso hoka, im achi tok.

Tutelonomi 10:12

Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 13:4

Hʋchin Chitokaka Chihowah ya̱ iakaiyʋt hʋsh itʋnowashke, micha i̱ nukwiʋt im anumpa ha̱ holitoblit, im anumpa ha̱ hʋsh im antiʋt, in toksa̱hanlit hʋsh asitiashke.

Tutelonomi 13:5

Mikma hopaii yʋmmʋt, micha holhpokuna holhpokuna yʋmmʋt illashke; hʋchin Chitokaka Chihowah yʋmmak osh Echip yakni ya̱ apehlichit hʋchi kohchi tok; micha yʋmmak osh aboha ayuka ha̱ a hʋchi hlakofichi tok a̱, i̱ filʋmmichit hʋchisht ia chi̱ hosh, hina hʋsh ai itʋnowa chi̱ ho̱ hʋchin Chitokaka Chihowah yʋt hʋchi̱ miha tok a̱ naksika pit hʋchi tobli bʋnna hosh anumpuli ha tuk oka. Yʋmohmi hosh hʋchim ai iti takla ya̱ nan ik achukmo ka̱ isht hʋsh kanchashke.

Tutelonomi 5:11

Yʋmmakfokalechit chin Chitokaka Chihowah hohchifo ka̱ ish hochifa he keyu hoke; hohchifo ha̱ yʋmmakfokalechit hochifo tukma nan ik ashacho, Chihowah yʋt ahna he keyu hoka.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 6:2

Chitokaka hʋchin Chihowah ya̱ ish i̱ nukwia cha, i nan ʋlhpisa bilia moma ka̱, micha im anumpa chim anumpohonli li ka̱, chishno micha chiso, micha chiso ha̱ iso aiena kʋt chi okcha̱yʋt ish ahanta nitak moma kʋt ish ieshi cha, chi̱ nitak ʋt falaiashke.

Choshua 2:12

Yʋmohmi hoka himak a̱ hʋchim ilbʋsha lishke, ʋno ʋt hʋchi̱ kana li tuk a̱, hʋchishno mʋt a̱ki in chuka achʋfa ya̱ hʋch i̱ kana hi ʋt Chihowa ya̱ anumpa kʋllo isht il onochit,

Choshua 23:7

Yʋmohmi hosh oklushi ilʋppa puta hʋchi takla a̱sha moma ka hʋch ik ibafohko kashke; micha i̱ na holbʋt toba puta hohchifo ha̱ anukfillit hʋch ik miho kashke; micha isht hochi̱fot anumpa kʋllo hʋch ik il onocho kashke, micha hʋch ik in toksalo kashke, micha hʋch ik im akachunolo kashke:

Choshua 24:14

Yʋmohmi hoka Chihowa ya̱ hʋsh holitobli cha, chu̱kʋsh a̱hli, micha apissali bieka hosh hʋsh im antiashke; micha na holbʋt toba puta hʋch i̱ki ʋhleha hʋt okhina mish tʋnnʋp, micha Echip a̱ aiokpʋchi tok a̱ hʋsh kanchashke; micha Chihowa yak o̱ hʋsh im antiashke.

1 Samuel 20:3

Mihma Lewi ʋt anumpa kʋllo il onochit anumpulit, Issa̱ kana ka chi̱ki ʋt ithana kʋt a̱hli; atuk osh achi kʋt, Chonahlan ʋt ik nukha̱klo ka chi̱ kʋt ilʋppa ik ithano kashke: yohmi kia Chihowa okcha̱ya pulla ka, micha chimi shilombish ʋt okcha̱ya pulla ka, peh ahabli achʋfa ohmi hosh aiilli, micha si ititakla ya̱ takali hoke, achi tok.

1 Samuel 7:3

Mihma Samuel ʋt Islael in chuka achʋfa moma ka im anumpulit, Hʋchi chu̱kʋsh isht ai oklu̱hʋchit Chihowa ya̱ falamʋt hʋsh im ona hokmʋt, oklushi inla i̱ na holbʋt toba, micha Ashtalolh aiena ka̱ hʋch ititakla ya̱ hʋsh a kanchi cha, hʋchi chu̱kʋsh a̱ Chihowa ya̱ hʋsh im atahli cha, yʋmmak bano ho̱ hʋsh aiokpʋchashke; mikma Filistin okla ibbak a̱ akohchit hʋchi hlakoficha chi̱ hoke, achi tok.