Tutelonomi 5:9 - Chahta Holisso Holitopa 1886

⁹ Aka pit ish im akachunola he keyu, micha ish im antia he keyu: Chitokaka chin Chihowah sia hʋt, Chitokaka nukta̱ha̱hla sia hosh, i̱ki ʋhleha nan ashʋchi yash im ʋlla ʋhleha hʋt ai iti shali ont isht atuchina, micha ont isht ai ushta kia a̱ nukkilli ka̱ im a̱ya li hoke.

Tutelonomi 5:9 Iomraidhean Croise

2 Mi̱ko 17:35

Yʋmmak oka Chihowa yʋt nana itim apesa cha, i̱ mihʋt, Chitokaka inla puta ka hʋsh i̱ nukwia he keyu, micha hʋsh im akachunola he keyu, micha hʋsh im antia he keyu, micha nan ʋbit isht hʋsh im aiokpʋcha he keyu;

Eksotʋs 34:14

Naholbʋt toba chitokaka inla ka̱ ish aiokpʋcha he keyu hoka, Chihowah yʋmma hohchifo kʋt Nuktanhla ya tuk osh, Chihowah nuktanhla yoke.

Eksotʋs 34:7

Tahlepa sipokni hoh kia i̱ nukha̱klot bilia, ik ʋlhpieso, micha anumpa kobʋffi, micha aiashʋchi aiena ka̱ i̱ kashofi, micha anumpa hʋt onʋtola he ʋlhpesa ya̱ hlakoficha he keyu, i̱ki puta ik ai ʋlhpeso atuk mak o̱ im ʋlla ʋhleha puta ka̱, micha ʋlla ʋhleha hash im ʋlla ʋhleha ai iti shali ont atuchina, micha ont ai ushta kia im a̱ya yoke, achi tok.

Numbas 14:18

Chihowah yʋt nuktaiyala na hopaki, micha isht i̱ nukha̱klo ʋt chinto hosh, nan ashʋchi micha yoshoba ya̱ i̱ kashoffi, micha nan ashʋchi im a̱hli ya̱ hlakoffichi keyu, micha i̱ki ʋhleha nan ashʋchi tuk a̱ im ʋlla ʋhleha ai iti shali ont atuchina, micha ont ai ushta hoh kia, nana palʋmmi ish onocha he ish miha tok mak osh, an Chihowah nan isht im aia̱hli ʋt chitashke.

Tutelonomi 4:16

Keyukmʋt hʋsh il okpʋni cha, tʋhlʋt na holbʋt toba ikbit na pisa kaniohmi, nakni, keyukmʋt, tek nana kia holba;

Tutelonomi 4:24

Chin Chitokaka Chihowah yʋt luak na hushmit tahli, Chitokaka nukta̱ha̱hla yoka.

Tutelonomi 6:15

Chin Chitokaka Chihowah yʋt Chitokaka nukta̱hla yosh hʋchi takla ahanta hoka; keyukmʋt, chin Chitokaka Chihowah im ai i̱nukkilli ʋt chi̱ sanalit libbi na, yakni pakna ya̱ ai okpuloka hʋchi taha yoba ná.

Tutelonomi 7:10

Micha i̱ nukkilli puta ka̱ pisanchi hosh im atobbi cha, ishit kancha hi oke: i̱ nukkilli tuk a̱ i̱ sʋlaha he keyu, pisanchi hosh im atobba hi oke.