Tutelonomi 5:33 - Chahta Holisso Holitopa 1886

³³ I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 5:33 Iomraidhean Croise

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

Tutelonomi 10:12

Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.

1 Timohli 4:8

Haknip nan isht ʋtta isht ai achukma hokʋto mishema he keyu hoke: amba Chihowa holitobli nana moma ka isht im ai achukma kʋt, yakni paknaka nan ai isht ai yukpa, micha yakni inla ʋla he mihinti ita tuklo ka isht ai yukpa he im issa hoke.

Loman 2:7

Yohmi kʋt kʋna hosh nuktaiyalʋt achunanchit nan achukma yʋmohmi kʋt, isht a holitopa, micha isht annoa achukma, micha isht ai illa he keyu hoho̱yo hokʋno isht ai okcha̱ya bilia he im apesa hi oke.

Atʋloa 119:6

Chim ʋnnumpah ʋlhpisa moma ka̱ ahninchi li hokmak osh, sʋ hofahya he keyu hoke.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Efeshan 6:3

Yohmi hosh chim achukmʋt hopaki ho̱ yakni paknaka ish ai ahantashke.

Eksotʋs 20:12

Chi̱ki, micha chishki ya̱ ish holitoblashke; yʋmohmi hosh chi̱ nitak ʋt falaia hosh yakni ya̱ Chihowah chin Chitokaka yʋt chima tok a̱ ish aiahantashke.

Tutelonomi 4:1

Yʋmohmi hoka Islael ma, himak a̱ nan ʋlhpisa, micha aiʋlhpiesa yʋmihinchi hʋchim abʋchi li ka̱ hʋsh yʋmihcha chi̱ kʋt, hʋsh haklashke; yʋmohmi hosh hʋchi okcha̱ya cha, hʋchi̱ki ʋhleha in Chitokaka Chihowah yʋt yakni chima tok a̱ chukowʋt hʋsh a binilashke.

Tutelonomi 6:1

Yohmi ka̱ anumpa puta, micha nan ʋlhpisa bilia puta, micha ai ʋlhpiesa yʋmi̱hinchi ilʋppa puta hʋchim ʋlbʋcha he, Chitokaka hʋchin Chihowah yʋt anumpo̱honli na, yakni hʋsh aiasha chi̱ hosh hʋsh ia kʋt hʋsh a yʋmi̱hincha chi̱ kak a tok oke.

Tutelonomi 6:3

Yʋmohmi hoka Islael ma, ish haiyaklashke, micha ithaiyanʋt, ish yʋmihchashke; yʋmohmi hosh chi̱ki ʋhleha ha̱ in Chitokaka Chihowah yʋt achit, im issa tok mak o̱, yakni pishukchi micha foebila ayanahanli ya̱ aiasha apaknʋt isht i̱ shahli fehnʋt hʋsh ma̱ha̱yashke.

Tutelonomi 11:9

Yʋmohmi hosh Chihowah yʋt hʋchi̱ki ʋhleha, micha im isht atiaka aiena ka̱ ima chi̱ hosh, anumpa kʋllo im ilonochi tok a̱ nitak hʋchi̱ falaia yakni yash pishukchi, micha foe bila ayana̱hanli yakni ya̱ hʋsh ai aha̱shwashke.

Tutelonomi 12:25

Ish pa he keyu hoke; yʋmohmi hosh Chihowah itikba ya̱ aiʋlhpiesa ho̱ ish yʋmohmikmʋt, chishno, micha chim ʋlla ʋhleha et chi akaiya aiena kʋt chim achukmashke.

Tutelonomi 12:28

Yohmi ahnit ish anukfilli cha, anumpa ilʋppa moma chi̱ miha li ka̱ ish haklashke; yʋmohmi hosh chishno, micha chim ʋlla chi akaiya aiena kʋt chin Chitokaka Chihowah itikba ya̱ achukma ho̱ micha ai ʋlhpiesa ho̱ ish yʋmihchikmʋt achukma hosh ish ma̱ha̱ya na biliashke.

Tutelonomi 22:7

Amba ik kaniohmi kia ishki ya̱ ish hikʋchi cha, ushi ya̱ ish isha hi oke: yʋmohmi hosh chim achukma cha, chi̱ nitak a̱ ish falaiachashke.

Tutelonomi 5:16

Chitokaka chin Chihowah yʋt chim achi tuk mak o̱, chi̱ki, micha chishki ya̱ ish holitoblashke; yʋmohmi ho̱ yakni Chitokaka chin Chihowah yʋt chima tok a̱ ish aiahanta he a̱ nitak ʋt chin lauashke, micha chim ai achukma̱kashke.

Tutelonomi 8:1

Anumpa ʋlhpisa puta himak nitak a̱ chim anumpo̱honli li ka̱ ithaiyanʋt ish yʋmihchashke, yʋmohmi hosh hʋchi okcha̱yashke, micha hʋsh apakna cha, Chihowah yʋt hʋchi̱ki ʋhleha ha̱ anumpa kʋllo im il onochi tok a̱ yakni yash chukowʋt hʋsh binilashke.

Tutelonomi 29:8

Mihmʋt i̱ yakni ya̱ il ishi cha, Lubenait micha Katait, micha Manasseh apelichi iklʋnna aiena kʋt i̱ yakni ya chi̱ ho̱ il ima tok.

Tutelonomi 30:16

Yohmi hosh himak nitak a̱ chin Chitokaka Chihowah ya̱ ish holitobli cha, i̱ hina ya̱ ish ai itʋnowʋt, im anumpa, micha i̱ nan ʋlhpisa bilia, micha im aiʋlhpesa yʋmi̱hinchi ya̱ ish ieshi cha, chi okchayʋt ish apaknʋcha he o̱ chi̱ miha lishke: mikma chin Chitokaka Chihowah yʋt yakni ya̱ ish isha chi̱ hosh yʋmma pilla ish ia ka̱ a chi yukpala hi oke,

1 Mi̱ko 3:14

Micha a̱ hina puta kak o̱ ish a̱ya cha a̱ nan ʋlhpisa puta, micha ʋm anumpa ʋlhpisa puta aiena ka ieshit, chi̱ki ʋt anoho̱wa tok mak o̱, chiyuhmit ish a̱yakma, nitak a̱ chi̱ falaiachi la chi̱ hoke, im achi tok.

2 Mi̱ko 17:37

Micha nan ʋlhpisa puta, micha nana akaniohmi ʋlhpesa puta, micha anumpa ʋlhpisa puta hʋchi̱ holissochi tok a̱ nitak moma ka ahah! ahnit hʋsh holitobla hi oke; micha chitokaka inla puta ka hʋsh i̱ nukwia he keyu hoke.

Atʋloa 37:9

Nan ik achukmo yʋmihchi ʋhleha hʋt hukofa chi̱ hoka̱: amba Chihowa ha̱ ho̱ho̱yo ʋhleha hʋto yakni ya̱ isha hi oke.

Atʋloa 37:11

Amba chu̱kʋsh akka̱losi ʋhleha hʋto yakni ya̱ iesha hi oke; micha nanah isht im ai achukma i̱ la̱wa kak osh isht ila yokpa hi oke.

Atʋloa 37:22

Chihowa hʋt yokpali tuk a̱ ʋhleha hokʋto yakni ya̱ iesha chi̱h, amba kʋlakshichi tuk a̱ ʋhleha hokʋto hukofa chi̱ hoka̱.

Atʋloa 37:29

Ai ʋlhpiesa ʋhleha hʋt yakni ya̱ ieshi cha, ai aha̱shwa na billia hi oke.

Atʋloa 37:34

Chihowa ha̱ ho̱ho̱yot i̱ hina ya̱ foiyukkʋt ish ma̱ha̱yashke; mikma̱ chi wakayachi na, yakni ya̱ ish iesha chi̱ hoke; hʋttak ik ʋlhpeso ʋhleha ha̱ ishit kanchi ka̱ na̱ yokpʋt ish pisa hi oke.