Tutelonomi 5:32 - Chahta Holisso Holitopa 1886

³² Yʋmohmi hoka, Chitokaka hʋchin Chihowah yʋt hʋchim apesa tuk mak o̱ hʋsh ithaiyana cha, hʋsh yʋmi̱hinchashke; fullotʋt naksika isht impakimma, micha ʋlhfʋbekimma pit hʋsh fullota he keyu hoke.

Tutelonomi 5:32 Iomraidhean Croise

2 Mi̱ko 17:37

Micha nan ʋlhpisa puta, micha nana akaniohmi ʋlhpesa puta, micha anumpa ʋlhpisa puta hʋchi̱ holissochi tok a̱ nitak moma ka ahah! ahnit hʋsh holitobla hi oke; micha chitokaka inla puta ka hʋsh i̱ nukwia he keyu hoke.

2 Mi̱ko 21:8

Micha yakni ya̱ i̱ki ʋhleha ima li tok ʋt himakma Islael iyi ya̱ a kohchit fulohlihinchi la he keyu hoke: peh nana im anumpohonli li tok moma, micha an tishu Moses ʋt im anumpohonli tok nan ʋlhpisa moma kak o̱ holitoblikmá, im achi tok.

2 Mi̱ko 22:2

Chihowa itikba ya̱ aiʋlhpiesa kak o̱ yʋmohmit, i̱ki Lewi ata̱ya moma kak o̱ a noho̱wa cha, naksika ishtimpakimma, keyukmʋt ʋlhfʋbekimma kanima ka pit ik fulloto tok.

Atʋloa 125:5

Amba i̱ hina shʋnayoa pit fulotoa yʋno, nan ik ʋlhpeso yʋmihchi ʋhleha hak o̱ awant ik iá, Chihowa hʋt im ahnashke. Nanah achukma kʋt Islael a̱ onuttoiyulashke.

Atʋloa 19:12

Ilap na̱ yusho̱ho̱ba kʋto kʋta hosh ʋkostinincha hinlah choh? na̱ yushoba luma putta ka̱ is sa̱ kʋshuffashke.

Atʋloa 80:19

Chitokaka Chihowa, nan u̱ha i̱ Chitokaka ma, ish pi falʋmmichashke; chi nʋsshuka ya̱ ish tohwikelechi na, pi okcha̱yashke.

Tutelonomi 11:32

Mikmʋt nan ʋlhpisa bilia moma, micha ai ʋlhpiesa yʋmihinchi himak nitak a̱ hʋchi tikba ya̱ takalichi ka̱ ithaiyanʋt hʋsh yʋmihchashke.

Tutelonomi 12:32

Nana ho̱ hʋchim ahanchi li tukma, ithaiyanʋt ish yʋmihchashke: ish iba fohka he keyu, micha ish ola taklʋcha he keyu hoke, achi tok.

Tutelonomi 17:11

Nan ʋlhpisa anumpa apesʋt chim abʋchi tuk mak o̱, micha anumpa ʋlhpisa chim anoli tuk mak o̱ ish yʋmihchashke: anumpa ʋlhpisa chim otʋninchi tuk a̱ fullotʋt isht impakma, keyukmʋt ʋlhfʋbekimma ish ia he keyu hoke.

Tutelonomi 17:20

Yʋmohmi hosh chu̱kʋsh ʋt ʋba takalit itibapishi ʋhleha ha̱ ik i̱ shahlo, micha anumpa hash naksika pit fullotʋt ishtimpakimma, keyukmʋt ʋlhfʋbekimma ik aiyo kashke: yʋmohmi hosh Islael ai itin takla ya̱, yʋmma micha im ʋlla ʋhleha aiena im apehliechika ieshi nitak falaiachashke. (achi tok.)

Tutelonomi 24:8

Leplosi ililli okpulo ya̱ ahah ish ahnashke, micha naholitompa isht asha ʋhleha Lefait ʋhleha hʋt nana moma ka̱ hʋchim abʋchi tuk mak o̱, achukmalit ithaiyanʋt ish yʋmihchashke: yʋmmak ash o̱ i̱ miha li tuk mak o̱ ithaiyanʋt ish yʋmihchashke.

Tutelonomi 28:14

Himak nitak a̱ chim anumpo̱honli li tuk a̱ anumpa kanima kia, i̱ filʋmmit naksi ka̱ ishtimpakimma, keyukmʋt ʋlhfʋbekimma, kanima kia iʋt naholbʋt toba iakaiyʋt ish aiokpʋcha he keyu hoke.

Tutelonomi 29:8

Mihmʋt i̱ yakni ya̱ il ishi cha, Lubenait micha Katait, micha Manasseh apelichi iklʋnna aiena kʋt i̱ yakni ya chi̱ ho̱ il ima tok.

Tutelonomi 6:17

Hʋchin Chitokaka Chihowah im anumpa ʋlhpisa puta, micha i̱ nan isht atokoli puta micha i̱ nan ʋlhpisa bilia aiena chim anumpuli tuk a̱ achunanchi hosh hʋsh ieshashke.

Tutelonomi 6:25

Mikma ilʋppa puta moma ka̱ pi̱ miha tok mak o̱, ithanʋt e yʋmi̱hinchikmʋt, pim ai ʋlhpiesaka ya chi̱ hatok oke, ish im achashke.

Tutelonomi 6:3

Yʋmohmi hoka Islael ma, ish haiyaklashke, micha ithaiyanʋt, ish yʋmihchashke; yʋmohmi hosh chi̱ki ʋhleha ha̱ in Chitokaka Chihowah yʋt achit, im issa tok mak o̱, yakni pishukchi micha foebila ayanahanli ya̱ aiasha apaknʋt isht i̱ shahli fehnʋt hʋsh ma̱ha̱yashke.

Tutelonomi 8:1

Anumpa ʋlhpisa puta himak nitak a̱ chim anumpo̱honli li ka̱ ithaiyanʋt ish yʋmihchashke, yʋmohmi hosh hʋchi okcha̱yashke, micha hʋsh apakna cha, Chihowah yʋt hʋchi̱ki ʋhleha ha̱ anumpa kʋllo im il onochi tok a̱ yakni yash chukowʋt hʋsh binilashke.

Choshua 1:7

Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.

Choshua 23:6

Yʋmohmi hoka kʋllot hʋchim anukfila fehna hosh Moses i̱ nan ʋlhpisa holisso ha̱ a holihi̱so ka mominchit holitoblit hʋsh yʋmihinchashke; yʋmohmi hosh shanaiyʋt naksika isht impak imma, micha ʋlhfʋbek imma kanima ka pit hʋch ik fulloto kashke.

2 Pita 2:21

Yohmi ka yʋmmak okʋt nan ai ʋlhpiesa hina ya̱ ik ithano hatuk mak osh im achukma kʋt yʋmma ithana cha, anumpa ʋlhpisa holitopa yʋt im anoho̱wa ha ya tuk osh i̱ filʋmmi kʋt, im i̱ shahla he atuk oka.