Tutelonomi 5:29 - Chahta Holisso Holitopa 1886

²⁹ Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 5:29 Iomraidhean Croise

Atʋloa 106:3

Nan ʋpesa tok a̱ hulittobli ʋhleha hʋt nittak aiyukali ka̱ ai ʋlhpiesa yʋmihchi ʋt na̱ yokpa hoke.

Atʋloa 19:11

Chi̱ tishu hak kia isht i̱ tohwikeli hoke; yʋmma̱ hulittobli kʋt isht im ʋlhtobah chito yoke.

Atʋloa 19:12

Ilap na̱ yusho̱ho̱ba kʋto kʋta hosh ʋkostinincha hinlah choh? na̱ yushoba luma putta ka̱ is sa̱ kʋshuffashke.

Atʋloa 78:7

Micha Chitokaka yak o̱ anukchieto cha, Chitokaka na̱ yʋmi̱hi̱chi tok a̱ ik im ʋhakso hosh, im ʋnnumpah ʋlhpisa putta ka̱ hulittoblit iesha he,

Atʋloa 81:16

“Onush nia i̱ shahli ak o̱ ipetah chatuk a̱ chohmit, foi bila tʋli chito ya̱ ai ishit kohchi ka̱ chiyuhmi hosh ishit chi fehubli la he tuk oke,” achishke.

Mahlu 23:37

Chelusalem, Chelusalem, hopaii ʋhleha ʋbi, micha auet chi̱ kanchi tuk ma tʋli ishit boli chia ma! aka̱ka yosh ushi ʋhleha ha̱ sinahchi nuta ya̱ pit ai itahobi chatuk mak o̱, chiyuhmit chim ʋlla ʋhleha ha̱ itahombi la he ahni li tuk nana kia, hʋchishno ak osh ʋlhpesa hʋch ik aiahno hokʋno.

ʋBanumpa Luk Ʋt Holissochi Tok 11:28

Yohmi kia yʋmmak ash ot, A̱hli, na‐yukpa aia̱hli kʋto Chihowa im anumpa ha̱ haklo cha, im antia hak oke, achi tok.

ʋBanumpa Luk Ʋt Holissochi Tok 19:42

Chishno akinli fehna kʋt a chi̱ nitak ilʋppa fehna kak kia nana isht chi ai yukpa he ai ʋlhpesa ka ish ithaiyana tok okbato; amba himak okʋno chi̱ holhponayo ha̱ ai in lumʋt kʋnia hoke.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

2 Kolinhlian 5:20

Yʋmohmi hoka Klaist ʋlhtobʋt im anumpa isht a̱ya pia hoke; yohmi ka pishno pulla hatuk mak o̱ Chihowa hʋt i̱ kanʋt hʋchim anumpohonli chiyuhmi ma; pishno mʋt Klaist ʋlhtoba hosh e hʋchim asilhha ka Chihowa ya̱ hʋsh i̱ nanaiyashke.

2 Kolinhlian 6:1

Yʋmohmi hoka pishno ʋt nan itiba toksʋli pia hosh, Chihowa nan isht i̱ kana hʋsh habena kʋt, pilla hʋsh habena chi̱ keyu ho̱ i̱ kanʋt hʋchin toho̱no li hoke.

Efeshan 6:3

Yohmi hosh chim achukmʋt hopaki ho̱ yakni paknaka ish ai ahantashke.

Tutelonomi 10:12

Yohmi ka̱ himak a̱ Islael ma, nanta ho̱ chin Chitokaka Chihowah yʋt chim ahoyo cho? amba chin Chitokaka Chihowah ya̱ i̱ nukwiʋt, i̱ hina moma ka̱ ano̱ho̱wa, micha holitoblit, micha chin Chitokaka Chihowah ya̱ chu̱kʋsh ai oklu̱hʋt, micha chi shilombish ai oklu̱hʋt isht ish im antia ho̱.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 11:1

Yʋmohmi hoka chin Chitokaka Chihowah ya̱ ish holitobli cha̱, chi̱ miha tok a̱, micha i̱ nan ʋlhpisa bilia, micha im ai ʋlhpiesa yʋmihinchi, micha im anumpa aiena ka̱ ish ieshi na, biliashke.

Tutelonomi 12:25

Ish pa he keyu hoke; yʋmohmi hosh Chihowah itikba ya̱ aiʋlhpiesa ho̱ ish yʋmohmikmʋt, chishno, micha chim ʋlla ʋhleha et chi akaiya aiena kʋt chim achukmashke.

Tutelonomi 12:28

Yohmi ahnit ish anukfilli cha, anumpa ilʋppa moma chi̱ miha li ka̱ ish haklashke; yʋmohmi hosh chishno, micha chim ʋlla chi akaiya aiena kʋt chin Chitokaka Chihowah itikba ya̱ achukma ho̱ micha ai ʋlhpiesa ho̱ ish yʋmihchikmʋt achukma hosh ish ma̱ha̱ya na biliashke.

Tutelonomi 19:13

Chi nishkin ʋt ik i̱ nukha̱klo kashke; amba nan okpʋni keyu issish hlatʋbli ya̱ Islael a̱ ai ishit ish kanchashke, yʋmohmi ho̱ aiʋlhpesʋt chi̱ ma̱ha̱yashke.

Tutelonomi 22:7

Amba ik kaniohmi kia ishki ya̱ ish hikʋchi cha, ushi ya̱ ish isha hi oke: yʋmohmi hosh chim achukma cha, chi̱ nitak a̱ ish falaiachashke.

Tutelonomi 4:10

Micha Holeb a̱ hʋchin Chitokaka Chihowah itikba ya̱ hʋsh hieli tok nitak fehna ka̱ hʋsh ithanashke; Chihowah yʋt ʋm achi mʋt, Okla ha̱ is sʋm ai itʋnahlashke, mikma ʋm anumpa ha̱ haklochi lashke, yohmi ho̱ nitak moma okcha̱yʋt yakni paknaka aiasha takla kʋt, a̱ nukwia he osh ithana cha, im ʋlla ʋhleha ha̱ im abʋchashke, achi tok.

Tutelonomi 4:2

Anumpa hʋchim apesa li tuk a̱ hʋsh ibafohka he keyu, micha hʋsh ola taklʋcha he keyu; yʋmohmi hosh hʋchin Chitokaka Chihowah i̱ nan ʋlhpisa puta hʋchim apesa li tuk a̱ hʋsh holitoblashke.

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 5:16

Chitokaka chin Chihowah yʋt chim achi tuk mak o̱, chi̱ki, micha chishki ya̱ ish holitoblashke; yʋmohmi ho̱ yakni Chitokaka chin Chihowah yʋt chima tok a̱ ish aiahanta he a̱ nitak ʋt chin lauashke, micha chim ai achukma̱kashke.

Tutelonomi 5:30

Ia cha, anonti hʋchi̱ bina im aiyukali hʋsh onashke, ont ish im achashke,

Tutelonomi 5:33

I̱ hina puta Chitokaka hʋchin Chihowah yʋt hʋchim api̱hi̱sa tuk mak o̱ hʋsh ai itanowa cha, hʋchi okcha̱yashke, micha hʋchim ai achukmashke, micha yakni hʋsh aiasha chi̱ ka̱, hʋsh aiasha kʋt nitak ʋt hʋchi̱ falaiashke, achi tok.

Tutelonomi 6:17

Hʋchin Chitokaka Chihowah im anumpa ʋlhpisa puta, micha i̱ nan isht atokoli puta micha i̱ nan ʋlhpisa bilia aiena chim anumpuli tuk a̱ achunanchi hosh hʋsh ieshashke.

Tutelonomi 6:18

Micha Chihowah itikba ya̱ nana ai ʋlhpiesa micha achukma kak o̱ ish yʋmihchashke; yohmi hosh hʋchim achukma̱kashke, micha yohmi hosh Chihowah yʋt chi̱ki ʋhleha ha̱ anumpa kʋllo ilonochit im issa tok yakni achukma ya̱ chukowʋt ish abinilashke,

Tutelonomi 6:3

Yʋmohmi hoka Islael ma, ish haiyaklashke, micha ithaiyanʋt, ish yʋmihchashke; yʋmohmi hosh chi̱ki ʋhleha ha̱ in Chitokaka Chihowah yʋt achit, im issa tok mak o̱, yakni pishukchi micha foebila ayanahanli ya̱ aiasha apaknʋt isht i̱ shahli fehnʋt hʋsh ma̱ha̱yashke.

Tutelonomi 8:6

Yʋmohmi hoka chin Chitokaka Chihowah im anumpa ʋlhpisa puta ish ieshi cha, i̱ hina puta ka̱ ano̱ho̱wa cha, ish i̱ nukwiashke.

Heblu 12:25

Ahah! ahnit yʋmmʋt anumpuli ka hʋch ik i̱ haponaklo ki ná. Yohmi ka yakni paknaka ai anumpuli ka ik i̱ haponaklo mʋt hlakofi tok keyu ka, yʋmmʋt ʋba a holitopa yak o̱ auet anumpohonli ho̱ il i̱ filʋmmi hokak heto, pi hlakofa he keyu fehna hoke:

Chemis 1:25

Amba kʋna hosh a yuka keyu nan ʋlhpisa a̱hli ka pihi̱sʋt achunanchi hokʋto, yʋmmʋt anumpa ha̱ peh haklot imi haksi keyu hatuk osh, amba holitoblit na toksʋli isht ahanta hokʋto, hatak mihi yosh yakohmit ahanta kʋt nan isht ilai yukpa hi oke.

Nan Otʋni 22:14

Kʋna hosh im anumpa ʋlhpisa puta ka holitobli hokʋto na yukpʋshke: yohmi hok mak osh iti ai okcha̱ya isht im ai ʋlhpiesa hosh okhissa ont a hlopullit tʋmaha chito yash chukowa chi̱ hoke.

Luth 3:1

Mihma ipokni Naomi ʋt, Sʋsotek ma! nana chim ai achukma hi a̱ afoha chi̱ hoyo la he keyu cho?