Tutelonomi 5:26 - Chahta Holisso Holitopa 1886

²⁶ Hatak nipi moma ka̱ kʋta hosh Chihowah okcha̱ya yosh luak iklʋnna et ai anumpohonli na haklo pishno chohmi mʋt okcha̱ya chatuk atuma?

Tutelonomi 5:26 Iomraidhean Croise

Genesis 32:31

Atuk osh Penuel a̱ hlopullit ia ma, hʋshi ʋt kohchʋt on tommi tok; mihma iyubi ya̱ ishit shaiiksheli hosh nowa tok.

Genesis 6:12

Atuk o̱ Chitokaka yʋt yakni ya̱ et pisa tok, mihma yakeh! okpulo tok; nipi moma kʋt yakni paknaka ya̱ ai il aiokpʋnit tahli hatuk oka.

Atʋloa 42:2

Ʋmish shilombish ʋt itukshi̱hi̱lʋt Chitokaka, Chitokaka okcha̱ya ya̱ ho̱ho̱yoshke; kʋtiohmikmak o̱ Chitokaka im itikba ile hayakʋchit ona la hinlah choh?

Atʋloa 42:3

Nittak moma ka̱, “Chi̱ Chitokaka mʋto?” a̱ha̱chih ma̱, nittak micha ninak aiena ka̱ sʋ nishkin okchi ʋt ʋm ilhpak atuk oke.

Atʋloa 84:2

Chihowa i̱ wanuta putta ka̱ ʋmish shilombish ʋt i̱ pʋllatakmʋt, im ielli hak inli hoke; sʋ chu̱kʋsh micha sʋ haknip aienah mʋt Chitokaka okcha̱ya ya̱ pit i̱ tahpa̱ha̱lʋshke.

Eksotʋs 20:22

Mihma Chihowah yʋt Moses a̱, Yakohmichit Islael im ʋlla ʋhleha ha̱ ish im achashke. Ʋba et a hʋchim anumpule li ak inli ka̱ hʋsh pi̱sa tuk oke.

Mahlu 26:63

Yohmi kia Chisʋs ʋt nana ik acho ki tok. Mihma na holitompa isht a̱sha pehlichi i̱ shahli ʋt anumpuli mʋt, Chishno ak osh Klaist Chihowa Ushi chia hatuk okmʋt, keyukma nana hatuk okmʋt, ish pim anola he mak o̱ Chihowa okcha̱ya pulla ka isht a chim apesa lishke, im achi tok.

Apostel isht Anumpa 14:15

Hatak puta ma! na katihmi ho̱ hʋchi yakohmi cho? Pishno ak kia hatak hʋchishno chohmi pia hoke, mih hosh nan ik ahobo yakohmi ka ai i̱ filʋmmit, Chihowa okcha̱ya, ʋba shutik, micha yakni, micha okhʋta, micha nana puta, yʋmma ai aha̱shwa ka aiena ikbi tok a̱, hʋsh im ona he mak o̱, e hʋchim anumpohonli hoke.

Loman 3:20

Yʋmohmi hoka nan isht ai ʋtta ʋba nan ʋlhpisa yʋt ai ahni kak o̱ hatak nana kia itikba ya̱ ai ʋlhpiesa he keyu hoke; yohmi ka ʋba nan ʋlhpisa yak o̱ ai ashʋchika ya̱ isht ithʋna yoka.

2 Kolinhlian 6:16

Yohmikma Chihowa in tempel ʋt na holbʋt toba puta ka nanta ho̱ isht ai it ibai achʋfa ho̱? Chihowa okcha̱ya in tempel hʋchia hoka; yohmi ka Chihowa hʋt, Yʋmmak oka ai ahanta la chi̱, mikmʋt a noho̱wa la chi̱: yohmi cha in Chihowa sia hokma, anonti ilap ʋt ʋm okla ha chi̱ hoke, achi tok oka.

Tutelonomi 4:33

Okla hʋt himonna kia hʋsh haklo tuk a̱ chohmit Chitokaka yʋt luak iklʋnna ho̱ et im anumpo̱honli na, haklo mʋt okcha̱ya tuk oh cho?

Tutelonomi 5:27

Chishno ak osh bili̱ka ish ona cha, Chitokaka pin Chihowah yʋt nana achi moma ka̱ ish haklashke; micha Chitokaka pin Chihowah yʋt nana chim achi moma ka̱ ish pim anumpulashke; mikma e haklo cha, e yʋmihchashke, hʋs sʋm achi tok.

1 Hlessalonian 1:9

Micha yʋmma chohmi puta kak osh pi anoli kʋt, kaniohmit e hʋch iba chukowa tok; micha kaniohmit Chihowa a̱hli okcha̱ya ya̱ hʋsh im antia chi̱ hosh, na holba ya̱ i̱ filʋmmit Chihowa hʋsh im ona tuk a̱ anoli hoke.

Choshua 3:10

Mihmʋt Choshua ʋt Ilʋppa yakohmi kak o̱ Chihowa okcha̱ya yʋt hʋch ibatakla ahanta cha, nana ka ik ai onancho keyu hosh Kenanait ʋhleha micha Hitait ʋhleha, micha Pelesait ʋhleha micha Kikashait ʋhleha, micha Amolait ʋhleha, mikmʋt Chebusait ʋhleha aiena ka hʋchi tikba ya̱ tihlelit kocha wehla chi̱ ka isht hʋsh ithaiyana chi̱ hoke.

Nan Apesa 13:22

Mihma Manoah ʋt tekchi ya̱, Pilli pulla chi̱ hoke, Chitokaka ya̱ e pisa hokʋt, im achi tok.

1 Samuel 17:26

Mihma Lewi ʋt hatak bili̱ka hieli tuk a̱ im anumpuli mʋt, Hatak kʋna hosh Filistin ilʋppa ʋbi cha, Islael ishit hofahya ka ishit kanchikma, i̱ katiohma chi̱ cho? Filistin hatak hakshup ik tapo ilʋppʋt kʋta hatuk osh Chitokaka okcha̱ya in tʋshka chipota ya̱ pa̱fa hinla cho? achi tok.