Tutelonomi 5:25 - Chahta Holisso Holitopa 1886

²⁵ Yʋmohmi hoka nanta katiohmi ho̱ himak a̱ pilla hinla cho? luak chito ilʋppʋt hukmit pi tahla chi̱ hoke. Himak ma Chitokaka pin Chihowah im anumpa ha̱ e haklokmʋt pilla chi̱ hoke.

Tutelonomi 5:25 Iomraidhean Croise

Genesis 3:10

Mihma Osapushi ya̱ chim anumpa ha̱ a haiyaklo li mʋt, sa nipi bano hatuk osh, sa nukshopa cha, luma li tuk oke, achi tok.

Eksotʋs 20:18

Mihma okla moma kʋt hiloha, micha hʋshukmʋlli, micha ishtpu̱fa falaia ʋt ola, micha nʋnih hʋt shobulli aiena ka̱ pisa tok; micha okla hʋt pisa mʋt, kanʋllit hopaki ho̱ hieli tok.

Eksotʋs 20:19

Micha Moses a̱, Chishno ak osh ish pim anumpulikma e haklashke; amba Chihowah yʋt ik pim anumpulo kashke, pilli yoba ná, im achi tok.

Kaleshan 3:10

Ʋba nan ʋlhpisa anukchieto aiyuka hokʋto, na hotopa anumpa hʋt onʋtonla bieka hoka: holisso kʋt, Kʋna kia ʋba nan ʋlhpisa holisso atakali puta ka achunanchit ik im antio aiyuka hokʋno, na hotopa anumpa hʋt onʋtuyula hoke achi hoka,

Tutelonomi 18:16

Holeb a̱ itʋnahʋt ish aiasha nitak mʋt, chin Chitokaka Chihowah ya̱ ish im ahni moma kʋt, An Chitokaka Chihowah itih ha̱ anonti ak haklo kashke, micha himakma luak chito ilʋppa ak peso kashke, yʋmohmi hosh ik sʋllo kashke, ish achi tok.

Tutelonomi 18:17

Mihma Chihowah yʋt, Anumpuli kʋt, ʋlhpesa ho̱ anumpulishke, ʋm achi tok.

Tutelonomi 33:2

Micha Chihowah yʋt Sinai a minti tok, micha Sei yak o̱ i̱ wakaya tok, Palan nʋnih hak o̱ atohwikelit et a kohcha tok: micha saint ʋhleha tahlepa sipokni pokoli ho̱ pehlichit ʋla tok: ibbak isht impakimma ya̱ nan ʋlhpisa libbi ʋt ʋttʋt ia tok.

Tutelonomi 5:24

Micha, Yakeh, pin Chitokaka Chihowah yʋt im aholitopa, micha nan isht im aia̱hli ataha iksho pi pesʋchi hoke; mikma luak iklʋnna ya̱ im anumpa ha̱ il a ha̱ha̱klo tuk oke; Chitokaka yʋt hatak a̱ im anumpuli kia okcha̱ya hinla ka̱ himak nitak a̱ e pisʋshke.

Heblu 12:19

Yohmi kʋt isht‐pu̱fa yʋt ohonla, micha anumpa ʋlhpisa puta isht anumpohonli ma, yʋmma okla hʋt haiyaklo mʋt, anumpa yʋmmʋt himmakma ilap a̱ isht ik im anumpo ka chi̱ ka asilhha tok:

Heblu 12:29

Pin Chihowa yokʋt luak nan okpʋnit kahanchi yoka.