Tutelonomi 5:24 - Chahta Holisso Holitopa 1886

²⁴ Micha, Yakeh, pin Chitokaka Chihowah yʋt im aholitopa, micha nan isht im aia̱hli ataha iksho pi pesʋchi hoke; mikma luak iklʋnna ya̱ im anumpa ha̱ il a ha̱ha̱klo tuk oke; Chitokaka yʋt hatak a̱ im anumpuli kia okcha̱ya hinla ka̱ himak nitak a̱ e pisʋshke.

Tutelonomi 5:24 Iomraidhean Croise

Genesis 32:30

Mihma Chekob ʋt yakni yʋmma hohchifo ha̱ Penuel achi tok: Chitokaka ya̱ nashuka iti̱ sanalit pisa lish si okcha̱ya moma hokʋt, achi hatok.

Genesis 32:31

Atuk osh Penuel a̱ hlopullit ia ma, hʋshi ʋt kohchʋt on tommi tok; mihma iyubi ya̱ ishit shaiiksheli hosh nowa tok.

Eksotʋs 19:19

Atuk o̱ ishtpu̱fa falaia ola kʋt falaiʋt chitoli kʋt isht i̱ shahlit ma̱ha̱ya ma, Moses ʋt anumpuli ma Chitokaka yʋt anumpa ha̱ isht im afalaminchi tok.

Eksotʋs 20:22

Mihma Chihowah yʋt Moses a̱, Yakohmichit Islael im ʋlla ʋhleha ha̱ ish im achashke. Ʋba et a hʋchim anumpule li ak inli ka̱ hʋsh pi̱sa tuk oke.

Eksotʋs 33:20

Micha, Sa nashuka ya̱ ish pisa he keyu hoke, hatak nana hosh sa pesa cha, okcha̱ya he keyu hoka, achi tok.

Numbas 14:14

Micha yakni ilʋppa okla aiasha ka̱ im anola chi̱ hoke: Chihowah chia hʋt okla ilʋppa ish iba foyuka ka̱ ha̱klo tuk, Chihowah ya̱ nashuka bi̱ka iti pi̱sa tuk, chi̱ hoshonti hʋt o̱ wakayʋt hikia tuk, nitak ma hoshonti toni̱k, atuk osh ninak ma luak toni̱k o̱ isht ish pehlichi ka̱ ha̱klo tok oka.

Tutelonomi 32:3

Chihowah hohchifo kak o̱ anoli la chi̱ hokʋt; pin Chitokaka yo̱ isht a holitopa ya̱ hʋsh imashke.

Tutelonomi 4:33

Okla hʋt himonna kia hʋsh haklo tuk a̱ chohmit Chitokaka yʋt luak iklʋnna ho̱ et im anumpo̱honli na, haklo mʋt okcha̱ya tuk oh cho?

Tutelonomi 5:23

Atuk o yakohmi tok ai okhlilika iklʋnna ya̱ et ai anumpa na ish haklo mʋt, (nʋnih hʋt luak ishit lua tuk oka,) yohmi ma hʋchim apehlichika noshkoboka ʋhleha, micha hʋchim asʋnonchi ʋhleha aiena kʋt a̱ bili̱ka hʋshla tok.

Tutelonomi 5:25

Yʋmohmi hoka nanta katiohmi ho̱ himak a̱ pilla hinla cho? luak chito ilʋppʋt hukmit pi tahla chi̱ hoke. Himak ma Chitokaka pin Chihowah im anumpa ha̱ e haklokmʋt pilla chi̱ hoke.

Nan Apesa 13:22

Mihma Manoah ʋt tekchi ya̱, Pilli pulla chi̱ hoke, Chitokaka ya̱ e pisa hokʋt, im achi tok.