Tutelonomi 5:22 - Chahta Holisso Holitopa 1886

²² Anumpa ilʋppa puta kak o̱ Chihowah yʋt chim okla moma ka̱ nʋnih ha̱, luak, micha hoshonti, micha okhlili sukko ka̱ ai iklʋnna chitoli hosh et ai im anumpohonli tok; mihmʋt himakma ik achakalo tok, Mihmʋt tʋli patʋssa tuklo ho̱ ai o̱holissochi cha, sʋbbak fohki tok.

Tutelonomi 5:22 Iomraidhean Croise

2 Mi̱ko 17:37

Micha nan ʋlhpisa puta, micha nana akaniohmi ʋlhpesa puta, micha anumpa ʋlhpisa puta hʋchi̱ holissochi tok a̱ nitak moma ka ahah! ahnit hʋsh holitobla hi oke; micha chitokaka inla puta ka hʋsh i̱ nukwia he keyu hoke.

Eksotʋs 20:21

Mihma okla hʋt hopaki ho̱ hieli tok, mihma Moses ʋt okhlili sukko Chitokaka yʋt abinili ka̱ bili̱ka ia tok.

Eksotʋs 24:12

Mihma Chihowah yʋt Moses a̱, Nʋnih ha̱ oiyʋt is sʋm ʋlashke, micha yʋmmak o̱ ish antashke, mikma nanʋlhpisa, micha anumpa ʋlhpisa holissochi li tuk ʋt tʋli patʋssa chima lashke; yʋmohmi ka̱ ish im abʋchashke, im achi tok.

Eksotʋs 31:18

Atuk osh Moses a̱ Sinai nʋnih paknaka ai im anumpuli tuk ʋt ont tahli mʋt, nan ʋlhpisa patʋssa tuklo tʋli patʋssa Chitokaka ibbak ushi yosh ai o̱ holissochi yo̱ ima tok.

Tutelonomi 4:33

Okla hʋt himonna kia hʋsh haklo tuk a̱ chohmit Chitokaka yʋt luak iklʋnna ho̱ et im anumpo̱honli na, haklo mʋt okcha̱ya tuk oh cho?

Tutelonomi 4:36

Micha hʋsh ithaiyana chi̱ hosh im anumpa ha̱ ʋba pit a chi haklochi tuk oke: micha yakni paknaka in luak chito chi pesʋchi tuk oke; mihma im anumpa luak iklʋnna minti ka̱ ish haklo tuk oke.

Tutelonomi 5:23

Atuk o yakohmi tok ai okhlilika iklʋnna ya̱ et ai anumpa na ish haklo mʋt, (nʋnih hʋt luak ishit lua tuk oka,) yohmi ma hʋchim apehlichika noshkoboka ʋhleha, micha hʋchim asʋnonchi ʋhleha aiena kʋt a̱ bili̱ka hʋshla tok.

Tutelonomi 5:4

Chihowah yʋt nashuka iti̱ sanali hosh nʋnih ha̱ luak iklʋnna et hʋchim ai anumpohonlit,

Heblu 12:18

Yohmi ka nʋnih yʋmma potola hinla, micha luak isht luhu̱wa, hoshonti lusa, micha okhlilika, micha apeli chinto aiena ho̱ hʋsh ona keyu,