Tutelonomi 5:21 - Chahta Holisso Holitopa 1886

²¹ Micha chin chuka a bili̱ka hatak tekchi ya̱ ish ahni na, micha chin chuka a bili̱ka hatak in chuka, im osapa, keyukmʋt in tishu hatak, keyukmʋt in tishu ohoyo, i̱ wak toksʋli, im issuba nashoba, keyukma nana kia chin chuka a bili̱ka hatak immi hokma, hʋchik im anushkunno kashke, ahanchi tok.

Tutelonomi 5:21 Iomraidhean Croise

2 Samuel 11:2

Atuk o̱ yakohmi tok, opiʋt isht ia ho̱ Lewi ʋt topa itonla tuk osh tani cha, mi̱ko in chuka isht holmo ya̱ a nowa tok: atuk osh chuka isht holmo ya̱ o̱ hikia hosh ohoyo hʋt il achifa hosh anta na pit pisa tok; mihma ohoyo hash osh pisa ka aiokli fehna tok.

Eksotʋs 20:17

Chin chuka a bili̱ka hatak in chuka ya̱ ish anushkunna ná: chin chuka a bili̱ka hatak tekchi, micha in tishu, micha in tishu ohoyo, i̱ wak toksʋli, micha im issuba haksobish falaia, micha nana hosh chin chuka a bili̱ka hatak a̱ immi hokma ish anushkunna ná, achi tok.

ʋBanumpa Luk Ʋt Holissochi Tok 12:15

Mihmʋt, Ahah! hʋsh aiahni cha, nan in laua bʋnna ya̱ hʋch ik ahalaiyo kashke: hatak ʋt nana kʋt laua ho̱ il aieshi kak o̱ im ilhfiopak ʋt takali ho̱ keyu hoke, im achi tok.

Loman 13:9

Yohmi ka, Chik it in luma̱ko kashke, Chik bo kashke, Chik hu̱kopo kashke, Chik aholʋbecho kashke, Chik anushkunno kashke; micha nan ʋlhpisa inla kʋt takanli hokmʋt, anumpa kanomosi, Chin chuka panta hatak a̱ ish i̱ hullo kʋt, chishno ish il i̱ hullo kak i̱ chiyuhmashke, achi ilʋppak o̱ fo̱ka hoke.

Heblu 13:5

Nana hʋsh it i̱ kakiohmi kʋt nana it im anushkunna kʋt ik hʋchim iksho kashke; micha nana kaniohmi hosh hʋchim a̱sha hokmʋt isht hʋchim ʋlhpiesashke; yʋmmʋt, Chissʋt ia la himma keyu, micha hʋchi kanchi la himma keyu, ahanchi tok oka.