Tutelonomi 5:15 - Chahta Holisso Holitopa 1886

¹⁵ Micha chishno yak kia Echip yakni ya̱ tishu chia ha tok, atuk o̱ Chitokaka chin Chihowah yʋt ibbak kʋllo, micha shakba ashatapa hosh yʋmma chi kohchi tok a̱ ish ithaiyanashke: yʋmohmi hatuk osh Chitokaka chin Chihowah yʋt nitak hullo nitak a̱ ish holitobla he a̱ chim apesa tok oke.

Tutelonomi 5:15 Iomraidhean Croise

Genesis 15:13

Mihma Eblam a̱, Chim ishtatiaka yʋt okla inla yosh i̱ yakni keyu ka̱ aiasha cha, i̱ yuka hosh a̱ha̱shwa he ya̱ ish ithana pullashke: mikma afʋmmi tahlepa ushta ho̱ ilbʋsha̱hancha hi oke.

Genesis 19:16

Atuk o̱ sʋlaha ma, hatak ash osh ibbak a̱ halʋlli mʋt, tekchi ibbak a̱ halʋlli mʋt, ushetik tuklo ibbak a̱ halʋllit okla tok: Chihowa yʋt i̱ nukha̱klo hatuk o̱; micha tʋmaha holihta ya̱ ishit kohchit hilechit okla tok.

Atʋloa 116:16

Omeh is sʋm ahnashke, Chihowa ma; chi̱ tishuh sia hoka̱: chi̱ tishuh ohoyoh ushi, chi̱ tishuh sia hoke; ishit sʋ tʋllakchi putta ka̱ is sa̱ hutuffi tuk oke.

Atʋloa 136:12

Ibbak kʋllo ho̱, micha shakba ʋba pit ishit wieli hosh ishit kohchi tok a̱ yakoke hʋsh im achashke; im isht i̱ hullo yʋt abillia yoka̱.

Eksotʋs 13:14

Atukma yakohma hi oke, Nitak himak minti ka̱ chiso hʋt chim ponaklot, Ilʋppʋt nanta hoh cho? achikma, Chihowah yʋt ibbak hlampko hosh pehlichit Echip yakni, micha aboha ayuka ha̱ pi kohchi tok oke.

Eksotʋs 13:16

Atuk o̱ nanisht atokowa yosh chibbak a̱ lapala he, micha itikba takali yosh chi nishkin iti takla ya̱ takala hi oke; ibbak hlampko hosh Chihowah yʋt pehlichit Echip a̱ pi kohchi tok oke.

Eksotʋs 13:3

Mihma Moses ʋt okla ha̱, Himak nitak ak o̱, Echip, micha aboha ayuka hʋsh kucha tok ʋt hʋsh ithaiyanashke; ibbak hlompko hosh Chihowah yʋt ilʋppa a hʋchi kuchi tuk oke, pʋska shatʋmmi ya̱ ʋpa he keyu hoke.

Eksotʋs 13:9

Mikma nan ishtatokowa yosh chibbak a̱ lapala chi̱, micha ishit hʋsh ithana bilia yosh hʋchi nishkin ititakla ya̱ takala chi̱ hoke; yʋmohmi ho̱ Chihowah i̱ nanʋlhpisa hʋt hʋch itih ha̱ foyuka chi̱ hoke; Chihowah yʋt ibbak hlampko hosh pehlichit Echip a̱ hʋchi kuchi tuk oke.

Eksotʋs 20:11

Nitak hannali ho̱ Chihowah yʋt ʋba, micha yakni, okhʋta, micha nana yʋmma aiasha moma ka̱ ikbi cha, nitak isht untuklo ka̱ foha tok oke; yʋmohmi ha tuk osh Chihowah yʋt nitak hullo nitak a̱ holitoblichi cha, hullochi tok oke.

Eksotʋs 6:6

Yʋmohmi hoka Islael im ʋlla ʋhleha ha̱, Chihowah sia hoke, micha Echip okla hʋt naweki hʋchi onochi tuk a̱ a hʋchi kohchi la chi̱ hoke, micha hʋchi yukachi tuk a̱ hʋchi hlakoffichi la chi̱ hoke; micha shakba wieli hosh, micha napalʋmmi chinto onochi hosh hʋchi kohchit isht hʋchi hlakoffichi la chi̱ hoke.

Tutelonomi 15:15

Micha hatak yuka hosh Echip yakni ya̱ ish ahanta tuk o̱, chin Chitokaka Chihowah yʋt falʋmminchit chi hlakofichi tok a̱ ish ithaiyanashke: yʋmohmi kak o̱ himak nitak a̱ nana ilʋppa mihʋt chim ahanchi lishke.

Tutelonomi 16:12

Micha Echip a̱ hatak yuka hosh ish aiahanta tuk ʋt ish ithaiyanashke: micha nan ʋlhpisa bilia ilʋppa puta ka̱ ithaiyanʋt, ish yʋmihchashke.

Tutelonomi 26:8

Micha Chihowah yʋt ibbak kʋllo hosh, micha shakba ashatapa hosh, micha palʋmmi chito hosh micha nan ishtatokowa, micha na fehna yʋmi̱hinchit pi pehlichit Echip a̱ kohchi tok.

Tutelonomi 5:6

Ʋno ak osh chin Chitokaka Chihowah sia hosh, Echip yakni, micha aboha a yuka chi pehlichit a kohchi li tok oke.

Tutelonomi 9:12

Mihma Chihowah yʋt, Wakaya cha tu̱shpʋt ilʋppa ʋttʋt ish akowashke; chim okla Echip a̱ pehlichit ish kohcha kash osh ile litehlishke; chekosi i̱ miha li kash hina ya̱ kohchʋt fullotʋt naksika iʋshke; bilʋt akmot na holbʋt toba ikbishke, im achi tok.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.