Tutelonomi 5:14 - Chahta Holisso Holitopa 1886

¹⁴ Amba nitak isht untuklo hokʋto Chitokaka chin Chihowah i̱ nitak hullo yoke: yʋmmak okʋno chishno, micha chiso, micha chiso tek, micha hatak chin tishu, micha ohoyo chin tishu, micha chi̱ wak toksʋli, micha chim issnba nashoba, micha chi̱ nan ʋlhpoa nana kia, micha hatak ik ithano yosh chi̱ holihta okhissa chi̱ hikia kia na pilesa nana kia yʋmihcha he keyu; yʋmohmi ho̱ hatak chin tishu, micha ohoyo chin tishu aiena kʋt chishno ak inli chohmit fohashke.

Tutelonomi 5:14 Iomraidhean Croise

Genesis 2:2

Mihma nitak ont isht untuklo ma Chitokaka yʋt natoksʋli ikbi tuk ʋt atahli tuk atok: micha nitak ont isht untuklo ma natoksʋli moma isht ahanta tuk ʋt foha tok.

Eksotʋs 23:12

Nitak hannali ho̱ chi̱ pilesa ha̱ ish yʋmihchashke; atuk osh nitak isht untuklo ka̱ ish fohashke; yʋmohmi ho̱ chi̱ wak, micha chim issuba nashoba, micha chi̱ yuka ohoyo ushi, micha okla inla aiena kʋt fohashke.

Lefitikʋs 23:3

Nitak hannali ho̱ natoksʋli ʋt ʋlhtaha hi oke: amba nitak isht untuklo kʋto nitak hullo afoha aiitʋnaha holitopa yoke: yʋmmak oka natoksʋli nana kia hʋsh yʋmihcha he keyu hoke; hʋsh aiasha moma ka̱ Chihowah i̱ nitak hollo ya hi oke.

Mark i̱ Holisso 2:27

Mihmʋt nitak‐hullo ʋt hatak ak o̱ im ʋlhpisa a tok: hatak ak osh nitak‐hullo ak o̱ im ʋlhpisa tok keyushke.

ʋBanumpa Luk Ʋt Holissochi Tok 23:56

Mihmʋt falamʋt ilhkoli cha, na‐balama, micha nan‐ahama aiena ka atahlit ma̱ya tok: mihmʋt anumpa ʋlhpisa yoka nitak hullo yokʋno foha tok.

Tutelonomi 5:13

Nitak hannali ho̱ ish toksʋli cha, chi̱ na pilesa moma ka̱ ish yʋmihchashke.

Heblu 4:4

Ilap ʋt yakohmichit nitak isht untuklo ka ai atokowa kanima ka isht anumpuli tok: yohmi kʋt Chihowa hokʋt ilap a toksʋli puta hoka ataiyahli kak osh nitak isht untuklo hokʋno foha tok.