Tutelonomi 5:10 - Chahta Holisso Holitopa 1886

¹⁰ Micha tahlepa sipokni hoh kia sa holitobli cha, ʋm anumpa ha̱ ʋm anti̱hi̱ya ya̱ i̱ nukha̱klo li hoke.

Tutelonomi 5:10 Iomraidhean Croise

Atʋloa 103:17

Amba Chihowa im isht i̱ hullo yʋt i̱ nukshopa ʋhleha ha̱ onuttoiyula kʋt abillia tok osh abillia hi oke, micha nan im ai ʋlhpiesa yʋt ushi ʋhleha ha̱ im ʋlla yak kia onʋt onuttoiyula kʋt,

Eksotʋs 20:5

Aka ish im akahchunoli, micha ish aiokpʋcha he keyu hoke, Chin Chitokaka Chihowah sia hʋt Chitokaka nukta̱ha̱hla sia hosh i̱ki ʋhleha nanashʋchi tuk a̱ im ʋlla ʋhleha ai itishali ont atuchina, micha ont ai ushta kia a̱ nukkilli ka̱ im a̱ya li hoke.

Eksotʋs 34:7

Tahlepa sipokni hoh kia i̱ nukha̱klot bilia, ik ʋlhpieso, micha anumpa kobʋffi, micha aiashʋchi aiena ka̱ i̱ kashofi, micha anumpa hʋt onʋtola he ʋlhpesa ya̱ hlakoficha he keyu, i̱ki puta ik ai ʋlhpeso atuk mak o̱ im ʋlla ʋhleha puta ka̱, micha ʋlla ʋhleha hash im ʋlla ʋhleha ai iti shali ont atuchina, micha ont ai ushta kia im a̱ya yoke, achi tok.

Numbas 14:18

Chihowah yʋt nuktaiyala na hopaki, micha isht i̱ nukha̱klo ʋt chinto hosh, nan ashʋchi micha yoshoba ya̱ i̱ kashoffi, micha nan ashʋchi im a̱hli ya̱ hlakoffichi keyu, micha i̱ki ʋhleha nan ashʋchi tuk a̱ im ʋlla ʋhleha ai iti shali ont atuchina, micha ont ai ushta hoh kia, nana palʋmmi ish onocha he ish miha tok mak osh, an Chihowah nan isht im aia̱hli ʋt chitashke.

Chan 14:15

Hʋs sa̱ hullo hokmʋt, ʋm anumpa ʋlhpisa puta ka hʋsh holitoblashke.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

Loman 8:28

Yohmi ka nan oklu̱ha hokʋt Chihowa i̱ hullo ʋhleha, ilap nan ai ahni tok pulla mak o̱ ʋlhtoho̱ka tok ʋhleha hokʋto, isht im ai achukma he mak o̱ it ibai toksahanli ka il ithaiyanʋshke.

Kaleshan 5:6

Chisʋs Klaist imma hokʋno hakshup tʋpa yokmá, hakshup ik tapo yokmá, nana hoh kia nana a kanihma he keyu hoke; amba ai yimmi ka i̱ hullo isht atoba yak oke.

Tutelonomi 4:40

Yʋmohmi hoka i̱ nanʋlhpisa bilia, micha im anumpa puta himak nitak a̱ chim anumpo̱honli li puta ka̱ ish ieshashke: yʋmohmi ho̱ chishno micha chim ʋlla ʋhleha et chi akaiya aiena kʋt chim achukma̱kʋt ma̱ha̱yashke; micha chin Chitokaka Chihowah yʋt yakni chima tok a̱ ish aiasha kʋt nitak ish falaiachi na, biliashke, achi tok.

Tutelonomi 7:12

Yʋmohmi kak o̱ yakohma hi oke, aiʋlhpiesa yʋmi̱hinchi ilʋppa puta ka̱ haklot hʋsh ieshi cha, hʋsh yʋmi̱hinchikma, chin Chitokaka Chihowah yʋt chi̱ki ʋhleha anumpa kʋllo im ilonochi tok ʋt nan itim apesa, micha isht i̱ nukha̱klo aiena ka̱ hʋchim iesha hi oke.

Tutelonomi 7:9

Yʋmohmi hoka ish ithaiyana, Chihowah chin Chitokaka ak osh Chitokaka, micha Chitokaka aia̱hlichi ʋt holitobli cha, im anumpa ha̱ ieshikma, nan itim apesa, micha nan isht i̱ nukha̱klo ya̱ ai iti shali tahlepa sipokni hoh kia im iesha hi oke.

Chemis 1:25

Amba kʋna hosh a yuka keyu nan ʋlhpisa a̱hli ka pihi̱sʋt achunanchi hokʋto, yʋmmʋt anumpa ha̱ peh haklot imi haksi keyu hatuk osh, amba holitoblit na toksʋli isht ahanta hokʋto, hatak mihi yosh yakohmit ahanta kʋt nan isht ilai yukpa hi oke.

Choshua 22:5

Yohmi kia ahah! ahni fehnʋt, nan ʋlhpisa puta Chihowa in tishu Moses ʋt atokolit hʋchi̱ miha kʋt, Chitokaka hʋchin Chihowa ya̱ holitoblit, ai ahni bieka ho̱ anoho̱wʋt, nan apihi̱sa puta ka ieshit, micha asitiʋt, micha chu̱kʋsh aioklu̱hʋt, micha shilombish aioklu̱hʋt hʋsh im antiashke, ahanchi tok a̱ hʋsh im antihi̱yashke, im achi tok.

1 Chan 1:7

Amba yʋmmak okʋt atohwikelika yo̱ anta hoka, pishno ʋt atohwikelika yo̱ il itʋnowa hokmʋto, iloh it ibai achʋfa. Yohmikma Ushi Chisʋs Klaist im issish ʋt nan ai ashʋchika ya̱ mominchit a hʋpi kashofi hoke.