Tutelonomi 4:8 - Chahta Holisso Holitopa 1886

⁸ Micha oklushi nanta hak osh holitopa kʋt yakohmi cha, nan ʋlhpisa, micha aiʋlhpiesa yʋmihchi aiena kʋt ʋlhpesa fehna, nan ʋlhpisa ilʋppa moma himak nitak a̱ chi tikba hilechi li ka̱ chohmi kʋt in tonla hotuma?

Tutelonomi 4:8 Iomraidhean Croise

Atʋloa 119:138

Nan isht chim ai ʋlhtukkoa putta ka̱, ai ʋlhpiesah micha ai a̱hlih fehna ho̱ ish ʋpesa tuk oke.

Atʋloa 119:144

Nan isht chim ai ʋlhtukkoa putta kʋt ai ʋlhpesa billia yoka̱, is sʋ nukfohki na si okcha̱yashke.

Atʋloa 119:160

Chim ʋnnumpah nushkuboka yʋt aia̱hlika yoke; micha nan ai ʋlhpiesa ish ai apesa aiyuka kʋt abillia hoke.

Atʋloa 119:86

Chim ʋnnumpah ʋlhpisa putta kʋt momʋt ai a̱hli yoke; ai a̱hlih keyu ho̱ a̱ pʋllʋmmechi hoka̱, is si ʋpelashke.

Atʋloa 119:96

Chim ʋnnumpah ʋlhpisa yʋto ʋwatah fehna hoka̱, nan ʋlhtaiyaha moma kʋt ont ai ʋlhi ka̱ pisa lih chatuk oke.

Atʋloa 89:14

Ai ʋlhpiesa ʋpesa yʋt chim ai o̱ binili hulittopa a hikkia yoke; isht i̱ hullo micha aia̱hlika yʋt chi tikba ma̱ha̱ya hoke.

Atʋloa 97:2

Hushontih, aiokhlileka aiena hosh ʋpakfoiyupa hoke; ai ʋlhpiesa ʋpehi̱sa yosh im ai o̱ binili hulittopa a hikkia yoke.

Loman 3:2

Ai oklu̱ha bieka; ʋmmona ka Chihowa im anumpa hʋt ibbak a foyuka hatok oka.

Tutelonomi 26:19

Anumpuli tuk mak osh, chi chahʋchit, ahninchit isht anumpuli ya̱ micha hohchifo ha̱, micha holitopʋt ʋmmona ka̱, oklushi puta moma ka̱ yʋmmak oka ikbi tok ʋt i̱ shahlechi ya̱ chishno ak o̱ chi i̱hi̱kbi ha tuk oke; yʋmohmi ho̱ chin Chitokaka Chihowah ya̱ okla i̱ holitopa chia ha chi̱ ha tok, im ahanchi tok.