Tutelonomi 4:7 - Chahta Holisso Holitopa 1886

⁷ Oklushi nanta hak osh holitopa kʋt yakohmi hotuma? yʋmma in Chitokaka yʋt pin Chitokaka Chihowah ya̱ nana moma ka̱ il im asilhha chatuk a̱ i̱ bilinchi hʋt chohmi hotuma?

Tutelonomi 4:7 Iomraidhean Croise

2 Samuel 7:23

Micha okla achʋfa nanta hak osh yakni paknaka aiasha kʋt chim okla Islael, yʋmmak oka Chitokaka ʋt falʋmminchit, im okla ikbit ilai ishit, mnicha hohchifo ilai ikbit chishno ya̱, micha chi̱ yakni ya̱ nana chinto, micha nana palʋmmi ka chim okla itikba ya̱ a yʋmihchit, yʋmmak oka falʋmminchit chumpʋt Echip a̱ akohchit, micha okla puta, micha i̱ naholbʋt toba aiena puta ka a kohchit, ish ilai ihi̱shi tuk chohmi cho?

Atʋloa 145:18

I̱ pa̱ha̱ya moma ka̱, a̱hli hosh i̱ pa̱ha̱ya moma ka̱, Chihowa hʋt i̱ bili̱ka hoke.

Atʋloa 147:20

Amba oklushi nanah kia ik i̱ yʋmihchoshke; yohmi hatuk o̱ nan ʋpehi̱sa yatuk a̱ oklah ik ithanoshke. Chihowa ha̱ hu holittoblichíh.

Atʋloa 148:14

Micha im okla ha̱ lʋpish wʋkayʋchit i̱ hilechi tuk oka̱, i̱ hulittopa ʋhlehah moma, Islael im ʋlla ʋhleha i̱ bili̱ka aiyasha okla hokʋt huletublicha hi ʋt im ai ʋlhpiesa hoke. Chihowa ha̱ hu holittoblichíh.

Atʋloa 34:17

Oklah i̱ pa̱ha̱yakmʋno, Chihowa hʋt haklo cha, isht ai ilbʋssha moma ka̱ a kohchih chatuk oke.

Atʋloa 34:18

Chu̱kʋsh kubafa ʋhleha ha̱ Chihowa hʋt i̱ bili̱chi hoke, micha imish shilombish kuchofa ʋhleha ha̱ okchalinchi hoke.

Atʋloa 46:1

Chitokaka yak osh il ai ʋtukko, micha pi̱ hulihta kʋllo yoke; ai ilbʋssha putta ka̱ ʋpelʋchi yosh oktʋnih fehna hoke.

Atʋloa 73:28

Amba ʋno yokʋto Chitokaka i̱ bili̱ka kak osh ʋm achukmʋshke; nanah isht ish ai a̱ha̱tta putta ka̱ ʋno̱ho̱li la chi̱ hosh a̱ Shahli Chihowa ha̱ ai ʋtukko li hoke.

Atʋloa 85:9

Im ai okcha̱ya yʋt i̱ nukshopa ʋhleha hak o̱ i̱ bili̱kasih pulla hoke; yʋmohmi hatuk o̱ ahulittopa yʋt pi̱ yakni ya̱ ai ittoiyula hoke.

Numbas 23:21

Chekob a̱ nanashʋchi a̱sha ik peso tuk, micha Islael a̱ nan ai ʋlhpiesa keyu ka̱ ik peso tuk oke; Chihowah in Chitokaka yʋt ibafohka hoke; micha im itin takla ya̱ mi̱ko shakapa hosh takali hoke.

Numbas 23:9

Tʋli hochito paknaka hikiʋt pi̱sa li, micha nʋnih puta hikiʋt pisa li hokʋt, Yakeh! okla hash osh ila aiasha chi̱ hoke, micha oklushi puta ka̱ iba holhtina he keyu hoke.

Apostel isht Anumpa 17:27

Yʋmmʋt Chitokaka ya̱ hoya chi̱ hatok; yʋmmak okʋto eho moma ka hʋpi mishemanchi keyu nana kia, yohma he yobakmʋt, pasholit hoyo fehna cha, yʋmmak oka ahayucha hinla hoke.

Tutelonomi 26:19

Anumpuli tuk mak osh, chi chahʋchit, ahninchit isht anumpuli ya̱ micha hohchifo ha̱, micha holitopʋt ʋmmona ka̱, oklushi puta moma ka̱ yʋmmak oka ikbi tok ʋt i̱ shahlechi ya̱ chishno ak o̱ chi i̱hi̱kbi ha tuk oke; yʋmohmi ho̱ chin Chitokaka Chihowah ya̱ okla i̱ holitopa chia ha chi̱ ha tok, im ahanchi tok.

Tutelonomi 33:29

Islael ma na chi yukpashke, kʋta hosh Chitokaka okchalinchi chishno ya̱ chohmi cho? okla ma, yʋmmak osh chin tilehpa chi apela, micha yʋmmak osh bʋshpo falaia ishit chi a holitopa mak oke: chin tʋnʋp ʋhleha hʋt chi̱ holabi atuk o̱ pisa chi̱ hoke, mikma im achahaka puta ish ahʋhlicha chi̱ hoke, (achi tok.)

Tutelonomi 4:32

Himak a̱ nitak ant ia tok, yʋmmʋt chi tikba ya tuk, Chitokaka yʋt hatak ikbit yakni paknaka ya̱ o̱ hilechi tok, nitak ʋhlit mihinti ka̱ ish a ponaklashke; micha shutik in tʋnnʋp achʋfa ʋttʋt ia hosh in tʋnnʋp ont ʋhli ka̱ ish aponaklashke, nana chito ilʋppa chiyuhmi kʋt aiasha tok oh cho? keyukmʋt nana ilʋppa chiyuhmi ka̱ haklo tok oh cho?

Tutelonomi 5:26

Hatak nipi moma ka̱ kʋta hosh Chihowah okcha̱ya yosh luak iklʋnna et ai anumpohonli na haklo pishno chohmi mʋt okcha̱ya chatuk atuma?

Chemis 4:8

Chihowa ai i bili̱ka pit hʋsh kanʋllashke, yohmikma ilap mʋt hʋchi̱ bilincha chi̱ hoke. Nan ashʋchi ʋhleha hʋchia hʋt hʋch ibbak a̱ hʋsh kashofikma, anonti im anukfila mia tuklo hʋchia mʋt hʋchi chu̱kʋsh a̱ hʋsh kostininchashke.