Tutelonomi 4:4 - Chahta Holisso Holitopa 1886

⁴ Amba hʋchin Chitokaka Chihowah ya̱ hʋsh asitia tok ʋto hʋsh moyuma kʋt himak nitak a̱ hʋchi okcha̱yʋshke.

Tutelonomi 4:4 Iomraidhean Croise

Atʋloa 63:8

Ʋmish shilombish ʋt kʋllot chi asittiʋshke; chibbak ishtimpakimma yʋt sʋ hʋllʋlli hoke.

Apostel isht Anumpa 11:23

Yʋmmak ash osh ʋla cha, Chihowa im isht il aiyukpa ka pihi̱sa mʋt na yukpa tok; micha chu̱kʋsh mʋt kʋllo hosh Chitokaka ya̱ isht asitia chi̱ ka, mominchit atonohonchi tok.

Loman 12:9

Isht i̱ hullo yʋt isht il ahobi iiksho hashke. Nan ik achukmo ka ish i̱ nukkillashke; nan achukma hoka ish asitiashke.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 13:4

Hʋchin Chitokaka Chihowah ya̱ iakaiyʋt hʋsh itʋnowashke, micha i̱ nukwiʋt im anumpa ha̱ holitoblit, im anumpa ha̱ hʋsh im antiʋt, in toksa̱hanlit hʋsh asitiashke.

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Tutelonomi 4:3

Baal‐peo pulla ho̱ Chihowah yʋt kaniohmichi tuk a̱ hʋchi nishkin ʋt pi̱sa tuk oke; chin Chitokaka Chihowah yʋt hatak Baal‐peo iakaiya tuk moma ka̱ hʋch itin takla ya̱ ai ishit kanchi tuk oka.

Tutelonomi 4:5

Yakeh, yakni yʋmma hʋsh ia kʋt, hʋsh binilikmʋt, hʋsh yʋmihcha chi̱ ho̱, an Chitokaka Chihowah yʋt ʋm apesa tuk mak o̱, chohmit, nan ʋlhpisa, micha aiʋlhpiesa yʋmihchi puta ka̱ hʋchim abʋchi li tuk oke.

Choshua 22:5

Yohmi kia ahah! ahni fehnʋt, nan ʋlhpisa puta Chihowa in tishu Moses ʋt atokolit hʋchi̱ miha kʋt, Chitokaka hʋchin Chihowa ya̱ holitoblit, ai ahni bieka ho̱ anoho̱wʋt, nan apihi̱sa puta ka ieshit, micha asitiʋt, micha chu̱kʋsh aioklu̱hʋt, micha shilombish aioklu̱hʋt hʋsh im antiashke, ahanchi tok a̱ hʋsh im antihi̱yashke, im achi tok.

Choshua 23:8

Amba yʋmohmit mihinti himak nitak a̱ ant ʋhli hokʋt, Chihowa hʋchin Chitokaka yak o̱ hʋsh asitiashke.

Nan Otʋni 14:4

Ilʋppak ash osh ohoyo nana kia isht a liteha tok keyu ʋhleha hoke; ohoyo himithoa hatak haleli keyu ho̱ chiyuhmi ʋhleha hoke. Ilʋppak ash osh Chukfʋlhpobushi, yʋmmʋt kanima yo̱ ia hoh kia, iakaiya ʋhleha mak oke. Ilʋppak o̱ hatak puta ai itintakla a kohchit chumpa tok o̱, Chihowa, micha Chukfʋlhpobushi ita tuklo ka immi nawaya ʋmmona ʋhleha hoke.

Nan Otʋni 20:4

Mihma ai o̱ binili holitompa puta ka pisa li tok, mihma yʋmma o̱ binohma̱ya kʋt nan ai apihi̱sa he im ʋlhpisa tok: yohmi ma nampoa nukshopa, mikmʋt i̱ holbʋt toba aiena ka ik aiokpacho, mikmʋt isht in chu̱wa yʋt ilap ibitakla, ibbak aiena ka ik a lapalo hosh; Chisʋs nan isht im atokowa, micha Chihowa im anumpa pulla ho̱ noshobo hʋt tahampa tok ʋhleha imi shilombish a̱ pisa li ma, yʋmmak ash ot okcha̱ya cha afʋmmi tahlepa sipokni achʋfa ka, mi̱ko yo̱ chohmit Klaist a̱ ibai ahanta tok.